ព័ត៌មានជាតិ

ពលរដ្ឋខ្មែរកាត់សែស្រឡាយចិន សម្រុកមកអុជធូបបន់ស្រន់ សុំលាភជ័យ នៅវិហារអ្នកតាធំ ក្រុងខ្មៅ

បានផុស

១ year មុន

នៅ

ថ្ងៃពុធ ២៩ មករា ២០២៥

ដោយ

អស់រយៈពេលជាច្រើនឆ្នាំ ពលរដ្ឋខ្មែរកាត់សែស្រឡាយចិន ដែលមានជំនឿ នៅតែបន្តនាំគ្នាយកអំពៅខ្មៅពី ព្រះវិហារចិន លោកតាធំ (ប៉ោសែ) ដោយពួកគាត់ជឿជាក់ថា អំពៅខ្មៅនេះ អាចព្យាបាលជំងឺ ១០០ មុខ ក្រោយពេលសែនរយៈពេល ៣ ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីវេលាម៉ោង ១១ យប់ ថ្ងៃទី ២៨ ខែមករា ឆ្នាំ ២០២៥ ដែលត្រូវនឹងថ្ងៃទី ១ នៃពិធី បុណ្យចូលឆ្នាំប្រពៃណីចិន នៅវិហារធំ លោកតាចិន ក្រុងតាខ្មៅ ពោរពេញទៅដោយមនុស្សម្នាអ៊ូអរ មកកាន់ទីនោះ បំណងមកអុជធូបបន់ស្រន់សុំសេចក្ដីសុខ សេចក្ដីចម្រើន និងទទួលបានទ្រព្យសម្បត្តិហូរហៀរចូលពេញៗ ផ្ទះ។

បើតាមការបញ្ជាក់ពី អ្នកស្រី សុផារី ជាប្រជាពលរដ្ឋបានមកវិហារធំ នៅក្រុងតាខ្មៅ នេះដែរ បានឲ្យដឹងថា គាត់មានជំនឿលើការមកបន់ស្រន់សុំលាភជ័យនេះ ដោយសារពេលបន់ស្រន់តែងតែបានសម្រេចដូចក្តីប្រាថ្នាជានិច្ច ទើបតែងមកកាន់ទីនេះជារៀងរាល់ឆ្នាំ។

អ្នកស្រី សុផារី បន្តថា ទន្ទឹមនឹងនោះ គាត់ រួមទាំងអ្នកមកកាន់វិហារចិន លោកតាធំ (ប៉ោសែ) គឺសុទ្ធតែជាអ្នកមានជំនឿលើវត្ថុស័ក្ដិសិទ្ធិដែលតែងមានការជាវអំពៅខ្មៅ ដើម្បីនាំលាភសំណាងដល់ក្រុមគ្រួសារ និងបណ្ដេញគ្រោះចង្រៃចេញពីផ្ទះសម្បែងផងដែរ។

ដោយឡែក អ្នកស្នងរូបនៅវិហារចិន បានឲ្យដឹងដែរថា អ្នកអាចយកអំពៅខ្មៅទៅដាក់នៅផ្ទះ ដើម្បីនាំលាភ និងយកទៅដាំទឹកផឹក ដែលគេជឿថា អាចព្យាបាលជំងឺ ១០០ មុខ ក្រោយពេលសែនហើយបាន ៣ ថ្ងៃ។ ដូច្នេះហើយ ទើបក្រោយពេលអ្នកដែលចាកចេញពីព្រះវិហារធំក្រុងតាខ្មៅ ម្នាក់ៗ មិនភ្លេចឡើយ ដោយនាំយកនូវដើមអំពៅ មូលៗ ថ្លោស ស្លឹកវែងៗ ចងភ្ជាប់នឹងដំបូលរថយន្ត ត្រឡប់ទៅកាន់គេហដ្ឋានរៀងៗ ខ្លួន។

គួរបញ្ជាក់ផងដែរថា នៅទីតាំងវិហារចិន ក្រុងតាខ្មៅ នេះ តែងតែមានព្រឹត្តិការណ៍បែបនេះជារៀងរាល់ឆ្នាំ ហើយមនុស្សមកសែនព្រេនច្រើនកុះករ ២៤ ម៉ោង លើ ២៤ ម៉ោង ចាប់ពីថ្ងៃទី ២៩ រហូតដល់ថ្ងៃទី ៣១ ខែមករា ឆ្នាំ ២០២៥៕

អត្ថបទ ៖ រដ្ឋា

Related Topics:ក្រុងតាខ្មៅ ចូលឆ្នាំចិន-វៀតណាម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា