ព័ត៌មានអន្ដរជាតិ

បុរសថៃម្នាក់រងការរិះគន់ពីអ្នកទស្សនា ក្រោយបង្ហាញឃ្លិបទទួលទានបង្កងឆៅលាងជាមួយសូដា

បានផុស

២ years មុន

នៅ

ថ្ងៃចន្ទ ១២ កុម្ភៈ ២០២៤

ដោយ

បន្ទាប់ពីក្លាយជាប្រធានបទស្តីពីការបរិភោគអាហារឆៅ ប្រថុយនឹងការកកកុញនៃជំងឺជំងឺរលាកសួត ថ្មីៗនេះ អ្នកញ៉ាំអាហារល្បីក្នុងបណ្ដាញសង្គម TikTok បានធ្វើឃ្លិបៗខ្លីៗញ៉ាំបង្កងឆៅដែលលោកបកសំបកហើយជ្រលក់ក្នុងទឹកសូដា មុនពេលដាក់ចូលក្នុងមាត់។

ទោះយ៉ាងណាក៏ដោយ ឃ្លិបវីដេអូរបស់បុរសជននជាតិថៃរូបនេះបានផ្ទុះលើបណ្ដាញសង្គមអ៉ិនធើណេត ដោយសារតែគាត់គិតថា ការប្រើតែសូដាលាងបង្កងនឹងធ្វើឲ្យពួកវាស្អាត។ ប៉ុន្តែតាមពិតទៅ ប៉ារ៉ាស៊ីតនៅក្នុងបង្កងច្រើនលើសពីការរំពឹងទុកទៅទៀត។

យោងទៅតាមសារព័ត៌មានថៃ khaosod បានដកស្រង់នូវសម្ដីរបស់មហាជនដែលទស្សនានូវឃ្លិបរបស់បុរសជាអ្នកលេង TikTok បានបញ្ចេញមតិស្របគ្នាថា គ្រោះថ្នាក់នៃការញ៉ាំបងង្កឆៅគឺថាប៉ារ៉ាស៊ីតនៅតែមាននៅក្នុងបំពង់រំលាយអាហាររបស់បង្គា។ ការលាងសម្អាតនឹងទឹកសូដា មិនធ្វើឲ្យវាស្អាតដល់កម្រិតដែលវាមានសុវត្ថិភាពក្នុងការញ៉ាំឡើយ។ ជាពិសេសការលាងសំអាតបង្កងមិនស្អាត ឬទទួលលើទានឆៅ នឹងនាំមកនូជំងឺរលាកក្នុងសួត។

យ៉ាងណាមិញ ការបង្ហោះបច្ចុប្បន្នរបស់បុរសទទួលទានបង្កងឆៅមានអ្នកមើលជាង ២០,០០០ នៅលើបណ្ដាញសង្គម X ។ ជាងនេះទៅទៀត មានការរិះគន់ខ្លាំងៗថា ការញ៉ាំអាហារដោយមិនចំអិន និងមិនបានលាងសម្អាតវាឲ្យបានហ្មត់ចត់ គឺជាទង្វើមិនសមរម្យ មិនមានអនាម័យគ្រប់គ្រាន់ អាចបង្កគ្រោះថ្នាក់ដល់សុខភាព និងការរិះគន់ការបង្កើតមាតិកាអាហារឆៅនៅក្នុង Tiktok ជាឧទាហរណ៍មួយដែលមិនសមរម្យបំផុត៕