ជីវិតកម្សាន្ដ

លីវ ជីលី ទម្លាយអត្តចរិត នាដការី សុគា គីមលាង

បានផុស

១ year មុន

នៅ

ថ្ងៃសុក្រ ១០ មករា ២០២៥

ដោយ

ក្នុងនាមជារៀមច្បងសិល្បៈ អតីតបវរកញ្ញា Miss Grand Cambodia២០២០ កញ្ញា លីវ ជីលី បានទម្លាយពីអត្តចរិតរបស់នាដការី កញ្ញា សុគា គីមលាង និងជំរុញលើកទឹកចិត្តឲ្យនាដការីល្បីឈ្មោះរូបនេះខំប្រឹងអភិវឌ្ឍន៍ខ្លួនឲ្យកាន់តែខ្លាំង ហើយបន្តចូលរួមផ្សព្វផ្សាយវប្បធម៌ខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា លីវ ជីលី បានឲ្យដឹងថា ចាប់តាំងពីពេលដែលនាងជួប គីមលាង ដំបូង បានសម្គាល់លើក្រមសីលធម៌ គឺ ល្អណាស់ ដឹងខ្ពស់ ដឹងទាប ដឹងរៀមច្បង ដឹងសិស្សប្អូន មានការគោរពអ្នកដទៃ ដឹងគុណទៅកាន់មនុស្សជុំវិញខ្លួន មិនចេះឫកពាប្រកាន់ខ្លួនជាអ្នកល្បីអ្វីនោះទេ។

អតីតបវរកញ្ញា លីវ ជីលីវ បាននិយាយបន្តទៀតថា នៅពេលដែលខ្លួននៅក្បែរនាដការី សុគា គីមលាង គឺនាងមាននិស្ស័យនឹង គីមលាង បាត់ទៅហើយ។ នាងថា «មនុស្សល្អរបស់បង កុំខ្វល់នឹងអ្វីដែលមិនគួរខ្វល់ណា ប្អូនខំប្រឹងអភិវឌ្ឍន៍ខ្លួនឲ្យកាន់តែខ្លាំងថែមទៀត(អំពើល្អតែងតែឈ្នះអំពើអាក្រក់)»។

ជាមួយគ្នា នៃការលើកទឹកចិត្តពីសំណាក់រៀមច្បងខាងលើនេះ នាដការី សុគា គីមលាង ហៅ កូនអាន់ បានឆ្លើយតបវិញថា «សូមកាន់លើជំហរលើភាពត្រឹមណាបង ស្រឡាញ់គោរពបង បង និងអ្នកជុំវិញខ្លួនទាំងអស់ មិនថាអ្នកស្គាល់ ឬ មិនទាន់ស្គាល់ក៏ដោយ នៅតែបន្តការធ្វើល្អ»។

គេចាំបានថាកន្លងមកអតីតបវរកញ្ញា Miss Grand Cambodia ២០២០ កញ្ញា លីវ ជីលី បានបង្ហាញឆន្ទៈលើកទឹកចិត្ត និងគាំទ្រយ៉ាងពេញទំហឹង បន្ទាប់ពីឮដំណឹងដ៏រំភើបនាដការីឆ្នើមផ្នែករបាំបុរាណអប្សរាកញ្ញា សុគា គីមលាង ប្រកាសចូលរួមប្រកួតក្នុងកម្មវិធីប្រឡងសម្រស់ដ៏អស្ចារ្យ Miss Univer Cambodia 2025៕

អត្ថបទ ៖ ចាន់រ៉ា