ជីវិតកម្សាន្ដ

កូន អាន់ ៖ “វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើងថ្កាន” ជាពាក្យស្លោកដក់ជាប់ក្នុងបេះដូងខ្មែរ

បានផុស

២ years មុន

នៅ

ថ្ងៃពុធ ៣១ កក្កដា ២០២៤

ដោយ

នាដការីឆ្នើមផ្នែករបាំបុរាណអប្សារាលើភ្នំទឹកកកកញ្ញា កូន អាន់ ដែលមានឈ្មោះពិត សុគា គីមលាង កន្លងមកត្រូវបានទស្សនិកជនដឹងថានាងតែងតែ មានភាពលេចធ្លោលើសកម្មភាពផ្សព្វផ្សាយវប្បធម៌សិល្បៈខ្មែរ។សកម្មភាពនេះ តែងទទួលបានកាសរសើរ និងគាំទ្រពីសំណាក់មហាជនខ្មែរគ្រប់វ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ កាលពីថ្មីៗកន្លងទៅកញ្ញា សុគា គីមលាង ឬ កូន អាន់ ក៏ធ្លាប់បានចេញមុខប្តេជ្ញាចូលរួមផ្សព្វផ្សាយវប្បធម៌ អរិយធម៌ កេរ្តិ៍មរតកដូនតាខ្មែរមិនអាចឲ្យស្លាប់ទេ។ ម្យ៉ាងទៀតនាងថា ខ្លួនពិតជាសំណាងណាស់ដែលបានកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ។

ទោះបីជាយ៉ាងណា ពេលនេះនាដការីដ៏ស្រស់សោភារូបនេះបានបញ្ជាក់ភ្ជាប់ដោយពាក្យស្លោកមួយឃ្លាថា“វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើងថ្កាន” នេះគឺជា ពាក្យស្លោកមួយដក់ជាប់ក្នុងបេះដូងខ្មែរចាប់តាំងពីធំដឹងក្ដីមក។ ដូច្នេះហើយបានជាទៅដល់ទីណាក៏ដោយក៏កូនខ្មែរនៅតែខិតខំថែរក្សាវប្បធម៌របស់ខ្លួនជាប់ជានិច្ច។

ដោយឡែកក៏មានការបញ្ចេញមតិគាំទ្រដែរថា «វប្បធម៌ខ្មែរមានច្រើនទៀតណាស់ដែលកូនខ្មែរមួយចំនួនមិនស្គាល់អស់រួមទាំងខ្ញុំម្នាក់ដែរតែពេលនេះខ្ញុំស្គាល់ច្រើនជាងមុនច្រើន ដោយសារតែមានមនុស្សដូចជាបង Kon Ant បង្ហាញឲ្យឃើញរាល់ថ្ងៃ ខ្ញុំកាន់តែចាប់អារម្មណ៍ វប្បធម៌ខ្មែរជាងមុនដោយសារបងអរគុណបងខ្លាំងៗ»។

គួរបញ្ជាក់ដែរថា កញ្ញា សុគា គីមលាង កាលពីកន្លងនាងក៏ធ្លាប់ត្រូវបានទស្សនិកជនដឹងថា នាងធ្លាប់បានតំណែងជាកញ្ញាឯកសង្ក្រាន្តដ៏ស្រស់ស្អាតនាអំឡុងឆ្នាំ២០១៨។ គេចាំបានថាកញ្ញា សុគា គីមលាង ហៅ កូន អាន់ បានទម្លាយថា នាងធ្លាប់ឆ្លងកាត់នូវភាពជូរចត់ និងការលំបាកច្រើនសម្រាប់ពាក្យថា «អប្សារា» គឺដោយសារតែការផ្សព្វផ្សាយចង់ឲ្យគេស្គាល់ និងដឹងថា ខ្លួនមកពីកន្លែងណា ជនជាតិអ្វីសញ្ជាតិអ្វី៕

អត្ថបទ៖ ចាន់រ៉ា

Related Topics:សុគា គីមលាង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា