ចម្លែកណាស់! សុខៗរូបថតម៉ូតរបស់ Lisa សមាជិក BLACKPINK ត្រូវបានដកចេញទាំងអស់

ពិតជារឿងចម្លែកដ៏គួរ​ឲ្យងឿងឆ្ងល់មួយសម្រាប់ក្រុមអ្នកគាំទ្ររបស់ Lisa សមាជិកក្រុម BLACKPINK ដោយសារតែសុខៗស្រា​ប់​តែ​រូបភាពថតផ្សព្វផ្សាយរបស់នាង ត្រូវបានដកចេញដោយគ្មានមូលហេតុច្បាស់លាស់។

កាលពីពេលថ្មីៗនេះ សមាជិកក្រុម BLACKPINK រូបនេះ បានធ្វើការថតផ្សព្វផ្សាយរូបថតម៉ូតនៅលើទស្សនាវដ្តី «Harper’s Ba​z​a​ar ​China» ឲ្យម៉ាកប្រេនរបស់ ក្រុមហ៊ុន Celine។ ជាហេតុធ្វើ​ឲ្យប្រជាប្រិយភាពរបស់នាងកាន់តែល្បីសុះសាយខ្លាំងឡើង មិន​ត្រឹ​ម​តែ​នៅក្នុងប្រទេសកូរ៉េខាងត្បូងនោះទេ សូម្បីតែក្រៅប្រទេស Lisa ក៏មានឈ្មោះល្បីល្បាញរហូតទទួលបាន​តំណែងក្នុង​កម្មវិធីលំ​ដា​​ប់​ប្រទេសចិន ‘Youth With You’ រដូវកាលទី ២ និង ៣ផងដែរ។

ក្នុងនោះដែរ អ្នកគាំទ្ររបស់នាងទាំងអស់ពិតជារំភើបចិត្តជាខ្លាំង ដែលតារាស្រីរូបនេះអាចឈរជើងបាននៅ​លើក្រប​ទស្សនា​វដ្តី​ប្រ​ចាំ​ខែថ្មីនេះ មុនពេលដែលអ្នកគ្រប់គ្នាបានដឹងថារូបភាពចេញម៉ូតរបស់នាង ត្រូវបានដកចេញពីបណ្ដាញសង្គមចិន និងផ្សេងៗ​ទៀ​ត​។ ជាក់ស្ដែងដូចជាបណ្ដាញសង្គម Weibo ផ្លូវការរបស់ «Chinese Harper’s Bazaar» ឥឡូវនេះបានដកចេញរូបថត​ទាំងអ​ស់​ចេ​ញ​ពី​វេទិកា។

ទោះជាយ៉ាងណាមូលហេតុធំក្នុងរឿងមួយនេះ មិនទាន់ត្រូវបានគេដឹងនៅឡើយទេ ប៉ុន្តែអ្នកនិយមលេងបណ្ដាញសង្គមជាច្រើន ជា​ក់ជឿថា អាចនឹងមានទាក់ទងទៅនឹងការពិតដែលថា Lisa សមាជិកក្រុម BLACKPINK គឺជាម៉ូដែលថតម៉ូត​ឲ្យប្រេន Adidas។
ដូចដែលធ្លាប់បានរាយការណ៍កាលពីមុនថា ជនជាតិចិនភាគច្រើនកំពុងតែធ្វើពហិការចំពោះម៉ាកសម្លៀកបំពាក់ជាច្រើន រួមទាំង Adidas ដែលបានបដិសេធមិននាំចូលឬប្រើប្រាស់ ដោយលើកឡើងពីបញ្ហានៃការគៀបសង្កត់កម្លាំងពលកម្ម និងការរើសអើង​ជ​ន​ជា​តិ​ភាគតិច៕

អត្ថបទផ្ដល់៖ Poraman

ចុចអាន៖ជិតចេញអាល់ប៊ុមទោលដំបូង! Wendy សមាជិក Red Velvet បញ្ចេញរូបស្អាតៗមានមន្តស្នេហ៍ខ្លាំង

ចុចអាន៖Ice Preechaya បង្អួតសម្រស់ក្នុងឈុតខ្មៅចំហទ្រូង ស្រស់ស្អាតខ្លាំង