កីឡា

វ័យទើប៩ឆ្នាំ ឈាវ បូរិន្ទ ឈ្នះជើងឯក អុកចត្រង្គ សម្រេចបំណងយកលុយបង់ថ្លៃសាលារៀន

បានផុស

១ year មុន

នៅ

ថ្ងៃសុក្រ ១៨ មេសា ២០២៥

ដោយ

កីឡាករអុកចត្រង្គវ័យក្មេង ឈាវ បូរិន្ទ បានសម្រេចបំណងខ្លួនក្នុងការឈ្នះជើងឯកពីការប្រកួតអុកចត្រង្គនៅអង្គរសង្ក្រាន្តខេត្តសៀមរាបដើម្បីយកប្រាក់រង្វាន់ទៅបង់ថ្លៃសាលារៀនរបស់ខ្លួន ខណៈរូបគេពិតជាធ្វើបានល្អជាប់ចំណាត់ថ្នាក់លេខ១ មែនកាលពីថ្ងៃទី១៦ ខែមេសា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឈាវ បូរិន្ទ

លោក ឈាវ បូរ៉ា ដែលជាឪពុករបស់ក្មេងប្រុស ឈាវ បូរិន្ទ បានឲ្យដឹងថា មុនការប្រកួតកូនប្រុសរបស់លោកបានប្រាប់មកលោកពីការប្ដេជ្ញាចិត្តក្នុងការប្រកួតនៅអង្គរសង្ក្រាន្ត ឆ្នាំ២០២៥ ធ្វើយ៉ាងណាទទួលបានជើងឯកដើម្បីទទួលបានប្រាក់រង្វាន់សម្រាប់បង់ថ្លៃសាលារៀនរបស់ខ្លួន។

លោកពិតជារំភើបសប្បាយរីករាយជាខ្លាំងនៅពេលកូនប្រុសធ្វើបានដូចក្ដីបំណង។ លោកស្ទើរមិនចង់ជឿថា កូនអាចធ្វើបានល្អហួសពីអ្វីដែលលោកគិតទៅទៀត។ កូនប្រុសរបស់លោកទើបលេងកីឡាអុកចត្រង្គបានរយៈពេល២ឆ្នាំប៉ុណ្ណោះ ស្របពេលនេះជាការប្រកួតដំបូងរបស់គេផង និងជាកីឡាករវ័យក្មេងជាងគេបង្អស់ទៅទៀតក្នុងការប្រកួតនៅព្រឹត្តិការណ៍អង្គរសង្ក្រាន្ត។

រូបភាពផេកអង្គរសង្ក្រាន្ត

បញ្ជាក់ដែរថា កុមារា ឈាវ បូរិន្ទ ជាកូនប្រុសរបស់កីឡាករ ឈាវ បូរ៉ា ដែលជាជើងខ្លាំងផ្នែកកីឡាអុកចត្រង្គមួយរូបនៅកម្ពុជា។ ចំណែកកូនប្រុសរបស់លោកទើបអាយុ ៩ឆ្នាំ ទទួលបានចំណាត់ថ្នាក់លេខ១ លើវិញ្ញាសាអុកចត្រង្គ អាយុ ១២ឆ្នាំចុះក្រោម។ រូបគេប្រកួតឈ្នះ ៤ប្រកួតនៅវគ្គជម្រុះឯភ្នំពេញ និងឈ្នះ៤ប្រកួតទៀតនៅអង្គរសង្ក្រាន្ត។ ប្រាក់រង្វាន់ដែល បូរិន្ទ ទទួលបានពីសម្ដេចធិបតី ៤លានរៀល ប្រាក់រង្វាន់ជយលាភី ២លានរៀល និងសប្បុរសជន ៦០០ដុល្លារទៀត។ បច្ចុប្បន្នរូបគេកំពុងសិក្សាថ្នាក់ទី៣នៅសាលារៀនឯកជនមួយកន្លែង៕