ព័ត៌មានជាតិ
សំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
គម្រោងសាងសង់ព្រះពុទ្ធប្បដិមាដែលមានកម្ពស់ ៨៨ ម៉ែត្រ នឹងលេចរូបរាងនៅក្នុងតំបន់អភិវឌ្ឍថ្មី Bay of Light នៅឆ្នេរសមុទ្ររាមក្នុងខេត្តព្រះសីហនុ។
គម្រោងសាងសង់សំណង់ព្រះពុទ្ធប្បដិមា ដែលមានកម្ពស់ ៨៨ ម៉ែត្រនេះ មានទីតាំងស្ថិតនៅឃុំរាម ខេត្តព្រះសីហនុ មានចម្ងាយប្រហែល ១,២ គីឡូម៉ែត្រពីរង្វង់មូលព្រះថោងតោងស្បៃនាងនាគ និង ២,៣ គីឡូម៉ែត្រ ពីទីតាំងខ្មែរធ្វើបាន។
លោក Donald Yeo នាយកគ្រប់គ្រងផ្នែកលក់របស់ក្រុមហ៊ុន ខេនូភី ស៊ែន ឌីវេឡុមមិន
លោក Donald Yeo នាយកគ្រប់គ្រងផ្នែកលក់របស់ក្រុមហ៊ុន ខេនូភី ស៊ែន ឌីវេឡុមមិន (Canopy Sands Development) ដែលកំពុងអភិវឌ្ឍគម្រោង Bay of Light នៅតំបន់ឆ្នេររាមខេត្តព្រះសីហនុ បានបង្ហើបពីគម្រោងសាងសង់ព្រះពុទ្ធប្បដិមាដ៏ខ្ពស់បំផុតនេះនៅតំបន់អភិវឌ្ឍថ្មីនៅឆ្នេរសមុទ្ររាមក្នុងខេត្តព្រះសីហនុ។
សំណង់នេះនឹងសាងសង់បែរមុខទៅរកអាកាសយានដ្ឋានអន្តរជាតិខេត្តព្រះសីហនុ ដែលមានកម្ពស់ ៨៨ ម៉ែត្រ។ សំណង់ព្រះពុទ្ធប្បដិមានេះសាងសង់ឡើងស្របតាមគោលគំនិតរបស់រដ្ឋាភិបាលកម្ពុជា ដែលនឹងក្លាយជាសំណង់សាសនាដ៏ធំតំណាងឲ្យអត្តសញ្ញាណប្រទេសកម្ពុជា។
បើតាមលោក Donald Yeo បច្ចុប្បន្នដំណើរការសាងសង់កំពុងចាប់ផ្ដើម ដោយលោកបានអះអាងថា នៅ ២ ឬ ៣ ឆ្នាំទៀត សំណង់ព្រះពុទ្ធប្បដិមាដ៏ខ្ពស់នេះ នឹងលេចរូបរាងក្លាយជាគោលដៅទាក់ទាញថ្មីសម្រាប់ទេសចរមកកម្សាន្តក្នុងខេត្តព្រះសីហនុ។
ក្រុមហ៊ុន Canopy Sands Development (CSD) បានប្រកាសចាប់ផ្ដើមគម្រោងអភិវឌ្ឍនៅលើផ្ទៃដីចាក់បំពេញជាង ៩៣៤ ហិកតានៅតំបន់ឆ្នេរសមុទ្ររាមខេត្តព្រះសីហនុ។ ការអភិវឌ្ឍគម្រោង BAY OF LIGHTS បែងចែកជា ៩ តំបន់រួមមានតំបន់ Gateway, Riverside, Golf, CBD, Marina, Downtown East, Downtown West, South និង Seagate។
គម្រោងវិនិយោគដែលចាយទុនពាន់លានដុល្លារនេះ ផ្តោតទាក់ទាញវិនិយោគិនដ៏មានសក្តានុពលពីក្រៅប្រទេសដោយអភិវឌ្ឍទៅតាមដំណាក់កាល។ បច្ចុប្បន្នក្រុមហ៊ុនកំពុងចាប់ផ្តើមសាងសង់មជ្ឈមណ្ឌលកម្សាន្តដែលរួមមាន ក្លឹបកម្សាន្តឆ្នេរខ្សាច់ ទីលានប្រណាំងកូនឡាន (Go-kart Track) កន្លែងវាយកូនហ្គោល រួមទាំងមជ្ឍមណ្ឌលហិរញ្ញវត្ថុ ដែលនឹងបញ្ចប់ដាក់ឲ្យដំណើរការជាបន្តបន្ទាប់ទៅតាមផែនការ៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ