កីឡា

អបអរសាទរ! សុខ លឹមហេង ក្លាយជាស្តេចអុកអង្គរសង្ក្រាន្តឆ្នាំ២០២៣

បានផុស

៣ years មុន

នៅ

ថ្ងៃអាទិត្យ ១៦ មេសា ២០២៣

ដោយ

កីឡាករ សុខ លឹមហេង បានក្លាយជាជើងឯកអុកចត្រង្គនៃព្រឹត្តិការណ៍អង្គរសង្ក្រាន្ត លើកទី១០ ឆ្នាំ២០២៣ បន្ទាប់ពីបានយកឈ្នះកីឡាករ ឈាវ បូរ៉ា នៅវគ្គផ្តាច់ព្រ័ត្រនៅព្រឹកថ្ងៃទី១៦ ខែមេសានេះ។

ការប្រកួតវគ្គផ្តាច់ព្រ័ត្រពិតជាស្វិតស្វាញខ្លាំងមែនទែនដែលត្រូវចំណាយពេលវេលារាប់ម៉ោងទើបរកឃើញជយលភី។ ដូច្នេះ សុខ លឹមហេង បានក្លាយជាស្តេចអុកអង្គរសង្ក្រាន្ត ឆ្នាំ២០២៣ ខណៈកីឡាករ ឈាវ បូរ៉ា ជាស្តេចអុកកាលពីឆ្នាំ២០១៤ និង ២០១៥ បានចំណាត់ថ្នាក់លេខ២។

កីឡាករ ហេង សៅឌី ទទួលបានចំណាត់ថ្នាក់លេខ៣ ក្រោយឈ្នះកីឡាករ លឹម ផល្លា ដែលទទួលបានចំណាត់ថ្នាក់លេខ៤។

កីឡាករទាំង៤រូបខាងលើនេះសុទ្ធតែជាជម្រើសជាតិកម្ពុជាក្នុងការចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣។

ជយលាភី

លេខ១ សុខ លឹមហេង ទទួលបានប្រាក់ឧបត្ថម្ភពីសម្តេចតេជោ ២០លានរៀល និង១០លានរៀលពីគណៈកម្មការអង្គរសង្ក្រាន្ត។
លេខ២ ឈាវ បូរ៉ា ទទួលបានប្រាក់ឧបត្ថម្ភពីសម្តេចតេជោ ១២លានរៀល និង៦លានរៀលពីគណៈកម្មការអង្គរសង្ក្រាន្ត។
លេខ៣ ហេង សៅឌី ទទួលបានប្រាក់ឧបត្ថម្ភពីសម្តេចតេជោ ៨លានរៀល និង៤លានរៀលពីគណៈកម្មការអង្គរសង្ក្រាន្ត។
លេខ៤ លឹម ផល្លា ទទួលបានប្រាក់ឧបត្ថម្ភពីសម្តេចតេជោ៤លានរៀល និង៨០ម៉ឺនរៀលពីគណៈកម្មការអង្គរសង្ក្រាន្ត៕

អត្ថបទ៖ វីរបុត្រ