ព័ត៌មានជាតិ
ទំនិញនៅលើទីផ្សារកម្ពុជា មិនឡើងថ្លៃទេ ក្រោយថៃបិទព្រំដែន
ក្រុមអាជីវករបានប្រាប់ឱ្យដឹងថា តម្លៃទំនិញលក់រាយនៅលើទីផ្សារ មិនមានការឡើងថ្លៃនោះទេ បន្ទាប់ពីថៃបិទព្រំដែន ខណៈការផ្គត់ផ្គង់ទំនិញនៅលើទីផ្សារក៏ពុំមានបញ្ហាចោទដែរ។
លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ប្រាប់កម្ពុជាថ្មីនៅថ្ងៃទី ២០ ខែមិថុនា ឆ្នាំ ២០២៥ថា ចាប់តាំងពីថៃបិទច្រកព្រំដែន មិនទាន់មានទំនិញណាមួយឡើងថ្លៃនៅឡើយនោះទេ រាប់តាំងពីសាច់គោ សាច់ជ្រូក បន្លែ និងអាហារទទួលទានប្រចាំថ្ងៃ ដោយសារកម្ពុជាមានទំនិញប្រទេសផ្សេងៗនាំចូលជំនួសបាន។
សម្រាប់លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា តម្លៃទីផ្សារសាច់ជ្រូក មិនមានការឡើងថ្លៃនោះទេ ពោលគឺនៅថេរដដែល សាច់សុទ្ធលក់រាយនៅលើទីផ្សារតម្លៃក្រោម ២ ម៉ឺនរៀល ក្នុងមួយគីឡូក្រាម។
លោក ឡយ ស៊ាងអាង ប្រធានគណៈកម្មការគ្រប់គ្រងផ្សារអូរឫស្សី បានប្រាប់ឱ្យដឹងថា អាជីវករលក់ដូរក្នុងផ្សារ ក្រោមការគ្រប់គ្រងរបស់លោក បានលក់ដូរយ៉ាងទូលំទូលាយលើម្ហូបអាហារ បន្លែ ផ្លែឈើ ដោយមិនមានការព្រួយបារម្ភពីកង្វះខាតទំនិញក្នុងការលក់នោះទេ ខណៈប្រជាពលរដ្ឋជាច្រើន ក៏បានបន្តអញ្ជើញមកទិញអីវ៉ាន់របស់ខ្មែរផងដែរ ដោយមិនផ្តោតខ្លាំងលើទំនិញក្រៅស្រុក ជាពិសេសកសិករក្នុងស្រុកផលិតបានគ្រប់គ្រាន់សម្រាប់ផ្គត់ផ្គង់ប្រចាំថ្ងៃ។
ជាមួយនេះ អាជីវករលក់ដូរនៅផ្សារអូរឫស្សី ក៏បានសម្តែងក្តីពេញចិត្តក្នុងការលក់ដូរផលិតផលខ្មែរជូនប្រជាពលរដ្ឋខ្មែរយកទៅបរិភោគ ដោយពួកគាត់យល់ឃើញថា ការគាំទ្រផលិតផលខ្មែរមកលក់ដូរ ជាការជួយដល់សេដ្ឋកិច្ចប្រជាជនក្នុងស្រុក ក៏ដូចជាសេដ្ឋកិច្ចជាតិទាំងមូលផងដែរ។ ជាពិសេសប្រជាពលរដ្ឋបានបរិភោគ បន្លែ ត្រី សាច់ រស់ធម្មជាតិ របស់កសិករខ្មែរ និងប្រជាកសិករផលិតក្នុងស្រុកមានការសប្បាយចិត្ត ដោយពុំមានរបស់ក្រៅស្រុកហូរចូល។
យោងតាមធនាគារ ARDB តម្លៃកសិផលតាមទីផ្សារនៅរាជធានីភ្នំពេញនៅថ្ងៃទី ២០ ខែមិថុនា ឆ្នាំ ២០២៥ នេះ មិនមានការឡើងថ្លៃនោះទេ សាច់គោមួយគីឡូតម្លៃ ៣ ៧០០០ រៀល សាច់ជ្រូក ១ ៥០០០ រៀល ក្នុងមួយគីឡូក្រាម សាច់មាន់ ១ ម៉ឺនរៀល ក្នុងមួយគីឡូក្រាម និងស្ពៃចង្កឹះ ៣០០០ រៀល ក្នុងមួយគីឡូក្រាម អង្ករផ្កាខ្ចី ៣០០០ រៀល និងអង្ករសែនក្រអូប ៣ ៥០០ រៀល ក្នុងមួយគីឡូក្រាម៕
អត្ថបទ៖ ឡេង ដេត
ក្រុមយុវជនសង្គមសុីវិល ចាត់ទុកសម្តេចតេជោ ហ៊ុន សែន ជាអ្នកបញ្ចប់សង្គ្រាម និងបិតាសន្តិភាព
វេទិកាសាធារណៈបង្កប់នូវអត្ថន័យ គន្លឹះ២ គឺការផ្សព្វផ្សាយ និងពិគ្រោះយោបល់ ក្នុងបំណងបម្រើផលប្រយោជន៍ប្រជាពលរដ្ឋ
១៩ឆ្នាំក្នុងទ្រនំ YG ទីបំផុត Yoo In-na សម្រេចចិត្តផ្លាស់ប្ដូរភ្នាក់ងារថ្មីភ្លាម
ព្យុះសង្ឃរា Erick បង្កើនឥទ្ធិពលនៅម៉ិកស៊ិកបណ្តាលឲ្យភ្លៀងខ្លាំង និងគ្រោះទឹកជំនន់
គណបក្សក្នុងរដ្ឋាភិបាលចម្រុះថៃ ទាមទារការកំណែទម្រង់ ខណៈរដ្ឋាភិបាលជួបវិបត្តិ
ពូទីន ស្នើជួយដោះស្រាយជម្លោះមជ្ឈិមបូព៌ា តែ ត្រាំ ប្រាប់វិញថា ដោះស្រាយរឿងខ្លួនឯងឲ្យចេញសិនទៅ ចាំគិតរឿងគេ
ក្រុមសកម្មប្រយុទ្ធនិកាយស៊ីអ៊ីតអ៊ីរ៉ាក់ គំរាមវាយមូលដ្ឋានទ័ពអាមេរិក បើ ត្រាំ ចូលជួយអ៊ីស្រាអែល
គណបក្សសំខាន់២ទៀតក្នុងរដ្ឋាភិបាលចម្រុះ បដិសេធ ផែថងថាន កាន់តំណែងបន្ត
ចារកម្មក្រុងសេអ៊ូល៖ អាមេរិកនឹងវាយកូរ៉េខាងជើង បើកូរ៉េខាងត្បូងរងការវាយប្រហារនុយក្លេអ៊ែរ
អតីតកីឡាការិនីល្បុក្កតោ ពេជ្រ ចរណៃ ទំហំទឹកប្រាក់នៃការខូចខាតឆេះហាងអស់ខ្ទង់ ២៦ម៉ឺនដុល្លារ
-
នយោបាយ៧ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៤ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ១ សប្តាហ៍ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម១ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ១ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ១ សប្តាហ៍ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ១ សប្តាហ៍ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន