រំលេចខ្លួន​ក្នុងឈុតកូនក្រមុំ​កូរ៉េ​ Kwan ទទួលការសរសើរភ្លូកទឹកភ្លូកដី

កាលពីពេលថ្មីៗនេះ តារាសម្ដែង Kwan Usamanee បានបង្ហោះរូបភាពស្លៀករ៉ូបអាពាហ៍ពិពាហ៍ពណ៌សជាឈុតបែបកូរ៉េអមជាមួយនឹងមកុដតុបតែងនៅលើក្បាលរបស់នាង។ អ្វីដែលកាន់តែពិសេសខ្លាំងបំផុតនោះគឺការតុបតែងមុខមាត់របស់នាងលើកនេះ ទាក់ចិត្តអ្នកគាំទ្រលើកសរសើរសម្រស់យ៉ាងភ្លូកទឹកភ្លូកដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះនៅលើគណនីផ្ទាល់ខ្លួនរបស់នាងនៅក្នុងរូបភាពប៉ុន្មានសន្លឹកតារាសម្ដែងទាំងតួឯកនិងតួកាចរូបនេះបានសរសេរខេបសិនថា “ជាលើកដំបូងដែលស្លៀកឈុតអាពាហ៍ពិពាហ៍បែបនេះ ពិតជារំភើបនិងសប្បាយចិត្តយ៉ាងខ្លាំង”។

បន្ទាប់ពីបង្ហោះរូបភាពក្នុងឈុតកូនប្រមុំបែបកូរ៉េមិនបានប៉ុន្មានផង Kwan Usamanee​ ទទួលបានមតិជាច្រើនក្នុងន័យលើកសរសើរសម្រស់របស់នាងថាស្លៀកឈុតម្ដងនេះពិតជាស្រស់ស្អាតខ្លាំង មើលមិនដឹងថាជានាងឡើយ។ ជាពិសេសទៀតដែរ ឈុតមួយនេះបានលើកសម្រស់នាងឲ្យកាន់តែមានវ័យក្មេងជាងមុនទ្វរដង ហើយមហាជនគ្រប់ៗគ្នាពិតជាចង់ឃើញរូបនាងចូលរោងការឆាប់ៗផងដែរ។

ទោះយ៉ាងណាក៏ដោយ មិនមែនជារឿងចម្លែកនោះទេ សម្រាប់តួឯកស្រីប្រចាំប៉ុស៍លេខ៧ថៃរូបនេះ តែងតែទទួលបានការសរសើរទាក់ទិននឹងសម្រស់របស់នាង ថ្វីបើមានវ័យ៣៦ឆ្នាំហើយក្ដី។ ជារឿយៗនាងតែងរំលេចខ្លួនលើបណ្ដាញសង្គមទាំងរូបភាពសិចស៊ីនិងរមទម ហើយក៏មិនខ្វះអ្នកសរសើរនាងដែរ៕

សូមទស្សនារូបភាពខាងក្រោម៖

អត្ថបទ៖ សាង ស្រីល័ក្ខ

ចុចអាន៖តារាថៃ Bella​ បញ្ចាក់ទំនាក់ទំនងជាមួយកូនថៅកែ CP Group