សេដ្ឋកិច្ច
ការលក់ និងផលិតរថយន្តជាសកលរបស់ Toyota ធ្លាក់ចុះនៅខែមេសា
ការលក់ និងការផលិតរថយន្តជាសកលរបស់ក្រុមហ៊ុនរថយន្តជប៉ុន Toyota Motor បានធ្លាក់ចុះកាលពីខែមេសា បើធៀបនឹងរយៈពេលដូចគ្នាកាលពីឆ្នាំមុន ដោយសារតែធ្លាក់ចុះការលក់ទាំងនៅចិន និងជប៉ុន។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ការលក់ជាសកលបានធ្លាក់ចុះ ០,៥ ភាគរយក្នុងខែមេសា ដែលរួមចំណែកដោយការធ្លាក់ចុះ ២៧ ភាគរយនៅប្រទេសចិន និង ១៤ ភាគរយនៅប្រទេសជប៉ុន ទោះបីជាការលក់នៅសហរដ្ឋអាមេរិក និងអឺរ៉ុប កើនឡើងក៏ដោយ។ Toyota និយាយថា ការលក់នៅចិនបានធ្លាក់ចុះ បើទោះបីជាក្រុមហ៊ុនបានរៀបចំព្រឹត្តិការណ៍ផ្សព្វផ្សាយជាច្រើននៅតាមហាងលក់រថយន្តនានាទូទាំងប្រទេសក៏ដោយ។
ជាមួយគ្នានេះ ក្រុមហ៊ុនផលិតរថយន្តកំពូលរបស់ពិភពលោកដដែល បានរាយការណ៍ថា ផលិតកម្មជាសកលរបស់ខ្លួន បានធ្លាក់រហូតដល់ ៤ ភាគរយ ដោយសារការធ្លាក់ចុះនៅចិន ជប៉ុន ថៃ និងម៉ិកស៊ិក ទោះបីជាការផលិតនៅសហរដ្ឋអាមេរិក និងឥណ្ឌាកើនឡើងក៏ដោយ។
បើតាមរ៉យទ័រ ជិត ៤០ ភាគរយនៃរថយន្តដែលក្រុមហ៊ុន Toyota លក់បានក្នុងខែមេសា គឺជារថយន្តកូនកាត់(ប្រើអគ្គិសនីផង និងឥន្ធនៈផង) ហើយមានតែ ២ ភាគរយប៉ុណ្ណោះជារថយន្តអគ្គិសនី។
គួរគូសបញ្ជាក់ថា ក្រុមហ៊ុនផលិតរថយន្តផ្សេងៗ បានជាប់គាំងនៅក្នុងសង្រ្គាមតម្លៃក្នុងប្រទេសចិន ដែលជាទីផ្សារលក់រថយន្តដ៏ធំបំផុតលើសកលលោក។ ក្រុមហ៊ុនផលិតរថយន្តជប៉ុន ប្រឈមនឹងសម្ពាធយ៉ាងខ្លាំងពីរបត់នៃការងាកទៅប្រើប្រាស់រថយន្តអគ្គិសនី និងរថយន្តកូនកាត់របស់ក្រុមហ៊ុនចិន។
ចំណែកឯការលក់រថយន្តរបស់ Toyota នៅក្នុងប្រទេសជប៉ុនវិញ បានរងផលប៉ះពាល់ពីការផ្អាកការផលិតរថយន្តម៉ូដែល Prius ជាបណ្តោះអាសន្ននៅរោងចក្រ Tsutsumi ដើម្បីត្រួតពិនិត្យគុណភាព ក៏ដូចជាការផ្អាកការផលិតជាអន្លើរនៅរោងចក្រ Toyota Auto Body ដែលផលិតរថយន្តដឹកអ្នកដំណើរធុនតូច Noah និង Voxy។ លើសពីនេះ ក្រុមហ៊ុន Toyota ក៏ប្រឈមមុខនឹងរឿងអាស្រូវរបស់ក្រុមហ៊ុនបុត្រសម្ព័ន្ធ Daihatsu ដែលរងការចោទប្រកាន់ថាបានក្លែងបន្លំទិន្នន័យសុវត្ថិភាពតេស្តរថយន្ត៕
-
ព័ត៌មានជាតិ៧ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៦ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
សន្តិសុខសង្គម១ សប្តាហ៍ agoបុរសម្នាក់ត្រូវផ្ទាំថ្មបាក់សង្កត់ស្លាប់ ក្រោយព្យាយាមចុះរណ្ដៅរុករករ៉ែមាស
-
កីឡា៤ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
កីឡា៩ ម៉ោង agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ