កីឡា

សុទ្ធតែជើងខ្លាំងប៉ះគ្នាវគ្គពាក់កណ្តាលផ្តាច់ព្រ័ត្រស្តេចអុកអង្គរសង្គ្រាន្ត

បានផុស

៣ years មុន

នៅ

ថ្ងៃសុក្រ ១៤ មេសា ២០២៣

ដោយ

បន្ទាប់ពីធ្វើការប្រកួតសន្សំពិន្ទុក្នុងពូលដ៏ស្វិតស្វាញពេញមួយថ្ងៃមក ពេលនេះរកឃើញជើងខ្លាំង៤រូបនៃការប្រកួតស្វែករកស្តេចអុកប្រចាំព្រឹត្តិការណ៍អង្គរសង្គ្រាន្តប្រចាំឆ្នាំ២០២៣ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គសន្សំពិន្ទុក្នុងពូលនៅថ្ងៃទី១៤ ខែមេសានេះ កីឡាករ ហេង សៅឌី ស្តេចអុកឆ្នាំ២០១៨ ទទួលបានចំណាត់ងថ្នាក់លេខ១ និងកីឡាករ សុខ លឹមហេង ទទួលបានចំណាត់ថ្នាក់លេខ២សម្រាប់ពូល A។

ចំពោះពូល B កីឡាករ លឹម ផល្លា ទទួលបានចំណាត់ថ្នាក់លេខ១ និងកីឡាករ ឈាវ បូរ៉ា ស្តេចអុកឆ្នាំ២០១៤ និង២០១៥ ទទួលបានចំណាត់ថ្នាក់លេខ២។ កីឡាករទាំង៤នាក់ខាងលើជាអ្នកទទួលបានកៅអីវគ្គពាក់កណ្តាលផ្តាច់ព្រ័ត្រ។

នៅវគ្គពាក់កណ្តាលផ្តាច់ព្រ័ត្រ នឹងធ្វើការប្រកួតនៅថ្ងៃទី១៥ ខែមេសា ចាប់ពីវេលាម៉ោង៨ព្រឹកទៅ ដែល ឈាវ បូរ៉ា ប៉ះកីឡាករ ហេង សៅឌី ខណៈ លឹម សុខហេង ប៉ះ លឹម ផល្លា។

ការប្រកួតវគ្គផ្តាច់ព្រ័ត្រ នឹងធ្វើនៅថ្ងៃទី១៦ ខែមេសា ដែលជាថ្ងៃចុងក្រោយនៃពិធីបុណ្យអង្គរសង្ក្រាន្តនៅខេត្តសៀមរាប៕