ព័ត៌មានអន្ដរជាតិ

យោធាមីយ៉ាន់ម៉ាដកហូតអាជ្ញាប័ណ្ណប្រព័ន្ធផ្សព្វផ្សាយក្នុងស្រុកលែងឲ្យរាយការណ៍ពីបាតុកម្ម

បានផុស

៥ years មុន

នៅ

ថ្ងៃអង្គារ ៩ មីនា ២០២១

ដោយ

យោធាមីយ៉ាន់ម៉ានិយាយថា ខ្លួនកំពុងដកហូតអាជ្ញាប័ណ្ណប្រព័ន្ធផ្សព្វផ្សាយក្នុងស្រុកចំនួន ៥ នៅក្នុងការប៉ុនប៉ងដើម្បីបំបិទមាត់ពួកគេ ស្របពេលមានការតវ៉ាប្រឆាំងនឹងរដ្ឋប្រហារកាលពីខែមុន ។

ប្រព័ន្ធផ្សព្វផ្សាយរដ្ឋរបស់ប្រទេសមីយ៉ាន់ម៉ាបានរាយការណ៍ថា ក្រុមហ៊ុនប្រព័ន្ធផ្សព្វផ្សាយចំនួន ៥ នោះរួមមាន គេហទំព័រ Myanmar Now, សារព័ត៌មាន Khit Thit, វិទ្យុសម្លេងប្រជាធិបតេយ្យភូមា (DVB), ទូរទស្សន៍ Mizzima និងសារព័ត៌មាន 7 Day ខណៈដែលទូរទស្សន៍ Mizzima និងសារព័ត៌មាន 7 Day គឺជាសាខារបស់វិទ្យុ VOA ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាបានប្រកាសការដកហូតនេះតាមរយៈទូរទស្សន៍រដ្ឋកាលពីថ្ងៃចន្ទ ។ ប្រព័ន្ធផ្សព្វផ្សាយទាំង ៥ បានរាយការណ៍លើការតវ៉ាដែលមិនឈប់ឈរជាពិសេសតាមរយៈអ៊ីនធឺណិត ។

ទូរទស្សន៍ដែលគ្រប់គ្រងដោយរដ្ឋបាននិយាយថា ប្រព័ន្ធផ្សព្វផ្សាយទាំង ៥ នេះនឹងលែងផ្សព្វផ្សាយព័ត៌មានដល់សាធារណជនក្នុងកាលៈទេសៈណាក៏ដោយ ។

រហូតមកដល់ពេលនេះការតវ៉ានៅទូទាំងប្រទេសនៅតែបន្តកើតឡើង ខណៈដែលប្រព័ន្ធផ្សព្វផ្សាយក្នុងស្រុកបាននិយាយថា កងកម្លាំងសន្តិសុខបានបើកការបាញ់ប្រហារដែលបណ្តាលឲ្យអ្នកតវ៉ា ៤ នាក់បន្ថែមទៀតបានស្លាប់កាលពីថ្ងៃចន្ទ ។

ទន្ទឹមនោះកាលពីថ្ងៃសៅរ៍សមាជិកម្នាក់នៃគណបក្សដែលដឹកនាំដោយលោកស្រី អ៊ុងសាន ស៊ូជី ត្រូវគេរាយការណ៍ថាបានស្លាប់ដោយសារអំពើហិង្សាក្នុងការឃុំឃាំងរបស់យោធា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកស្រុកកាន់តែវេទនា! យោធាមីយ៉ាន់ម៉ាកាន់កាប់សាលារៀន ស.វិទ្យាល័យ និងមន្ទីរពេទ្យធ្វើជាជំរំ

ចុចអាន ៖ ៨មីនានេះ ២នាក់ស្លាប់នៅ មីយ៉ាន់ម៉ា ខណៈ ហាង ធនាគាររោងចក្របិទទ្វារ បុគ្គលិកទៅតវ៉ា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា