ព័ត៌មានអន្ដរជាតិ

កូរ៉េខាងត្បូងរៀបចំបដិសណ្ឋារកិច្ចប្រតិភូវៀតណាមដល់កម្រិតការទូតខ្ពស់បំផុត

បានផុស

១០ ខែ មុន

នៅ

ថ្ងៃចន្ទ ១១ សីហា ២០២៥

ដោយ

ប្រធានាធិបតីកូរ៉េខាងត្បូង លោក លី ជេយុង (Lee Jae-myung) បានរៀបចំពិធីទទួលបដិសណ្ឋារកិច្ច អគ្គលេខាធិកាបក្សកុម្មុយនិស្តវៀតណាម លោក តូ ឡឹម (To Lam) ក្នុងដំណើរទស្សនកិច្ចផ្លូវរដ្ឋលើកដំបូង ជាមួយការរៀបចំបដិសណ្ឋារកិច្ចកម្រិតខ្ពស់បំផុតដោយការបាញ់កាំភ្លើងធំ២១ដើម ខណៈប្រទេសទាំងពីរនឹងពង្រឹងទំនាក់ទំនងទ្វេភាគីកាន់តែទូលំទូលាយនិងស៊ីជម្រៅបន្ថែមទៀត។

អគ្គលេខាធិការបក្សវៀតណាម លោក តូ ឡឹម បំពេញទស្សនកិច្ចនៅកូរ៉េខាងត្បូង។ VOV

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តូ ឡឹម និងភរិយាបានចាប់ផ្តើមពិភាក្សាការងារផ្លូវការចំនួន៤ថ្ងៃ ដោយបានធ្វើដំណើរទៅដល់ការិយាល័យប្រធានាធិបតីកូរ៉េខាងត្បូងនៅថ្ងៃទី១១ខែសីហានេះ ជាមួយការទទួលស្វាគមន៍ពីសំណាក់ ប្រធានាធិបតីកូរ៉េខាងត្បូង លោក លី ជេយុង និងជំទាវទីមួយរបស់សាធារណៈរដ្ឋកូរ៉េ។

តាមសេចក្តីរាយការណ៍របស់សារព័ត៌មានវៀតណាម Voice of Vietnam (VOV) ការទទួលបដិសណ្ឋារកិច្ចនេះដើម្បីបញ្ជាក់អំពីសារៈសំខាន់នៃដំណើរទស្សនកិច្ចនេះ ប្រទេសម្ចាស់ផ្ទះបានរៀបចំការសម្តែងក្រុមតន្រ្តីយោធា និងការបាញ់កាំភ្លើងធំចំនួន ២១ ដើម អមដោយភ្លេងជាតិនៃប្រទេសទាំងពីរវៀតណាម និងកូរ៉េខាងត្បូង។

ទីភ្នាក់ងារព័ត៌មានរ៉់យទ័រ បានរាយការណ៍ថា មេដឹកនាំនៃប្រទេសទាំងពីរប្រឹងប្រែងពង្រីកទំនាក់ទំនងកាន់តែធំទូលាយ និងកាន់តែស៊ីជម្រៅ ចំពេលមានការប្រឈមក្នុងវិស័យពាណិជ្ជកម្ម ដោយសារតែការដំឡើងពន្ធគយរបស់សហរដ្ឋអាមេរិក។

តាមផ្អែកតាមសេចក្តីរាយការណ៍ តាមការគ្រោងទុក ប្រទេសទាំងពីរនេះគ្រោងនឹងចុះហត្ថលេខាលើអនុស្សរណៈនៃការយោគយល់គ្នាយ៉ាងហោចណាស់ចំនួន១០ នៅក្នុងកិច្ចប្រជុំកំពូល ដោយសន្យាកិច្ចសហប្រតិបត្តិការលើវិស័យថាមពលនុយក្លេអ៊ែរ និងថាមពលកកើតឡើងវិញ គោលនយោបាយរូបិយវត្ថុ និងហិរញ្ញវត្ថុ និងវិទ្យាសាស្ត្រ និងបច្ចេកវិទ្យា។

បន្ទាប់មក ប្រធាន Lee បានអញ្ជើញអគ្គលេខាធិកា To Lam មកពិនិត្យមើលឆ្មាំកិត្តិយស។ ថ្នាក់ដឹកនាំទាំងពីរបានណែនាំសមាជិកគណៈប្រតិភូផ្លូវការរៀងៗខ្លួនជាបន្តបន្ទាប់។ នៅក្នុងពិធីនោះ កុមារកូរ៉េបានច្រៀងចម្រៀងដែលរំលេចនូវមិត្តភាព មនោសញ្ចេតនា និងសាមគ្គីភាពក្នុងចំណោមកុមារទូទាំងពិភពលោក។

ប្រធានាធិបតីកូរ៉េខាងត្បូង លោក លី ជេយុង (ស្តាំ) និង អគ្គលេខាធិការបក្សវៀតណាម តូ ឡឹម។ REUTERS

សារព័ត៌មានវៀតណាម បានដកស្រង់សម្តីរបស់ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម លោក Bui Thanh Son ដែលបាននិយាយថា វៀតណាមត្រៀមខ្លួនជាស្រេចធ្វើការជាមួយកូរ៉េខាងត្បូង ដើម្បីជំរុញការផ្លាស់ប្តូរគណៈប្រតិភូជាន់ខ្ពស់ និងកិច្ចសហប្រតិបត្តិការលើវិស័យសំខាន់ៗ។

លោក Bui បាននិយាយថា វៀតណាមក៏រំពឹងថានឹងជំរុញកិច្ចសហប្រតិបត្តិការសំខាន់ៗក្នុងវិស័យភាពខ្លាំងរបស់កូរ៉េខាងត្បូងដូចជា ការអភិវឌ្ឍន៍ហេដ្ឋារចនាសម្ព័ន្ធ បច្ចេកវិទ្យាខ្ពស់ គ្រឿងអេឡិចត្រូនិក បញ្ញាសិប្បនិម្មិត និងការអភិវឌ្ឍន៍ទីក្រុងឆ្លាតវៃ។

យោងសេចក្តីរាយការណ៍នោះ គិតត្រឹមខែឧសភា ឆ្នាំ ២០២៥ ប្រទេសកូរ៉េខាងត្បូងគឺជាអ្នកវិនិយោគធំជាងគេនៅវៀតណាម ជាមួយនឹងដើមទុនចុះបញ្ជីសរុបឈានដល់ ៩៤ពាន់លានដុល្លារអាមេរិកលើគម្រោងចំនួន ១០២០៣ ដែលស្មើនឹង ១៨,១ ភាគរយនៃការវិនិយោគផ្ទាល់ពីបរទេសដែលបានចុះបញ្ជីនៅក្នុងប្រទេសវៀតណាម។ ជាមួយគ្នានេះ វៀតណាមក៏បានវិនិយោគលើគម្រោងចំនួន ១១២ នៅកូរ៉េខាងត្បូង ជាមួយដើមទុនតិចតួចត្រឹម ៣៧,៤លានដុល្លារប៉ុណ្ណោះ។

ក្នុងឆ្នាំ ២០២៤ មានប្រជាជនវៀតណាមប្រមាណ ៣២ម៉ឺននាក់កំពុងរស់នៅ និងធ្វើការនៅក្នុងប្រទេសកូរ៉េខាងត្បូង ដែលកើនឡើងចំនួន ៥ម៉ឺននាក់បើធៀបនឹងឆ្នាំ២០២៣។

ទំហំពាណិជ្ជកម្មទ្វេភាគីឈានដល់ ៨១,៥ ពាន់លានដុល្លារកាលពីឆ្នាំមុន កើនឡើង ៧,៣ ភាគរយធៀបនឹងឆ្នាំ ២០២៣។ កូរ៉េខាងត្បូងក៏ជាប់ចំណាត់ថ្នាក់លេខ២ក្នុងផ្នែកកិច្ចសហប្រតិបត្តិការអភិវឌ្ឍន៍ដោយមានការប្តេជ្ញាចិត្តផ្តល់ជំនួយចំនួន៤ពាន់លានដុល្លារនៅឆ្នាំ២០៣០។

កូរ៉េខាងត្បូងនៅតែជាទីផ្សារទេសចរណ៍ដ៏ធំបំផុតមួយរបស់វៀតណាម។ នៅឆ្នាំ ២០២៤ ប្រជាជនកូរ៉េខាងត្បូងចំនួន ៤,៦ លាននាក់បានធ្វើដំណើរទៅកាន់ប្រទេសវៀតណាម។ ក្នុងរយៈពេលប្រាំខែដំបូងនៃឆ្នាំនេះ តួលេខនេះបានឈានដល់ ជិត២លាននាក់ ដែលជាប់ចំណាត់ថ្នាក់ទីពីរក្នុងចំណោមទីផ្សារទេសចរណ៍បរទេសទៅកាន់ប្រទេសវៀតណាម៕

រ៉ាន់ រើយ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា