ព័ត៌មានជាតិ

ខេត្តមណ្ឌលគិរីនៅភូមិភាគឦសាន មានសហគមន៍ទេសចរណ៍ ៥ កន្លែង ផ្តល់សេវាកម្សាន្តដល់ភ្ញៀវទេសចរ

បានផុស

២ years មុន

នៅ

ថ្ងៃចន្ទ ១៤ តុលា ២០២៤

ដោយ

មិនខុសពីបណ្តាខេត្តភាគឦសានផ្សេងទៀត ខេត្តមណ្ឌលគិរីមានវិសាលភាពធនធានធម្មជាតិយ៉ាងច្រើនអនេក។ មានរមណីយដ្ឋានទេសចរណ៍ទាំងធម្មជាតិ កែច្នៃ និងវប្បធម៌ ជាង ១០០ កន្លែង អាជ្ញាធរក៏បានរៀបចំឲ្យមានសហគមន៍ទេសចរណ៍ចំនួន ៥ កន្លែង ដើម្បីផ្តល់សេវាទេសចរណ៍និងការកម្សាន្តដល់ភ្ញៀវទេសចរ។

–សហគមន៍វប្បធម៌ភ្នំក្រោល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហគមន៍វប្បធម៌ភ្នំក្រោល មានទីតាំងនៅភូមិអូរយ៉េះ ឃុំស្រែសង្គម ស្រុកកោះញែក ចម្ងាយជាង ១១១ គ.ម ពីទីរួមខេត្ត។ ជាមួយសម្រស់នៃធម្មជាតិ និងខ្យល់អាកាសបរិសុទ្ធ សហគមន៍មានរៀបចំសេវាអ្នកនាំភ្ញៀវ សម្រាប់ទេសចរដែលចង់ស្វែងយល់កាន់តែច្បាស់ពីតំបន់វប្បធម៌នេះ។

–សហគមន៍ទឹកជ្រោះមនោរម្យ (ទឹកធ្លាក់ដំណាក់ស្តេច)

សហគមន៍ទឹកជ្រោះមនោរម្យ (ទឹកធ្លាក់ដំណាក់ស្តេច) ជាតំបន់ទេសចរណ៍បែបធម្មជាតិមានទីតាំងនៅភូមិជ្រៃសែន សង្កាត់មនោរម្យ ក្រុងសែនមនោរម្យ ចម្ងាយ ០៥ គ.ម ពីទីរួមខេត្ត។ សក្តានុពលនៃសហគមន៍ទេសចរណ៍នេះមានទឹកជ្រោះ ព្រៃឈើ មានរៀបចំកញ្ចុះសម្រាប់ភ្ញៀវអង្គុយកម្សាន្ត រួមទាំងសេវាកម្មម្ហូបអាហារ។

-សហគមន៍ទឹកជ្រោះជ្រៃធំ

សហគមន៍ទឹកជ្រោះជ្រៃធំរៀបចំបែបអេកូទេសចរណ៍ ដែលមានទីតាំងនៅភូមិដាក់ដាំ ឃុំដាក់ដាំ ស្រុកអូរាំង ចម្ងាយ ២០គ.ម ពីទីរួមខេត្ត។ សក្តានុពលនៃសហគមន៍ទឹកជ្រោះជ្រៃធំមានទឹកធ្លាក់ ព្រៃឈើ រួមទាំងមានផ្តល់សេវាដល់ភ្ញៀវទេសចរមានផ្ទះស្នាក់ អាហារ និងកញ្ចុះ។

-សហគមន៍ទេសចរណ៍ទឹកធ្លាក់ លែងឃិន លែងអង់

សហគមន៍ទេសចរណ៍ទឹកធ្លាក់ លែងឃិន លែងអង់ ជាសហគមន៍អេកូទេសចរណ៍មានទីតាំងនៅឃុំសែនមនោរម្យ ស្រុកអូររាំង ចម្ងាយប្រហែល ២៦ គ.ម ពីទីរួមខេត្ត។ សក្តានុពលរបស់សហគមន៍ មានទឹកធ្លាក់ដែលភ្ញៀវទេសចរអាចងូតទឹកធ្លាក់ ទស្សនាធម្មជាតិ និងសេវាកម្សាន្តផ្សេងទៀត។