ព័ត៌មានអន្ដរជាតិ

តម្លៃប្រេងកើនឡើង ជំរុញដោយទណ្ឌកម្មថ្មីលើអ៊ីរ៉ង់

បានផុស

១ year មុន

នៅ

ថ្ងៃព្រហស្បតិ៍ ១៧ មេសា ២០២៥

ដោយ

តម្លៃប្រេងអន្តរជាតិបានកើនឡើងសម្រាប់ការជួញដូរនៅថ្ងៃព្រហស្បតិ៍នេះ ដែលជំរុញដោយការបន្ថែមទណ្ឌកម្មរបស់សហរដ្ឋអាមេរិកលើពាណិជ្ជកម្មប្រេងកាតរបស់អ៊ីរ៉ង់ ខណៈសមាជិករបស់អង្គការនៃប្រទេសនាំចេញប្រេង (OPEC) មួយចំនួនគ្រោងកាត់បន្ថយផលិតកម្មជាថ្មី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេងឆៅនាពេលអនាគត ម៉ាក Brent បានកើនឡើង ៥៦ សេន ឬ ០,៨៥ ភាគរយ ដោយជួញដូរនៅតម្លៃ ៦៦,៤១ ដុល្លារ/បារ៉ែល។ ចំណែកឯប្រេងឆៅ ម៉ាក West Texas Intermediate (WTI) របស់អាមេរិកវិញ បានកើនឡើង ៦៥ សេន ឬ ១,០៤ ភាគរយ ដោយជួញដូរនៅ ៦៣,១២ ដុល្លារ/បារ៉ែល។

តម្លៃប្រេងទាំង ២ បានកើនឡើងជាង ២ ភាគរយ ពេលបញ្ចប់ការជួញដូរកាលពីថ្ងៃពុធ ដែលជាកម្រិតខ្ពស់បំផុតរាប់តាំងពីថ្ងៃទី ៣ មេសា។

កំណើនទាំងនេះ កើតឡើងក្រោយរដ្ឋបាលរបស់ប្រធានាធិបតីអាមេរិក ដូណាល់ ត្រាំ បានប្រកាសដាក់ទណ្ឌកម្មថ្មីលើការនាំចេញប្រេងរបស់អ៊ីរ៉ង់កាលពីថ្ងៃពុធ រួមទាំងទណ្ឌកម្មលើរោងចក្រចម្រាញ់ប្រេងរបស់ចិនតូចមួយ ដើម្បីបង្កើនសម្ពាធលើអ៊ីរ៉ង់ ចំពេលកិច្ចចរចានុយក្លេអ៊ែរនៅតែបន្ត។

បន្ថែមលើការព្រួយបារម្ភនៃការផ្គត់ផ្គង់ OPEC បាននិយាយកាលពីថ្ងៃពុធថា ខ្លួនបានទទួលផែនការថ្មីៗពីអ៊ីរ៉ាក់ កាហ្សាក់ស្ថាន និងប្រទេសជាសមាជិកផ្សេងទៀត អំពីការកាត់បន្ថយផលិតកម្មបន្ថែមទៀត ដើម្បីប៉ះប៉ូវលើការបូមប្រេងលើសកូតានាពេលកន្លងមក។

ទោះបីជាយ៉ាងណាក៏ដោយ កំណើនប្រេងនៅមានកំណត់ ដោយសារតែក្ដីបារម្ភពីកម្សោយតម្រូវការ ជុំវិញភាពស្រពិចស្រពិលនៃសេដ្ឋកិច្ច ដែលបង្កឡើងដោយគោលនយោបាយពន្ធគយរបស់លោក ត្រាំ៕