អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង

អគ្គិភ័យមួយបានឆាបឆេះកន្លែងផ្ញើម៉ូតូ ឡានមួយកន្លែងយ៉ាងសន្ធោសន្ធៅបណ្តាលឲ្យខូចខាតម៉ូតូ រឺម៉ក និងរថយន្តសរុបចំនួន៨គ្រឿងបង្កការភ្ញាក់ផ្អេីលដល់រថយន្តបង្កា និងពន្លត់អគ្គិភ័យចុះអន្តរាគមន៍ភ្លាមៗ។

ហេតុការណ៍នេះបានកេីតឡេីងកាលពីវេលាម៉ោង១១និង៥០នាទីយប់​ ថ្ងៃទី៩​ ខែកុម្ភៈ ឆ្នាំ២០២៥​ នៅជាប់ប្រឡាយទួលពង្រ​ ភូមិទួលពង្រ​ សង្កាត់ចោមចៅទី១​ ខណ្ឌពោធិ៍សែនជ័យ។

តាមប្រភពព័ត៌មានបានឲ្យដឹងថា​ មុនពេលកេីតហេតុគេបានឃេីញអគ្គិភ័យឆាបឆេះទីតាំងផ្ញើម៉ូតូឡាន​យ៉ាងសន្ធោសន្ធៅ​ ភ្លាមនោះប្រជាពលរដ្ឋបាននាំគ្នាជួយដងទឹក​ និងទាញទុយោមកបាញ់ទឹកពន្លត់តែមិនអាចគ្រប់គ្រងបាន​ ក៏រាយការណ៍ទៅអាជ្ញាធរមានមត្ថកិច្ចទាក់ទងទៅកម្លាំងការិយាល័យបង្ការពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ​ ចេញរថយន្តពន្លត់អគ្គិភ័យមកអន្តរាគមន៍ពន្លត់។

ក្រោយពីទទួលបានព័ត៌មានភ្លាមរថយន្តពន្លត់អគ្គិភ័យក៏ចុះមកដល់ទីតាំងកន្លែងកេីតហេតុបាញ់ពន្លត់គ្រោះអគ្គិភ័យខាងលេីដោយប្រេីប្រាស់ទឹកអស់មួយឡានទើបរលត់ទៅវិញទាំងស្រុង​ ដោយខូចខាតម៉ូតូចំនួន៥គ្រឿងកង់បីឥណ្ឌា១​គ្រឿង​ រ៉ឺម៉ងមួយគ្រឿង​ និងរថយន្តមួយគ្រឿងផងដែរ​ តែមិនមានមនុស្សរងរបួសនោះទេ។ ចំពោះមូលហេតុសមត្ថកិច្ចកំពុងធ្វេីការស្រាវជ្រាវ៕

អត្ថបទ៖ សុខា