សន្តិសុខសង្គម

ប្រទះឃើញសពបុរសម្នាក់ដេកស្លាប់ក្នុងដីឡូត៍ ១ កន្លែង មានស្នាមរបួស សង្ស័យឃាតកម្ម

បានផុស

៦ ខែ មុន

នៅ

ថ្ងៃអាទិត្យ ១១ មករា ២០២៦

ដោយ

សពបុរសម្នាក់ ត្រូវបានប្រជាពលរដ្ឋប្រទះឃើញដេកស្លាប់ក្នុងដីឡូត៍ ១ កន្លែង ដោយមានស្នាមរបួសពេញខ្លួន បង្កការភ្ញាក់ផ្អើលកាលពីវេលាម៉ោង ៩ ព្រឹក ថ្ងៃទី ១១ ខែមករា ឆ្នាំ ២០២៦ ស្ថិតនៅភូមិទួលពង្រ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពបុរសខាងលើមិនទាន់ស្គាល់អត្តសញ្ញាណនៅឡើយទេ មានមាឌធំ ពាក់អាវខ្មៅដៃវែង ស្លៀកខោខ្មៅជើងវែង អាយុប្រហែលជាង ៤០ ឆ្នាំ។

តាមប្រភពព័ត៌មានបានឲ្យដឹងថា មុនកើតហេតុមានប្រជាពលរដ្ឋធ្វើដំណើរឆ្លងកាត់ក៏ប្រទះឃើញជនរងគ្រោះដេកក្បែររបងក្នុងដីឡូត៍ខាងលើ ខណៈដើរចូលទៅមើលឃើញមានស្នាមរបួសឈាមពេញខ្លួន និងឃើញមានដុំថ្ម ៤ ៥ ដុំ នៅក្បែរនោះដែរ ភ្លាមក៏រាយការណ៍ទៅអាជ្ញាធរមានសមត្ថកិច្ចចុះពិនិត្យជាក់ស្ដែង។

ក្រោយកើតហេតុសមត្ថកិច្ចមូលដ្ឋានបានសហការជាមួយនគរបាលជំនាញពាក់ព័ន្ធ រួមទាំងមន្ត្រីការិយាល័យបច្ចេកទេស និងវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញ ចុះពិនិត្យជាក់ស្ដែង និងស្រាវជ្រាវស្វែងរកសាច់ញាតិសាកសព និងបន្តនីតិវិធីជុំវិញករណីមួយនេះ៕

អត្ថបទ ៖ សុខា