ព័ត៌មានអន្ដរជាតិ
បុរសកាណាដាដើមកំណើតចិន បង្កចលាចលរត់ទៅបើកទ្វារយន្តហោះ Thai Airways ខណៈរៀបនឹងហោះឡើង
បុរសកាណាដាដើមកំណើតចិន វ័យ ៤០ ឆ្នាំម្នាក់ បានសម្រុកទៅបើកទ្វារសង្គ្រោះបន្ទាន់នៅលើយន្តហោះ Thai Airways បង្កឲ្យមានភាពចលាចលនិងភ័យស្លន់ស្លោពីសំណាកអ្នករួមដំណើរ ខណៈបុគ្គលិកប្រញាប់ប្រញាល់ចូលទៅឃាត់ និងបញ្ចូនខ្លួនលោកទៅកាន់ប៉ុស៍ប៉ូលិសតែម្ដង។
យោងតាម Thaiger បានរាយការណ៍ថា ហេតុការណ៍នេះបានកើតឡើងកាលពីវេលាម៉ោង៩យប់ ថ្ងៃទី៧ ខែកុម្ភៈ ឆ្នាំ២០២៤ នៅក្នុងករណីដ៏រន្ធត់មួយនៅលើជើងហោះហើរ TG121 ហោះទៅកាន់ឈៀងម៉ៃ-បាងកក របស់ក្រុមហ៊ុនអាកាសចរណ៍ Thai Airways នៅពេលដែលលោក Wong Sai Heung ជាវិស្វករកុំព្យូទ័រជនជាតិចិន។ គាត់បានបង្កភាពចលាចល ដោយរត់ទៅបើកទ្វារយន្តហោះ ខណៈយន្តហោះកំពុងរៀបចំហោះឡើង បណ្តាលឲ្យកៅអីរអិលក្រឡាប់។ ភ្លាមៗនោះដែរ យន្តហោះមិនអាចហោះហើរទៅមុខបន្តទៀតទើបបង្ខំចិត្តចុះចតកណ្តាលផ្លូវរត់ បណ្តាលឲ្យប៉ះពាល់ដល់យន្តហោះចំនួន១៣ជើងផ្សេងទៀតដែលប្រុងនឹងហោះហើរដូចគ្នា។
![](https://www.kampucheathmey.com/wp-content/uploads/2024/02/image-597-1024x538.png)
ទោះយ៉ាងណាក៏ដោយ ក្រោយពេលកើតហេតុ សមត្ថកិច្ចបាននាំខ្លួនគាត់ទៅឃុំខ្លួននៅប៉ុស្តិ៍ប៉ូលិស Phupingkharajaniwet ស្រុក Muang ខេត្ត Chiang Mai និងបានឆែកឆេរបានរកឃើញថ្នាំមួយចំនួនដែលលោកដាក់តាមខ្លូន។ តាមការស្រាវជ្រាវរកឃើញថា បុរសរូបនេះជាជនជាតិកាណាដាដើមកំណើតចិន អាយុ៤០ឆ្នាំ និងត្រូវចោទប្រកាន់ចំនួន២បទល្មើស៖ មានន័យថា ប្រព្រឹត្តបទឧក្រិដ្ឋ ធ្វើដោយមធ្យោបាយណាក៏ដោយ ដែលបណ្តាលឲ្យយន្តហោះស្ថិតក្នុងលក្ខណៈដែលទំនងជាបង្កគ្រោះថ្នាក់ដល់មនុស្ស និងជាបុគ្គលនៅលើយន្តហោះក្នុងអំឡុងពេលហោះហើរបំពាន ឬមិនធ្វើតាមបញ្ជារបស់អ្នកគ្រប់គ្រងយន្តហោះ ឬបុគ្គលិកយន្តហោះ។
ដោយឡែក កាលពីពេលថ្មីៗនេះ ទំព័រហ្វេសប៊ុករបស់លោក Sorayut Suthatsanajinda អ្នកយកព័ត៌មានបានបញ្ជាក់កាលពីរសៀលថ្ងៃទី0៨ ខែកុម្ភៈ ឆ្នាំ២០២៤ថា លោក Wong ដែលស្ថិតនៅក្នុងបន្ទប់ឃុំឃាំង កំពុងតែមានអារម្មណ៍តានតឹងខ្លាំងរហូតដល់ឆ្កួតហើយព្យាយាមធ្វើបាបខ្លួនឯង ព្យាយាមវាយក្បាលរបស់គាត់បុកនឹងទ្រុងដែក រហូតដល់បណ្តាលឲ្យហើម ហើយថែមទាំងព្យាយាមខាំខ្នងដៃរបស់គាត់រហូតអ្នកយាមចូលទៅឃាត់ខ្លួន ព្រមទាំងសុំកម្លាំងជួយនាំគាត់ទៅមន្ទីរពេទ្យសរសៃប្រសាទដើម្បីព្យាបាលជំងឺ ។
យ៉ាងណាមិញ យោងតាមរបាយការណ៍ចុងក្រោយគឺនៅព្រឹកថ្ងៃទី ០៩ ខែកុម្ភៈ បានបញ្ចាក់ដែរថា ជនជាប់ចោទកំពុងស្ថិតក្រោមការថែទាំសុខភាពនៅឡើយ។ ចំពោះរោគសញ្ញាផ្លូវចិត្តមានឬអត់នោះ ប៉ូលិសប្រាប់ថាត្រូវតែឲ្យគ្រូពេទ្យធ្វើរោគវិនិច្ឆ័យលម្អិតម្តងទៀតផងដែរ៕
![](https://www.kampucheathmey.com/wp-content/uploads/2024/02/image-598-768x1024.png)
![](https://www.kampucheathmey.com/wp-content/uploads/2024/02/image-601.png)
អត្ថបទ៖ សាង ស្រីល័ក្ខ
ចុចអាន៖បុរសអាមេរិកម្នាក់ ច្រឡំពោលពាក្យគេហាមប្រាមលើកប៉ាល់ទេសចរណ៍ ជាប្រផ្នូលមិនល្អដូចទីតានិក
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព