ព័ត៌មានអន្ដរជាតិ

បំណុលជាតិថៃកើនខ្ពស់ បង្កការព្រមានពី IMF និងអ្នកជំនាញ

បានផុស

៩ ខែ មុន

នៅ

ថ្ងៃសុក្រ ១២ កញ្ញា ២០២៥

ដោយ

បំណុលជាតិ ឬបំណុលសាធារណៈរបស់ប្រទេសថៃ បានបន្តកើនឡើងជិតដល់ ៧០ ភាគរយ ធៀបនឹងផលិតផលក្នុងស្រុកសរុប (GDP) ដោយបង្កក្ដីបារម្ភពីមូលនិធិរូបិយវត្ថុអន្តរជាតិ (IMF) និងអ្នកជំនាញពាក់ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់កាសែត The Nation នាថ្ងៃសុក្រនេះ អនុបាតបំណុលសាធារណៈថៃធៀបនឹង GDP មានអត្រារហូតដល់ ៦៧,៩ ភាគរយ ដោយខ្ពស់ជាងប្រទេសភាគច្រើននៅក្នុងតំបន់អាស៊ីអាគ្នេយ៍។ ជាមួយគ្នានោះ អត្រាដដែលរំពឹងថានឹងបន្តកើនឡើងដល់ ៦៨,៩ ភាគរយ នៅឆ្នាំ ២០២៨។

បំណុលសារធារណៈថៃរួមចំណែកជាអន្លើដោយហេដ្ឋារចនាសម្ព័ន្ធថវិកា ដែលប្រើសម្រាប់ការចំណាយជាប្រចាំ (ដែលរួមចំណែក ៧០ ភាគរយ នៃការចំណាយរបស់រដ្ឋាភិបាល ហើយពិបាកនឹងការកាត់បន្ថយវា) រួមជាមួយនឹងវិធានការជំរុញសេដ្ឋកិច្ចរយៈពេលខ្លីជាបន្តបន្ទាប់ និងគម្រោងបន្ធូរបន្ថយពន្ធយ៉ាងទូលំទូលាយ។

អ្នកនាំពាក្យរបស់មូលនិធិរូបិយវត្ថុអន្តរជាតិ (IMF) លោកស្រី Julie Kozack បានរំឭកឡើងវិញនូវការព្រួយបារម្ភក្នុងអំឡុងសន្និសីទសារព័ត៌មានប្រចាំខែរបស់ IMF កាលពីថ្ងៃទីព្រហស្បតិ៍។

លោកស្រីបានកត់សម្គាល់ថា បំណុលសាធារណៈថៃមានកម្រិតខ្ពស់រួចទៅហើយ បើធៀបនឹងប្រទេសជិតខាងដែលមានកម្រិតអភិវឌ្ឍប្រហាក់ប្រហែលគ្នា។ អាស្រ័យហេតុនេះ រដ្ឋាភិបាលថៃ ត្រូវតែប្រុងប្រយ័ត្នចំពោះការគ្រប់គ្រងសារពើពន្ធ ហើយបង្កើនទុនបម្រុងសាធារណៈ ដើម្បីផលប្រយោជន៍រយៈពេលវែងរបស់ប្រទេស។

លោកស្រី Julie បាននិយាយយ៉ាងដូច្នេះថា៖ «គោលនយោបាយសារពើពន្ធ គួរតែរក្សាការប្រុងប្រយ័ត្ន ដោយសារតែកម្រិតបំណុលកើនឡើង»។ លោកស្រីបន្តថា នៅពេលសេដ្ឋកិច្ចចាប់ផ្តើមងើបឡើងវិញ ប្រទេសថៃត្រូវរឹតបន្តឹងសារពើពន្ធរបស់ខ្លួន ជាមួយនឹងគោលដៅបង្កើនភាពបន់បែនផ្នែកហិរញ្ញវត្ថុបន្ថែមទៀត។

ជុំវិញបញ្ហាបំណុលនេះផងដែរ អគ្គលេខាធិការរងនៃក្រុមប្រឹក្សាអភិវឌ្ឍន៍សេដ្ឋកិច្ច និងសង្គមជាតិ (NESDC) លោក Wichayayuth Boonchit បានថ្លែងថា កំណើនកម្រិតបំណុលរបស់ថៃ គឺជាឧបសគ្គដ៏សំខាន់មួយ សម្រាប់ការពង្រីកសេដ្ឋកិច្ច។ លោកបានបន្តថា៖ «បំណុល ទាំងបំណុលគ្រួសារ អាជីវកម្ម និងសាធារណៈ បច្ចុប្បន្នមានអត្រាខ្ពស់ ដែលជួយកម្រិតកំណើនសេដ្ឋកិច្ចរបស់ប្រទេស»។

លោក Wichayayuth បានបញ្ជាក់ថា វិធានការសេដ្ឋកិច្ចរបស់រដ្ឋាភិបាលថ្មី គួរតែផ្តល់អាទិភាពលើការបញ្ចៀសការបន្ថែមបំណុល ដែលអាចបង្កើតបន្ទុកសារពើពន្ធរយៈពេលវែង។ លោកបានមានប្រសាសន៍ថា៖ «ប្រសិនបើកម្រិតបំណុលនៅតែខ្ពស់ ការជំរុញសេដ្ឋកិច្ចនឹងមានប្រសិទ្ធភាពតិច។ លើសពីវិធានការរយៈពេលខ្លី រដ្ឋាភិបាលគួរតែសង្កត់ធ្ងន់លើគំនិតផ្តួចផ្តើមដែលអាចជំរុញកំណើនសេដ្ឋកិច្ចយ៉ាងពិតប្រាកដ»៕

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា