ព័ត៌មានជាតិ

ផ្ទះពីរខ្នង នៅស្រុកសំរោង ត្រូវភ្លៀងលាយឡំនិងខ្យល់កន្ត្រាក់បំផ្លាញខ្ទេច

បានផុស

៥ years មុន

នៅ

ថ្ងៃសៅរ៍ ១០ មេសា ២០២១

ដោយ

ខណៈមានភ្លៀងរលឹមលាយឡំនិងខ្យល់កន្ត្រាក់ផងនោះ បានបណ្ដាលឲ្យមានផ្ទះប្រជាពលរដ្ឋ២គ្រួសារប៉ើងដំបូលរលំរងការខូចខាតយ៉ាងដំណំនៅស្រុកសំរោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះមហន្តរាយបង្កឡើងដោយធម្មជាតិនេះ កើតឡើងកាលពីរសៀលថ្ងៃទី០៩ ខែមេសា ឆ្នាំ២០២១ ដោយមានភ្លៀងធ្លាក់ និងខ្យល់កន្ត្រាក់បណ្តាលឲ្យប៉ះពាល់ផ្ទះរបស់ប្រជាពលរដ្ឋចំនួន២ខ្នងស្ថិតនៅភូមិវះពោះ ឃុំខ្វាវ ស្រុកសំរោង ខេត្តតាកែវ។

ពលរដ្ឋដែលរងគ្រោះក្នុងខ្យល់កន្ត្រាក់នោះរួមមាន៖ ១ផ្ទះរបស់ឈ្មោះ ស្វាយ ណាន់ អាយុ៧០ឆ្នាំ និងប្រពន្ធឈ្មោះ ស្វាយ មៅ អាយុ៦៨ឆ្នាំ ដែលផ្ទះពួកគាត់ធ្វើអំពីឈើប្រក់ស័ង្កសីទំហំទទឹង០៣ ម៉ែត្របណ្តោយ០៤ ម៉ែត្រ ដួលរលំទាំងស្រុង។ ២ផ្ទះរបស់ឈ្មោះ យ៉ែម គីមហេង អាយុ៤៨ឆ្នាំ និងប្រពន្ធឈ្មោះ ង៉ែត ណា អាយុ៤៧ឆ្នាំ មានទំហំទទឹង០៥ ម៉ែត្របណ្តោយ០៦ ម៉ែត្រ ប៉ើងដំបូលអស់ទាំងស្រុង។ ក្នុងហេតុការណ៍នេះដែរ ម្ចាស់ផ្ទះនិងសមាជិកក្រុមគ្រួសារ ដែលរងគ្រោះដោយខ្យល់កន្ត្រាក់ទាំងអស់មិនបានរងរបួសនោះទេ គឺត្រឹមតែខួចខាត់ទ្រព្យសម្បត្តិតែប៉ុណ្ណោះ៕

អត្ថបទ៖ វីរៈ

សូមចុចអាន៖ អាជ្ញាធរខេត្តឧត្ដរមានជ័យ ចែកអំណោយជូនកងកម្លាំងប្រដាប់អាវុធទាំងបីប្រភេទ