ព័ត៌មានជាតិ
មន្ត្រី ប.ស.ស បង្ហាញពីភាពខុសគ្នា នៃការប្រើបណ្ណរវាងបុគ្គលស្វ័យនិយោជន៍ និងអ្នកក្នុងបន្ទុកជាមន្ត្រីរាជការ
មន្ត្រីបេឡាជាតិសន្តិសុខសង្គម(ប.ស.ស) បានលើកឡើងថា បុគ្គលស្វ័យនិយោជន៍ និងអ្នកក្នុងបន្ទុកជាកម្មករ-និយោជិត ពេលទៅចុះឈ្មោះធ្វើបណ្ណ ប.ស.ស មិនអាចប្រើប្រាស់បានភ្លាមៗ ដូចអ្នកក្នុងបន្ទុកជាមន្ត្រីរាជការទេ ពោលគឺត្រូវបង់ថវិកា ២ ខែ ជាប់ៗគ្នាសិន ទើបអាចប្រើប្រាស់សេវានៅតាមមន្ទីរពេទ្យនានាជាដៃគូរបស់ ប.ស.ស បាន។
បើតាម កញ្ញា មីនា ជាមន្ត្រីទទួលបន្ទុកព័ត៌មានបេឡាជាតិសន្តិសុខសង្គម បានពន្យល់ថា តាមគោលការណ៍ បុគ្គលស្វ័យនិយោជន៍ និងអ្នកក្នុងបន្ទុកកម្មករ-កម្មការិនី ចុះឈ្មោះធ្វើបណ្ណ ប.ស.ស នៅមិនទាន់មានសុពលភាពអាចប្រើប្រាស់សេវានៅតាមមន្ទីរពេទ្យនានាជាដៃគូរបស់ ប.ស.ស បានទេ លុះត្រាតែគាត់ត្រូវបង់ភាគទាន ២ ខែ ជាប់គ្នា ជាមុនសិន ទើបអាចមានសុពលភាពប្រើប្រាស់បាន ដោយក្នុង ១ ខែ បង់ភាគទាន ១៥ ៦០០ រៀល ផ្ទុយពីអ្នកក្នុងបន្ទុកជាមន្ត្រីរាជការពេលទៅធ្វើបណ្ណ ប.ស.ស ភ្លាម អាចមានសុពលភាពប្រើប្រាស់បានភ្លាមៗ តែម្ដង។
កញ្ញា មីនា បានបន្តថា ការដែលអ្នកក្នុងបន្ទុកជាមន្ត្រីរាជការពេលទៅធ្វើបណ្ណ ប.ស.ស ភ្លាម អាចប្រើប្រាស់បានភ្លាមៗ គឺដោយសាររាជរដ្ឋាភិបាលទទួលបន្ទុកជាអ្នកបង់ជំនួសដោយមិនមានការកាត់ប្រាក់ខែពីសាមីជាមន្ត្រីរាជការឡើយ។
កញ្ញា បានបញ្ជាក់ថា ចាប់តាំងពីរដ្ឋាភិបាលបានអនុញ្ញាតឱ្យបុគ្គលស្វ័យនិយោជន៍ និងអ្នកក្នុងបន្ទុកជាកម្មករ-កម្មការិនី និងមន្ត្រីរាជការរួចមក ឃើញថា ពួកគាត់បានមកចុះឈ្មោះធ្វើបណ្ណ ប.ស.ស យ៉ាងច្រើនកុះករ មិនថាចាស់ ឬ កុមារ នោះទេ។ ព្រោះថា ពេលពួកគាត់មានបណ្ណ ប.ស.ស នឹងទទួលបានការពិនិត្យ និងព្យាបាលជំងឺនៅតាមមន្ទីរពេទ្យរដ្ឋ និង ឯកជនជាដៃគូរបស់ ប.ស.ស ដែលនៅជិតបំផុត ដោយឥតគិតថ្លៃ ព្រមទាំងទទួលបានអត្ថប្រយោជន៍ជាច្រើនទៀតផងដែរ៕
អត្ថបទ ៖ សំអឿន
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម
-
ព័ត៌មានជាតិ៥ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ