ជីវិតកម្សាន្ដ

មិនប៉ុន្មានម៉ោងទេ! MV បទចម្រៀង «Gone» របស់ Rosé ទទួលបានការទស្សនាកើនឡើងច្រើនសន្ធឹក

បានផុស

៥ years មុន

នៅ

ថ្ងៃចន្ទ ៥ មេសា ២០២១

ដោយ

ដូចដែលបានធ្វើការប្រកាសអំពីការចេញផ្សាយ MV បទចម្រៀងទោល «Gone» របស់ Rosé សមាជិកក្រុម BLACKPINK រួចមកហើយ។ ដោយបទចម្រៀងទោលមួយបទនេះ ដែរគឺមាននៅក្នុងអាល់ប៊ុម ‘-R-‘ របស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់បទចម្រៀងមនោសញ្ចេតនាស្នេហាសោកសៅរបស់នារីម្នាក់ នៅក្នុងបទចម្រៀងថ្មីរបស់ Rosé នេះ ទាំងទំនុកច្រៀង និងការសម្ដែង ពិតជាធ្វើឱ្យអ្នកគាំទ្រ និងទស្សនាស្លុតចិត្តស្លុតអារម្មណ៍ទៅតាមបទភ្លេងជាខ្លាំង។ ព្រោះបទចម្រៀងមួយនេះ បានបង្កប់អត្ថន័យនៃអារម្មណ៍ឈឺចាប់ដែលនារីម្នាក់បានលាក់ទុកក្នុងចិត្តតែម្នាក់ឯងយ៉ាងសោកសៅ បន្ទាប់ពីគូស្នេហ៍របស់នាង បានចាកចេញទៅជាមួយអ្នកថ្មីយ៉ាងសប្បាយរីករាយ។

បើទោះបីជាអត្ថន័យច្រៀងរៀបរាប់អំពីការឈឺចាប់ស្នេហាបែបយុវវ័យសាមញ្ញក៏ពិតមែន ប៉ុន្តែ «Gone» បានចាក់ដោតអារម្មណ៍នឹងបេះដូងមនុស្សដែលមានភាពឯកាខ្វះភាពកក់ក្តៅ ដូចអត្ថន័យក្នុងបទចម្រៀងមិនតិចនោះទេ មកដល់ពេលនេះទទួលបានចំនួនអ្នកទស្សនាកើនឡើងជាង ១១លាន views ទៅហើយ៕

ទស្សនាបទចម្រៀងខាងក្រោមនេះ៖