សន្តិសុខសង្គម

Update ៖ ប្រទះឃើញសពបុរសម្នាក់ដេកស្លាប់ក្នុងដីឡូត៍ ០១ កន្លែង នៅខណ្ឌជ្រោយចង្វារ សង្ស័យករណីវាយសម្លាប់

បានផុស

១១ ខែ មុន

នៅ

ថ្ងៃព្រហស្បតិ៍ ១០ កក្កដា ២០២៥

ដោយ

ប្រជាពលរដ្ឋម្នាក់ បានដើរទៅបត់ជើងតូច បែរជាប្រទះឃើញបុរសម្នាក់ដេកស្លាប់ក្នុងដីឡូត៍ ០១ កន្លែង និងមានដំបងឈើប្រឡាក់ឈាមចោលក្បែរសាកសពទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៨ ព្រឹក ថ្ងៃទី ១០ ខែកក្កដា ឆ្នាំ ២០២៥ ស្ថិតនៅចំណុចដីឡូត៍ ០១ កន្លែង តាមបណ្ដោយផ្លូវ OCIC សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៌មានបឋមពីអ្នកលក់ដូរនៅក្បែរនោះបានប្រាប់ឲ្យដឹងថា កាលពីវេលាចន្លោះម៉ោង ១១ យប់ ថ្ងៃទី ០៩ ខែកក្កដា ឆ្នាំ ២០២៥ មានមនុស្ស ០១ ក្រុម បានប្រមូលផ្តុំគ្នាអង្គុយផឹកស៊ីនៅចំណុចក្នុងដីឡូត៍ខាងលើ ស្របពេលនោះ ក៏មានការឈ្លោះប្រកែកគ្នាឮៗ ហើយឈ្លោះគ្នាបានបន្តិច រួចក៏ស្ងាត់ទៅវិញ។ លុះមួយសន្ទុះក្រោយមក មានម៉ូតូ ០២ ទៅ ០៣ គ្រឿង បានជិះចេញពីកន្លែងកើតហេតុបាត់ទៅ។

ប្រភពព័ត៌មានដដែលបន្តថា រហូតមកដល់ព្រឹកនេះ ក៏មានប្រជាពលរដ្ឋស្នាក់នៅក្បែរៗ នោះ បានដើរមកចំណុចដីឡូត៍ខាងលើ ដើម្បីបត់ជើងតូច ប៉ុន្តែបែរជាប្រទះឃើញសាកសពបុរសម្នាក់ រួមជាមួយនឹងដំបងឈើមានប្រឡាក់ឈាមក្បែរទីតាំងកើតហេតុ។ ភ្លាមៗ អ្នកឃើញហេតុការណ៍បាន ប្រញាប់រាយការណ៍ជូនសមត្ថកិច្ចមូលដ្ឋានជួយអន្តរាគមន៍តែម្ដង។

បច្ចុប្បន្នសពកំពុងត្រូវបាននគរបាលជំនាញធ្វើកោសល្យវិច័យ។ ដោយឡែកចំពោះមូលហេតុច្បាស់លាស់សមត្ថកិច្ចកំពុងស្រាវជ្រាវលម្អិតបន្ថែម៕

អត្ថបទ ៖ រដ្ឋា

Related Topics:ប្រទះឃើញសព ខណ្ឌជ្រោយចង្វារ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា