ជីវិតកម្សាន្ដ

តារាថៃនិយមតួកាច Carissa បង្ហោះរូបអបអរថ្ងៃកំណើតសុទ្ធតែលើកជើង

បានផុស

១ year មុន

នៅ

ថ្ងៃចន្ទ ៤ មីនា ២០២៤

ដោយ

តារាថៃនាង Carissa Springett ដែលទស្សនិកជនតែងចំណាំតែដើរតួកាចឆ្នាស ពេលនេះនាងបានបង្ហោះរូបភាពច្រើនសន្លឹកបង្អួតភាពសិចស៊ី ដើម្បីអបអរខួបកំណើតឈានដល់អាយុ ២៦ឆ្នាំ ខណៈដែលកាយវិការនីមួយៗសុទ្ធតែស្រើបស្រាលលើកជើង។

តាមរយៈបណ្ដាញសង្គម IG ផ្ទាល់របស់អតីតបេក្ខនារីមួយរូបក្នុងកម្មវិធីស្វែងរកតារាបង្ហាញម៉ូដដ៏ល្បី The Face Thailand Season 1 បានស្លៀកឈុតពណ៌ទឹកដោះគោបែកស រាងសណ្ធានដូចអាវទ្រនាប់ ដោយរូបនាងបង្ហាញរូបរាងដ៏ក្តៅគគុក អបអរសាទរខួបកំណើតដ៏ឱឡារិករបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពនៃសម្លៀកបំពាក់ខួបកំណើតរបស់ Carissa បង្ហាញពីក្បាច់ប្លែកៗចំនួន ១០ កាន់តែបង្កើនភាពស៊ិចស៊ីជាមួយនឹងស្រោមដៃ និងស្រោមជើងពណ៌សក្នុងកាយវិការញ៉ាំផ្លែ cherries អមដោយ Caption បន្ថែមពីខាងក្រោមរូបភាពថា “សូមជូនពរក្នុងថ្ងៃខួបកំណើតខ្លួនឯងថា ឆ្នាំនេះ សូមឲ្យខ្ញុំមានកម្លាំងខ្លាំងក្លា ពុះពារគ្រប់ឧបសគ្គនានា។ ពេញមួយឆ្នាំនេះសូមឲ្យសម្បូរសប្បាយ ជោគជ័យ មានការងារច្រើន និងជួបតែសេចក្តីសុខ មិនសោកសៅ មានតែកម្លាំងចិត្តរហូតទៅដែរ។ អរគុណសម្រាប់ក្តីស្រលាញ់ពីអ្នកគ្រប់គ្នាដែលតែងតែផ្តល់ឲ្យខ្ញុំ។ សូមឲ្យអ្នកដែលបានឃើញការបង្ហោះនេះមានសុភមង្គល និងមានកម្លាំងចិត្តទៅមុខ! ស្រលាញ់អ្នកទាំងអស់គ្នា”។

ថ្វីបើយ៉ាងណាក៏ដោយ រូបភាពរបស់តារាស្រីនិយមដើរតួកាចរូបនេះបានទទួលការសាទរពីមិត្តភ័ក្តិជិតស្និទ្ធ និងអ្នកកម្សាន្តរួមទាំងអ្នកគាំទ្រជាច្រើន។ ជាពិសេសទៀតសោតនោះគឺហ្វេនប្រុសៗតែម្ដង បន្ទាប់ពីបានឃើញឈុតខួបកំណើតរបស់នាងម្នាក់ៗសុទ្ធតែចូលមកបញ្ចេញមតិសរសើរពីភាពក្តៅគគុកនិងសិចស៊ីរបស់តារាស្រីកូនកាត់ ព្រមទាំងជូនពរថ្ងៃកំណើតនេះឲ្យជួបតែរឿងល្អៗចូលមកក្នុងជីវិតថែមទៀតផង៕