ព័ត៌មានជាតិ
លេចសម្រស់ថ្មីខាងមុខព្រះអង្គធំភ្នំសំពៅ ជាមួយការរៀបចំសួន បំពាក់ភ្លើងបំភ្លឺកាន់តែស្រស់ស្អាត
នៅខាងមុខរូបព្រះអង្គធំនៅរមណីយដ្ឋានភ្នំសំពៅ ក្រុមបច្ចេកទេសកំពុងរៀបចំសួនរួមទាំងបំពាក់ភ្លើងបំភ្លឺបន្ថែម ដើម្បីលើកសម្រស់និងបង្កើនភាពទាក់ទាញដល់ភ្ញៀវទេសចរមកលេងកម្សាន្ត នៅគោលដៅតំបន់ទេសចរណ៍ដ៏ល្បីក្នុងខេត្តបាត់ដំបង។
បើទោះសួនច្បារដែលកំពុងរៀបចំនៅមិនទាន់រួចរាល់ ១០០ ភាគរយ ប៉ុន្តែក៏ចាប់ផ្តើមទទួលបានការចាប់អារម្មណ៍ពីភ្ញៀវទេសចរបណ្តើរៗ ខណៈឱកាសបុណ្យចូលឆ្នាំថ្មីក៏កាន់តែខិតជិតមកដល់។
បើតាមប្រភពមេការទទួលខុសត្រូវមួយរូបបានប្រាប់ថា ក្រោយមានការកែលម្អសួននៅបរិវេណខាងមុខព្រះអង្គធំ នឹងកាន់តែលើកសម្រស់ទាក់ទាញភ្ញៀវទេសចរចូលមកលេងកម្សាន្តក្នុងពិធីបុណ្យចូលឆ្នាំខាងមុខនេះ ជាពិសេសពេលរាត្រីក៏ត្រូវបានរៀបចំបំពាក់ភ្លើងបំភ្លឺកាន់តែស្រស់ស្អាតថែមទៀត។
លោក ហម អរុណ អនុប្រធានមន្ទីរទេសចរណ៍ខេត្តបាត់ដំបងបានឲ្យដឹងថា សួនកម្សាន្តដែលបានសាងសង់នៅលើទីធ្លាខាងមុខរូបព្រះអង្គធំ ក្រុមជាងកំពុងបំពាក់បណ្តាញភ្លើងដើម្បីត្រៀមឲ្យភ្ញៀវមកលេងកម្សាន្តជាបណ្តើរៗក្នុងពេលរាត្រី បើទោះការសាងសង់មិនទាន់សម្រេចបាន ១០០ ភាគរយក្តី។
លោកថា តាមគោលដៅសំខាន់ៗនៅលើបរិវេណទីធ្លាទាំងមូល ត្រូវបានបំពាក់ភ្លើងជាច្រើន ដើម្បីទទួលភ្ញៀវមកកម្សាន្តពេលរាត្រី រួមទាំងការបំពាក់អំពូលភ្លើងសូឡា ១០០ ដើមបន្ថែមទៀត ដែលទទួលបានការឧបត្ថម្ភពីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកទេស និងនវានុវត្តន៍។
បើតាមលោក ហម អរុណ គោលដៅទេសចរណ៍ភ្នំសំពៅក្នុងខេត្តបាត់ដំបង នឹងដាក់ជាគោលដៅទេសចរណ៍សាសនាដ៏ធំជាងគេនៅខេត្តទិសប៉ែកពាយព្យនៃប្រទេសកម្ពុជា៕
អត្ថបទ÷សៅ សារិទ្ធ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៣ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម