ព័ត៌មានជាតិ

ត្រឹមរយៈពេល៣ថ្ងៃ ខេត្តកែប ទទួលភ្ញៀវទេសចរ ជិត១០ម៉ឺននាក់

បានផុស

៥ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

តាមរបាយការណ៍របស់រដ្ឋបាលខេត្តកែប បានបញ្ជាក់ថា គិតចាប់ពី ថ្ងៃសែនចូលឆ្នាំចិន ថ្ងៃទី១២ រហូតដល់រសៀលថ្ងៃអាទិត្យ ទី១៤ ខែកុម្ភៈ ឆ្នាំ២០២១ មានភ្ញៀវជាតិ-អន្តរជាតិ មកទស្សនា សម្រាក លម្ហែ កម្សាន្តនៅខេត្តកែប ចំនួន ៩២.៨០៤នាក់ ក្នុងនោះភ្ញៀវជាតិមានចំនួន៩២.៣៨៦នាក់ ភ្ញៀវអន្តរជាតិមានចំនួន៤១៨នាក់ និងមានរថយន្តរាប់ពាន់គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំនួនភ្ញៀវដ៏ច្រើននេះ បើប្រៀបធៀបជាមួយនឹងការសរុប នៃទីតាំងកម្សាន្តជាច្រើនក្នុងតំបន់ ដែលរដ្ឋបាលខេត្តមានបច្ចុប្បន្ន វាពិតជាច្រើនលើសលប់ហួសពីការស្មាន។ ដូច្នេះដើម្បីជៀសវាងកុំឲ្យមានករណីប្រឈមណាមួយទាក់ទិននឹងជំងឺកូវីដ១៩ អាជ្ញាធរខេត្តកែប បានជំរុញដល់មន្ត្រីគ្រប់ជំនាញក្នុងខេត្តត្រួតពិនិត្យនិងធ្វើការផ្សព្វផ្សាយនូវវិធានការ ការពារ និងទប់ស្កាត់ដ៏ហ្មត់ចត់ ដើម្បីកុំឲ្យមានការរីករាលដាលជំងឺកូវីដ១៩ នៅក្នុងសហគមន៍នៃតំបន់ទេសចរណ៍នានាទូទាំងខេត្តកែប។

លើសពីនេះ រដ្ឋបាលខេត្តកែបបានបញ្ជាក់ផងដែរថា ដោយបច្ចុប្បន្នខេត្តកែបជាខេត្តទេសចរណ៍ដ៏ប្រណិត និងមានការប្រឡងប្រណាំង “ការអនុវត្តវិធានសុវត្ថិភាពទេសចរណ៍”ហើយក្រុងកែប ត្រូវបានដាក់បញ្ចូលជាបេក្ខភាពមួយក្នុងចំណោមក្រុង ខណ្ឌ បេក្ខភាពទាណង៤១ នៃចលនាប្រឡងប្រណាំង”ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ”។

ជាមួយគ្នានេះ រដ្ឋបាលខេត្តកែប ក៏សូមអំពាវនាវដល់សាធារណៈជនទាំងអស់ ជាពិសេសភ្ញៀវទេសចរជាតិ និងអន្តរជាតិសូមចូលរួមវាយតម្លៃដល់បេក្ខភាពក្រុងកែប ដែលបានអនុវត្តវិធានសុវត្ថិភាពទេសចរណ៍ ដូចការរៀបរាប់ខាងលើនេះផង៕

អត្ថបទ៖ សេង ណារិទ្ធ

សូមចុចអាន៖ ចូលឆ្នាំចិន-វៀតណាម៣ថ្ងៃឆ្នាំ២០២១ខេត្តរតនគិរីមានការធ្លាក់ចុះភ្ញៀវទេសចរ២៩.០៧%

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា