យល់សប្ដិឈ្លោះគ្នាជាមួយមិត្តសម្លាញ់​ អត្ថន័យអាក្រក់ណាស់

តើប្រិយមិត្តធ្លាប់សុបិនឈ្លោះគ្នាជាមួយមិត្តសម្លាញ់ដែរទេ? ប្រសិនបើធ្លាប់ អ្នកប្រហែលជាចង់ដឹងនូវអត្ថន័យនៃសុបិននេះជាក់ជាមិនខាន។ ដូច្នេះកុំរង់ចាំយូរ កម្ពុជាថ្មី នឹងបកស្រាយជូនប្រិយមិត្តឱ្យបានដឹង នាពេលនេះតែម្ដង។

យោងទៅតាមសៀវភៅបកស្រាយសុបិន្ត កាលណាឃើញខ្លួនឯងឈ្លោះគ្នាជាមួយសម្លាញ់ មានន័យថា មានមនុស្សកំពុងច្រណែននិន្ទាអ្នក ពីមុខពីក្រោយ។ ប្រសិនបើអ្នកមានមិត្តប្រុស នេះជាសញ្ញាប្រាប់ថា នឹងមានមនុស្សស្រីដណ្ដើមបុរសជាទីស្រឡាញ់ ឱ្យឃ្លាតចាកឆ្ងាយ។ សុបិននេះក៏បញ្ជាក់ពីទំនាក់ទំនងស្នេហា ដែលនឹងមានអ្នកទី៣ មក​ជ្រៀតជ្រែកផងដែរ។

ចំពោះផ្នែកហិរញ្ញវត្ថុ និងការងារវិញ ឈ្លោះគ្នាជាមួយមិត្តភក្តិនៅក្នុងសុបិន មានន័យថា អ្នកនឹងជំពាក់បំណុលគេ។ វាជាសញ្ញាព្រមានថា សេដ្ឋកិច្ចផ្ទាល់ខ្លួនកំពុងប្រឈមនឹងវិបត្តិ ហើយអាចមានគ្រោះមហន្តរាយអស់ទ្រព្យសម្បត្តិជាច្រើន។

ដូច្នេះហើយ ចូរប្រយ័ត្នជាទីបំផុតទៅលើការកម្ចីប្រាក់ក្រៅផ្លូវការនានា ប្រយ័ត្ន​អស់ពីខ្លួន៕

អត្ថបទ៖ សន្យា

ចុចអាន៖ យល់សុបិនធ្លាក់ពីទីខ្ពស់ បញ្ជាក់ពីស្ថានភាពរស់នៅលំបាកឬ ការងារអាចផ្លាស់ប្ដូរ

ចុចអាន៖ យល់សប្ដិឃើញ វត្ថុស័ក្ដិសិទ្ធិ អត្ថន័យបញ្ជាក់យ៉ាងដូច្នេះ