ព័ត៌មានអន្ដរជាតិ

បុរសជនជាតិថៃ សម្លាប់ម្ដាយបង្កើត រួចបៀកស៊ីម៉ងត៍ពីលើបំបាត់ភ័ស្ដុតាង

បានផុស

១១ ខែ មុន

នៅ

ថ្ងៃចន្ទ ៤ សីហា ២០២៥

ដោយ

យោងតាមរបាយការណ៍ពីសារព័ត៌មាន news1 នៅថ្ងៃទី៤ ខែសីហា បានចុះផ្សាយថា បុរសថៃវ័យ ៣៣ឆ្នាំម្នាក់ បានសម្លាប់ម្ដាយបង្កើតខ្លួនឯង ដោយធ្វើសកម្មភាពច្របាច់ក រួចយកស៊ីម៉ងត៍មកបៀកពីលើបំបាត់ភ័ស្ដុតាង មុនពេលលាក់សពនៅក្នុងបន្ទប់ទឹកក្នុងផ្ទះអស់រយៈពេលពីរសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើង ស្ថិតក្នុងស្រុក Lat Krabang ទីក្រុងបាងកក។ យ៉ាងណា មន្ត្រីជំនាញនិងស្ថាប័នពាក់ព័ន្ធ រួមទាំងភ្នាក់ងារបានប្រាប់ថា បច្ចុប្បន្នជនសង្ស័យសម្លាប់ម្ដាយត្រូវប៉ូលិសនាំមកឃុំខ្លួនបណ្ដោះអាសន្នសិន ដើម្បីរង់ចាំស៊ើបអង្កេតបន្ថែម។

យោងតាមរបាយការណ៍ពីប៉ូលិសក្នុងតំបន់បានបញ្ចាក់ថា ដំបូងឡើយជនសង្ស័យឈ្មោះ តាន់ អាយុ៣៣ឆ្នាំ បានមកប៉ុស្តិ៍នគរបាល ដើម្បីប្រគល់ខ្លួន។ គាត់បានអះអាងថា គាត់បានវាយម្ដាយអាយុ ៧៣ ឆ្នាំបណ្ដាលឲ្យស្លាប់ ហើយលាក់សពនៅក្នុងផ្ទះប្រហែលពីរសប្ដាហ៍មុន ដោយសារតែក្លិនដ៏ខ្លាំងចេញពីសពបានបញ្ចេញចេញពីបន្ទប់ទើបបណ្ដាលឲ្យគាត់មកសារភាពតែម្ដង។

បុរសជនជាតិថៃរូបនេះបានសារភាពទៀតថា ខ្លួនពិតជាបានច្របាច់កម្ដាយពិតមែន! ហើយបានយកសាកសពម្តាយចូលក្នុងបន្ទប់ទឹកក្នុងផ្ទះ។ បន្ទាប់មកគាត់យកស៊ីម៉ងត៍បៀកពីលើវាជាមួយស្រទាប់ក្រណាត់បិទបាំងបន្ថែមបំបាតភត្តុតាង។

ក្រោយពេលកើតហេតុសមត្ថកិច្ចចុះទៅពិនិត្យផ្ទះឃើញសពត្រូវបានឃាតកសម្លាប់យកទៅលាក់ទុកក្នុងបន្ទប់ទឹកក្នុងបន្ទប់ទឹកក្នុងផ្ទះមែន ។ ពីរសប្តាហ៍ក្រោយមក កូនកំណាចនេះបានប្រគល់ខ្លួនឲ្យប៉ូលិស។ ផ្អែកតាមការស៊ើបអង្កេតរបស់ប៉ូលិសបានបង្ហាញពីមូលហេតុ កូនប្រុសបានអះអាងថា ម្តាយរបស់គាត់បានត្អូញត្អែរ និងរអ៊ូច្រើនពេក ទើបធុញទ្រាន់ ៕

អត្ថបទ៖ សាង ស្រីល័ក្ខ

ចុចអាន៖ថៃកំពុងវឹកវរ ខណៈកងទ័ពចេញសារដាស់តឿនប្រជាជន កុំឈ្លោះគ្នាឯងឲ្យសោះ