ជីវិតកម្សាន្ដ
ដួង វីរៈសិទ្ធ ស្កាត់សួរសុខទុក្ខលោក ឆៃ ឆាយា ម្ចាស់បទ«មួយរាត្រីនឹកតែអូន»កំពុងព្យាបាលជំងឺនៅមន្ទីរពេទ្យ
លោក ដួង វីរៈសិទ្ធ ដែលជាតារាចម្រៀងមានទឹកដមសំឡេងមនោសញ្ចេតនា ក្រោយទទួលដំណឹងនៃការធ្លាក់ខ្លួនឈឺរបស់វីរៈសិល្បករល្បីឈ្មោះអំឡុងទសវត្សរ៍៨០ លោក ឆៃ ឆាយាម្ចាស់បទ «មួយរាត្រីនឹកតែអូន» តារាវ័យក្មេងរូបនេះបានស្កាត់ទៅជួបសួរសុខទុក្ខដោយផ្ទាល់។
លោក ដួង វីរៈសិទ្ធ បានប្រាប់ឲ្យ «កម្ពុជាថ្មី» ដឹងថា លោកបានមកសួរសុខទុក្ខលោកគ្រូ ប៉ា សុធី ឈ្មោះក្នុងសិល្បៈហៅ ឆៃ ឆាយា ដែលជាវីរៈសិល្បករខ្មែរមួយរូបមានស្នាដៃជាច្រើនទុកអោយសិល្បៈរលកក្រោយយកមកធ្វើជាគំរូ និងមានបទល្បីៗជាច្រើនទៀតសម្រាប់បំពេអារម្មណ៍អ្នកចូលចិត្ដវិស័យតន្ត្រី ។
រំលឹកដល់ស្នាដៃលោកគ្រូ ឆៃ ឆឆាយា គឺមានបទល្បីៗជាច្រើនដូចជា,បទ រាត្រីរនោច, មួយរាត្រីនឹកតែអូន, នារីស៊ិចស៊ី, ទឹកហូរ, ជិះដំរីជាមួយនឹងបង នឹងមានបទរាប់រយបទទៀតដែលបន្សល់ទុកបំពេ អារម្មណ៍ពុកម៉ែបងប្អូនខ្មែរដែលនៅតែដិតជាប់អារម្មណ៍អ្នកស្ដាប់រហូតដល់បច្ចុប្បន្ន។
ដួង វីរៈសិទ្ធ បាននិយាយទៀតថា “ខ្ញុំពិតជាគួរឱ្យគោរព និងកោតសរសើរទឹកចិត្តលោកគ្រូខ្លាំងណាស់ ទោះកំពុងមានសុខភាពធ្ងន់ធ្ងរតែ លោកគ្រូបានផ្ដល់យោបល់ ទេពកោសល្យតន្ត្រីរបស់លោកប្រាប់បង្រៀនដល់ខ្ញុំ និងពាក្យបណ្តាំជាច្រើន ខ្ញុំបាទនឹងចងចាំរាល់ពាក្យពេចន៍របស់លោកគ្រូ និងសូមទុកលោកគ្រូជាគ្រូអស់មួយជីវិតសម្រាប់ខ្ញុំ លោកគ្រូជានិមិត្តរូបតន្ត្រីដែលខ្ញុំគោរពបំផុត“។
លោក ដួង វីរៈសិទ្ធ បានបន្ថែមថា លោក និងប្អូនប្រុស ម៉ម ពេជ្ជរិទ្ធ និងក្រុមការងារបានរៀបចំជាទឹកចិត្តតាមលទ្ធភាពជូនដល់លោកគ្រូដើម្បីសម្រាកព្យាបាល ហើយបច្ចុប្បន្នលោកគ្រូកំពុងសម្រាកព្យាបាលនៅមន្ទីរពេទ្យរុស្ស៊ី លោកសង្ឃឹមថា សុខភាពលោកគ្រូនឹងបានធូរស្បើយឡើងវិញ។
សូមបញ្ជាក់ថា តារាចម្រៀងទសវត្សរ៍៨០ លោក ឆៃ ឆាយា មានឈ្មោះពិត ប៉ា សុធី គឺជាតារាចម្រៀងជើងចាស់ល្បីឈ្មោះដោយមានស្នាដៃបទចម្រៀងជាច្រើន ប៉ុន្តែក្រោយមកក៏បាត់វត្តមានយូរឆ្នាំ ខណៈកន្លងមកធ្លាប់មានការសង្ស័យថា តារាជើងចាស់រូបនេះប្រហែលចេញទៅរស់នៅឯក្រៅប្រទេសតែយ៉ាងបច្ចុប្បន្នលោក ឆៃ ឆាយា កំពុងរស់នៅក្នុងប្រទេសជាមួយវ័យកាន់តែជរាទៀតផង៕
អត្ថបទ៖ ចាន់រ៉ា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%