ព័ត៌មានជាតិ

សហគមន៍ទេសចរណ៍ ៦ កន្លែង ជាគោលដៅអេកូទេសចរណ៍ធម្មជាតិដ៏ទាក់ទាញនៅខេត្តរតនគិរី

បានផុស

៩ ខែ មុន

នៅ

ថ្ងៃសៅរ៍ ១២ តុលា ២០២៤

ដោយ

ខេត្តរតនគីរីមានសហគមន៍ទេសចរណ៍ចំនួន ៦ កន្លែង ដែលត្រូវបានបង្កើតឡើងដើម្បីគ្រប់គ្រងគោលដៅទេសចរណ៍មួយចំនួន និងដើម្បីសម្រួលនិងទាក់ទាញទេសចរមកកម្សាន្ត។

សហគមន៍ទេសចរណ៍ផ្តល់សិទ្ធិអំណាចដល់សហគមន៍ ក្នុងការគ្រប់គ្រងនូវកំណើនទេសចរណ៍ និងបានដើរតួនាទីយ៉ាងសំខាន់ ក្នុងការរួមចំណែកក្នុងការអភិវឌ្ឍសេដ្ឋកិច្ចសង្គមតាមរយៈសេវាកម្មទេសចរណ៍បង្ហាញពីទំនៀមទម្លាប់ ប្រពៃណី របៀបរបបរស់នៅ ការអភិរក្សវប្បធម៌ និងធនធានធម្មជាតិជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហគមន៍ទេសចរណ៍ចំនួន ៦ កន្លែង នៅក្នុងខេត្តរតនគីរីមានដូចជា៖

១/ សហគមន៍បឹងយក្សឡោម

សហគមន៍បឹងយក្សឡោម មានទីតាំងនៅសង្កាត់យក្ខឡោម ក្រុងបានលុង ចម្ងាយ ៥ គ.ម ពីទីរួមខេត្ត។ សក្តានុពលសហគមន៍ទេសចរណ៍ធម្មជាតិនេះ មានបឹងធម្មជាតិបន្ទុះភ្នំភ្លើង មានដើមឈើព័ទ្ឋជុំវិញបឹងមិនចេះរីងស្ងួតគ្រប់រដូវ និងប្រពៃណីបងប្អូនជនជាតិដើមភាគតិច។ សហគមន៍មានផ្តល់សេវាផ្ទះស្នាក់ ម្ហូបអាហារ មគ្គុទ្ទេសក៍ មានសំលៀកបំពាក់ជនជាតិ។

២/ សហគមន៍ទឹកជ្រោះកាចាញ

មានទីតាំងនៅសង្កាត់កាចាញ ក្រុងបានលុងចម្ងាយ ៧គ.ម ពីទីរួមខេត្ត។ សក្តានុពលមានទឹកជ្រោះធម្មជាតិ, ស្ពានយោល មានខ្យល់អាកាសត្រជាក់បរិសុទ្ធ រួនទាំងមានព្រៃឈើច្រើន។ សហគមន៍មានសេវាកម្មផ្ទះស្នាក់ ម្ហូបអាហារ មគ្គុទ្ទេសក៏ និងសំលៀកបំពាក់ជនជាតិដើមភាគតិច។

៣/ សហគមន៍ទឹកជ្រោះចាអ៊ុង

សហគមន៍ទឹកជ្រោះចាអ៊ុង ទីតាំងនៅឃុំចាអ៊ុង ស្រុកអូរជុំ មានចម្ងាយ ០៩ គ.ម ពីទីរួមខេត្ត។ សហគមន៍មានទឹកជ្រោះធម្មជាតិ, ល្អាងភ្នំខ្យល់និងសត្វព្រៃ។ សហគមន៍ក៏មានរៀបចំផ្ទះស្នាក់ ម្ហូបអាហារ និងមគ្គុទ្ទេសក៍សម្រាប់ជូនភ្ញៀវដើរកម្សាន្ត។

៤/ សហគមន៍ទឹកជ្រោះកាទៀង

មានទីតាំងនៅឃុំល្បាំង២ ស្រុកលំផាត់ ចម្ងាយ ១០ គ. គ.ម ពីទីរួមខេត្ត។ សក្ដានុពលរបស់សហគមន៍មានទឹកជ្រោះធម្មជាតិ, ល្អាងភ្នំ, មានសត្វដំរី និងសត្វព្រៃ។ សហគមន៍មានផ្ទះស្នាក់ ម្ហូបអាហារ មគ្គុទ្ទេសក៍ និងសេវាកម្មជិះដំរី។

៥/ សហគមន៍ទឹកជ្រោះអូរស៊ិនលែរ៍

ទីតាំងឃុំកាឡែង ស្រុកលំផាត់ ចម្ងាយ ១៩ គ.ម ពីទីរួមខេត្ត។ សក្ដានុពលរបស់សហគមន៍មានទឹកជ្រោះធម្មជាតិ ៧ ថ្នាក់ និងមានដើមឈើជាច្រើន។ សហគមន៍ មានសេវាផ្ទះស្នាក់ ម្ហូបអាហារ និងមគ្គុទ្ទេសក៍សម្រាប់ជូនភ្ញៀវដើរកម្សាន្ត។

៦/ សហគមន៍ទឹកជួរតាតតៃ

មានទីតាំងនៅឃុំកាឡែង ស្រុកលំផាត់ ចម្ងាយ ៣៤ គ.មពីទីរួមខេត្ត។ សក្តានុពលមានទឹកជួរទន្លេស្រែពក និងត្រីទន្លេ។ សហគមន៍មានផ្ទះស្នាក់ ម្ហូបអាហារ និងមគ្គុទ្ទេសក៍។

៧/ សហគមន៍បឹងលំកុដ

មានទីតាំងនៅឃុំសេដា ស្រុកលំផាត់ ចម្ងាយ ៥៤ គ.ម ពីទីរួមខេត្ត។ សក្តានុពលរបស់សហគមន៍ មានបឹងធម្មជាតិ,បន្ទុះភ្នំភ្លើង និងវត្តអារាម។ សហគមន៍ មានផ្ទះស្នាក់ ម្ហូបអាហារ និងមគ្គុទ្ទេសក៍៕