ជីវិតកម្សាន្ដ

លោក ហួរ ឡាវី ទឹកភ្នែករលីងរលោងពេលឃើញកូនស្រីពៅត្រឡប់មកផ្ទះវិញតែបាត់វត្តមានភរិយា

បានផុស

៥ years មុន

នៅ

ថ្ងៃសៅរ៍ ៣ មេសា ២០២១

ដោយ

តារាចម្រៀងជើងចាស់លោកគ្រូ ហួរ ឡាវី បានបង្ហាញអារម្មណ៍ក្តុកក្តួលខ្លាំង រហូតស្រក់ទឹកភ្នែកជ្រែកថ្ពាល់ ក្រោយពេលកូនស្រីពៅ វី ឌីណូ(Dinou VY)បានជាសះស្បើយពីជំងឺកូវីដ១៩ ហើយចេញពីមន្ទីរពេទ្យត្រឡប់មកផ្ទះវិញតែបាត់វត្តមានភរិយា។

តាមរយៈវីដេអូដែលត្រូវបានកូនស្រីច្បងរបស់លោក ហួរ ឡាវី បង្ហោះពីសកម្មភាពដែលប្អូនស្រីពៅបានត្រឡប់មកផ្ទះវិញនោះ គេឃើញលោកគ្រូ ហួរ ឡាវី ដែលជាឪពុកបាននិយាយទាំងអួលដើមកព្រមជាមួយទឹកភ្នែករលីងរលោង អបអរកូនស្រីពៅផង និងម្យ៉ាងវិញទៀត គឺនឹកអាល័យដល់ភរិយាដែលស្លាប់ដោយសារជំងឺកូវីដ-១៩ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសំណេរដែលបងស្រី វី ឌីណែត និងកូនច្បងលោក ហួរ ឡាវី បង្ហោះនោះបានលើកឡើងថា ម៉ាក់អើយ ថ្ងៃនេះស្រីពៅ Dinou VY បានជាសះស្បើយវិញហើយ ត្រឡប់មកផ្ទះរកម៉ាក់ តែបានត្រឹមឃើញធាតុ និងរូបថតម៉ាក់។ ប៉ាក៏មិនហ៊ានឱបកូន ក្មួយក៏មិនហ៊ានប្រលែងនឹងមីង ដូចមុនព្រោះក្រសួងតម្រូវឲ្យធ្វើចត្តាឡីស័ក១៤ថ្ងៃក្នុងបន្ទប់ដាច់ដោយឡែកទៀត។

សូមជម្រាបថា កូនស្រពៅរបស់លោក ហួរ ឡាវី និងត្រូវជាប្អូនបង្កើត វី ឌីណែត ឈ្មោះ វី ឌីណូ បានជាសះស្បើយពីជំងឺកូវីដ-១៩ហើយត្រូវបានអនុញ្ញាតឲ្យវិលត្រឡប់មកផ្ទះកាលថ្ងៃទី២ ខែមីនានេះ។ ប៉ុន្តែក៏ត្រូវបន្តធ្វើចត្តាឡីស័ក១៤ថ្ងៃទៀត ខណៈ វី ឌីណែត ក៏កំពុងធ្វើចត្តាឡីស័ក១៤ថ្ងៃដែរ នៅសណ្ឋាគារសុខា ចំណែកឯ វី ឌីណា ដែលជាបងស្រីក៏កំពុងសម្រាកព្យាបាលជំងឺកូវីដ-១៩ដោយមានផ្ទៃពោះជាង៧ខែផងដែរ៕

អត្ថបទ ៖ ចាន់រ៉ា

Related Topics:កូវីដ-១៩ តារាចម្រៀង លោក ហួរ ឡាវី

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា