ព័ត៌មានអន្ដរជាតិ
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
ក្រុមហ៊ុន Toyota បានប្រកាសប្រមូលរថយន្ត Prius ប្រហែល ២១១,០០០ គ្រឿងនៅជុំវិញពិភពលោកចូលមកក្នុងរោងចក្រវិញ ដោយសារតែហានិភ័យទ្វារក្រោយអាចបើកបានដោយខ្លួនឯង ក្នុងអំឡុងពេលរថយន្តកំពុងបើកបរ ។ នេះបើយោងតាមការចេញផ្សាយដោយទូរទស្សន៍ជាតិជប៉ុន NHK នៅថ្ងៃទី១៨ ខែមេសានេះ ។
ក្រុមហ៊ុនផលិតរថយន្តជប៉ុននិយាយថា ខ្លួនបានបញ្ឈប់ការផលិតរថយន្តប្រភេទនេះរហូតដល់ទទួលបានគ្រឿងបន្លាស់ដើម្បីដោះស្រាយបញ្ហា ។ នៅក្នុងប្រទេសជប៉ុន ការប្រមូលមកវិញកំពុងប៉ះពាល់ដល់រថយន្តប្រហែល ១៣៥,០០០ គ្រឿងដែលផលិតនៅចន្លោះខែវិច្ឆិកា ឆ្នាំ ២០២២ ដល់ខែមេសានៃឆ្នាំ ២០២៤ នេះ ។
យោងតាមក្រសួងដឹកជញ្ជូនបានឲ្យដឹងថា ដោយសារតែប្រព័ន្ធការពារទឹកនៅទ្វារខាងក្រោយមិនទាន់បិទជិតល្អ ដូច្នេះទឹកអាចជ្រៀបចូល ហើយក្នុងស្ថានភាពដ៏អាក្រក់បំផុត ប្រសិនបើទ្វារមិនចាក់សោទេនោះ ទ្វារនឹងបើកដោយខ្លួនឯងបាន អំឡុងពេលដែលរថយន្ត Prius កំពុងបើកបរ ខណៈមកទល់ពេលនេះ មានករណីទ្វាររថយន្តរបើកដោយខ្លួនចំនួន ៣ ករណីហើយ ប៉ុន្តែមិនមានការរាយការណ៍ពីគ្រោះថ្នាក់នោះទេ ។
គួរបញ្ជាក់ថា រថយន្ត Prius សម្រាប់ទីផ្សារប្រទេសជប៉ុនផលិតនៅរោងចក្រមួយក្នុងទីក្រុង Toyota ខេត្ត Aichi ហើយដោយសារតែបញ្ហានេះ ក្រុមហ៊ុនបានផ្អាកការផលិតចាប់តាំងពីថ្ងៃទី៤ ខែមេសាមកម្ល៉េះ ៕
អត្ថបទ ៖ ប៊ុន សុភាព
-
ព័ត៌មានជាតិ៥ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ២ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ៥ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៦ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៥ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ចរាចរណ៍៥ ថ្ងៃ ago
រដ្ឋបាលរាជធានី ស្នើពលរដ្ឋដែលពុំមានការចាំបាច់ ពុំគួរធ្វើដំណើរឆ្លងកាត់តំបន់ទាំងនេះថ្ងៃ ១៧ ឧសភា
-
ព័ត៌មានអន្ដរជាតិ៦ ថ្ងៃ ago
ផុតពីព្យុះព្រះអាទិត្យ ភពផែនដី អាចត្រូវវាយប្រហារដោយព្យុះវិទ្យុសកម្មមួយទៀត ក្នុងសប្តាហ៍នេះ
-
ព័ត៌មានជាតិ៥ ថ្ងៃ ago
សម្ដេចតេជោ តឿនឱ្យរដ្ឋាភិបាល ប្រញាប់បើកការដ្ឋានជីកព្រែកហ្វូណនតេជោ