សន្តិសុខសង្គម

ប្រទះឃើញវ៉ាលីដាក់សាកសព ក្បែរផ្លូវជាតិលេខ៤៨ ឃុំអណ្តូងទឹក ស្រុកបូទុមសាគរ

បានផុស

២ years មុន

នៅ

ថ្ងៃព្រហស្បតិ៍ ២១ មីនា ២០២៤

ដោយ

កោះកុង ៖ ក្រុមកម្មករស្ថាបនាផ្លូវជាតិលេខ៤៨ បានប្រទះឃើញមានវ៉ាលីមួយដាក់សាកសព ក្បែរចិញ្ចើមផ្លូវ ស្ថិតភូមិជីមាល ឃុំអណ្តូងទឹក ស្រុកបូទូមសាគរ ដោយសមត្ថកិច្ចសន្និដ្ឋានជារឿងឃាតកម្ម។

កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកោះកុង សហការជាមួយកម្លាំងការិយាល័យបច្ចេកទេស កម្លាំងអធិការដ្ឋាននគរបាលស្រុកបុទុមសាគរ រួមនឹងមន្ត្រីនៃមន្ទីរពេទ្យបង្អែកខេត្តផងដែរ បានចុះពិនិត្យសាកសពខាងលើនេះ ក្រោយមានការរាយការណ៍ផ្តល់ព័ត៌មានពីក្រុមកម្មករធ្វើផ្លូវជាតិលេខ៤៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរៈសេនីយ៍ឯក ឡាយ ទីរ៉ូ នាយការិយាល័យ ព្រហ្មទណ្ឌកម្រិតធ្ងន់ បានបញ្ជាក់នៅថ្ងៃទី២០ ខែមីនា ឆ្នាំ២០២៤នេះថា សាកសព ត្រូវបានជនល្មើសវាយបែកក្បាលផ្នែកខាងមុខហើយញាត់ចូលវាលីជ័រពណ៌ទឹកក្រូចហើយយកមកបោះប្លុងចោលប្រហែលជា៣ថ្ងៃមកហើយ។

នគរបាលជំនាញ បន្ថែមថា លទ្ធផលខណៈពេលកម្លាំងចំរុះចុះពិនិត្យសាកសពនោះ សាកសព មិនស្គាល់អត្តសញ្ញាណ អ្វីទាំងអស់ ប៉ុន្តែគ្រាន់តែដឹងថា មានភេទប្រុស ជនជាតិខ្មែរ ដោយនៅលើដើមដៃឆ្វេងរបស់សាកសពមានចាក់សាក់ជាអក្សរខ្មែរថា (ចងចាំ)ដោយសរសេរលេខខ្មែរនៅខាងក្រោម០៥.០៩.២១ ហើយសាកសព មានសភាពហើមធុំក្លិនអសោចនិងមានដង្កូវចុះទៅហើយ ករណីនេះកម្លាំងជំនាញបានធ្វើសន្និដ្ឋានថា ជាករណីឃាតកម្ម។

បន្ទាប់ពីបានពិនិត្យកោសល្យវិច័យសាកសពចប់សព្វគ្រប់ សមត្ថកិច្ចប្រគល់សាកសពជូនអធិការដ្ឋាននគរបាលស្រុកបូទុមសាគរ ដើម្បីចាត់ចែងបញ្ចុះសាកសពនៅក្នុងមូលដ្ឋានតែម្តងនិងបន្តស្រាវជ្រាវរកសាច់ញាតិមកទទួល ព្រមទាំងបើកការស៊ើបអង្កេតរកជនសង្ស័យ ដើម្បីចាត់ការតាមនីតិវិធីផងដែរ៕

Related Topics:ប្រទះឃើញសព

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា