ជីវិតកម្សាន្ដ

ទើបរងការរិះគន់ពេលថតកម្មវិធីមួយ Zhao Lusi បង្ហោះរូបបន្ថែម រងមតិថាកែសម្ផស្ស

បានផុស

១ year មុន

នៅ

ថ្ងៃចន្ទ ៣ មីនា ២០២៥

ដោយ

កាលពីពេលថ្មីៗនេះ Zhao Lusi បានចែករំលែករូបថតថ្មីៗជាបន្តបន្ទាប់ នៅលើទំព័រផ្ទាល់ខ្លួនរបស់នាង។ រូបភាពនេះបង្ហាញពីមុខមាត់តារាស្រីមើលទៅស្រឡូន និងភ្លឺថ្លានិងស្រស់ស្រាយជាងមុន បន្ទាប់ពីប្រយុទ្ធជាមួយជំងឺធ្លាក់ទឹកចិត្តអស់រយៈពេលជាយូរ។

ថ្វីដ្បិតតែរូបរាងរបស់តារាស្រីវ័យ២៦ឆ្នាំ នៅតែស្លីម និងមើលទៅមានសុខភាពល្អមែនពិត។ ប៉ុន្តែ ការចាប់អារម្មណ៍របស់ទស្សនិកជនទាំងអស់ គឺផ្ដោតទៅលើថ្ពាល់ដ៏សខ្ចីរបស់នាងទៅវិញ។ មនុស្សជាច្រើនគិតថា នារីដែលមានទម្រង់មុខស្ដើង និងរាងតូចដូចនាង ប្រហែលមិនមានថ្ពាល់ផ្លែប៉ោមបែបនេះទេ បើមិនវះកាត់កែសម្ផស្សនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រប់គ្នាឃើញថាតួស្រីចិន មើលទៅប្លែកភ្នែកក្នុងកម្រងរូបថតមួយឈុតនេះ មិនដឹងថាមកពីការផាត់មុខ ឬការកែរូបថតច្រើនពេកនោះទេ។ នៅលើបណ្តាញសង្គម Weibo ពាក្យគន្លឹះផ្លែប៉ោមថ្ពាល់ ក៏ស្ថិតក្នុងបញ្ជីអ្នកស្វែងរកច្រើនបំផុត ហើយអ្នកលេងអ៊ីនធឺណិតកំពុងពិភាក្សាយ៉ាងអន្ទះសារនិងចង់ដឹងអំពីរូបនាងជាខ្លាំង។

មិនតែប៉ុណ្ណោះ នាពេលថ្មីៗនេះ ទូរទស្សន៍ Hunan TV ស្រាប់តែបានប្រកាសថា ខ្លួននឹងចាក់ផ្សាយកម្មវិធីមួយដែលមានឈ្មោះថា Little Courage ដើម្បីរម្លឹកដល់ Zhao Lusi ។ យោងតាមការណែនាំ នេះគឺជាកម្មវិធីពិតក្នុងទម្រង់នៃការថត vlog ដ៏វែងមួយ ដែលថតពីដំណើរសប្បុរសធម៌របស់នាងអំឡុងពេលនាងសម្រាក។

តារាស្រីចិន នឹងចុះសួរសុខទុក្ខ និងជួយដល់ករណីជំងឺផ្លូវចិត្តមួយចំនួន ជំងឺធ្ងន់ធ្ងរនៅកន្លែងផ្សេងៗជាច្រើន ផ្តល់ភាពកក់ក្តៅ បន្ថែមកម្លាំងចិត្ត និងលើកទឹកចិត្តដល់មនុស្សទាំងនេះឲ្យវិលមករកជីវិតធម្មតាវិញ។

ទោះបីជាយ៉ាងណា ក្រៅពីមតិគាំទ្រកម្មវិធីនេះ មហាជនជាច្រើនបានសម្ដែងការមិនពេញចិត្ត ព្រោះគិតថានាងឆ្លៀតយកប្រយោជន៍ពីការធ្លាក់ទឹកចិត្តសម្រាប់ PR និងរកលុយ។ ជំនួសឲ្យការលាក់បាំង ដើម្បីសង្គ្រោះផ្លូវចិត្តទាំងស្រុង សម្រស់ រូពនេះ បន្តបង្ហោះវីដេអូ អត្ថបទ ហើយឥឡូវនេះកម្មវិធីទូរទស្សន៍មួយដើម្បីរំលឹកអ្នកពីជំងឺរបស់នាង រុញឈ្មោះរបស់នាងនៅលើបណ្តាញសង្គម និងទាក់ទាញការចាប់អារម្មណ៍។ អ្នកលេងអ៊ីនធឺណេតភាគច្រើនបញ្ជាក់ថា ការដឹកនាំរបស់នាង ដូចបំផ្លាញការអាណិតអាសូររបស់ទស្សនិកជនទាំងអស់ចំពោះតានាងកន្លងមកដែរ៕