សម្តេច ហ៊ុន សែន ឯកភាពឲ្យបិទសាលារៀននៅខេត្តចំនួន៣ ជាបន្តទៀត

ថ្លែងនៅក្នុងសន្និសីទកាសែតខណៈសម្តេចទៅចាក់វ៉ាក់សាំងការពារកូវីដ១៩ នៅមន្ទីរពេទ្យកាល់ម៉ែតនៅព្រឹកថ្ងៃទី០៤ មីនា នេះប្រមុខរដ្ឋាភិបាលកម្ពុជាសម្តេចហ៊ុនសែនបានឯកភាពឲ្យក្រសួងអប់រំយុវជន និងកីឡាបន្តបិទសាលារៀននៅរាជធានីភ្នំពេញ ខេត្តកណ្ដាល និងព្រះសីហនុ ជាបន្តទៀតដោយសារស្ថានភាពជំងឺកូវីដនៅរាជធានីខេត្តទាំង៣នោះមិនទាន់ស្រាកស្រាន្តនៅឡើយ។

ក្រសួងអប់រំបានសម្រេចបិទសាលារៀនរដ្ឋនិងឯកជននៅរាជធានីភ្នំពេញ ខេត្តកណ្តាលរយៈពេល២សប្តាហ៍កាលពីយប់ថ្ងៃទី២២ខែកម្ភៈឆ្នាំ២០២១ក្រោយមានព្រឹត្តិការណ៍សហគមន៍២០កម្ភៈ។បន្ទាប់មកក្រសួងក៏សម្រេចផ្អាករយៈ ពេល២ សប្តាហ៍ដូចគ្នានៅខេត្តព្រះសីហនុដោយសារមានផ្ទុះជំងឺក្នុងសហគមន៍ខ្លាំង។ខេត្តដែលបិទសាលាត្រុវរៀនតាម អនឡាញ ​ឬពីចម្ងាយឬយកសន្លឹកកិច្ចការទៅធ្វើនៅផ្ទះ។ចំណែកខេត្តផ្សេងៗទៀតអាចដំណើរការសិក្សាបានជាធម្មតា៕

អត្ថបទ៖ សំអឿន