ពេទ្យសត្វចែករំលែកមូលហេតុ ៣ យ៉ាង​ មិនគួរឲ្យឆ្មាស៊ីចំណីឆ្កែ

វេជ្ជបណ្ឌិត Hunter Finn ពេទ្យសត្វ និងជាម្ចាស់គ្លីនិក Pet Method Vet បានឲ្យដឹងថា សត្វឆ្មានិងសត្វឆ្កែត្រូវការសារធាតុចិញ្ចឹមខុសគ្នា ដូច្នេះការស៊ីចំណីដូចគ្នាអាចធ្វើឲ្យសត្វមួយទៀតមានបញ្ហាសុខភាព។ ខាងក្រោមគឺជាមូលហេតុ ៣ យ៉ាងមិនគួរឲ្យឆ្មាស៊ីចំណីឆ្កែ ៖

១. ឆ្មាត្រូវការសារធាតុចិញ្ចឹមដែលមាននៅក្នុងសាច់តែប៉ុណ្ណោះ

ឆ្មាគឺជាសត្វស៊ីសាច់មានន័យថាពួកគេត្រូវការសារធាតុចិញ្ចឹមពីប្រភពសាច់ ចំណែកឆ្កែវិញស៊ីសាច់ផងនិងបន្លែផងទើបចំណីឆ្កែអាចផ្ទុករុក្ខជាតិដូចជា គ្រាប់ធញ្ញជាតិ ពោត និងស្រូវសាលីដែលមិនត្រូវជាមួយប្រព័ន្ធរំលាយអាហារសត្វឆ្មា” ។

២. ឆ្មាត្រូវការខ្លាញ់ច្រើនជាងឆ្កែ

ឆ្មាត្រូវការខ្លាញ់ ៩ ភាគរយ ខណៈឆ្កែត្រូវការត្រឹមតែ ៥.៥ ភាគរយប៉ុណ្ណោះ បើឆ្មាខ្វះខ្លាញ់វាអាចនឹងមានបញ្ហាសុខភាពរួមមាន ស្បែកស្លេក ជ្រុះរោម ភ្នែកព្រិល និងមិនប្រក្រតី ។ 

៣. ឆ្មាមានតម្រូវការអាមីណូងអាស៊ីដខុសគ្នា

ឆ្មាត្រូវការអាមីណូអាស៊ីដ Taurine ដើម្បីដំណើរការសរីរាង្គ ហើយចំណីឆ្កែមិនមានអាស៊ីដនេះទេ ដែលបណ្ដាលឲ្យឆ្មាខ្វាក់ ថ្លង់ ប្រព័ន្ធការពាររាងកាយខ្សោយ និងគាំងបេះដូងជាដើម ។

ដើម្បីប្រាកដចិត្តថាឆ្មាជាទីស្រលាញ់របស់លោកអ្នកទទួលបានជីវជាតិគ្រប់គ្រាន់ អ្នកគប្បីផ្ដល់នូវចំណីធ្វើសម្រាប់ឆ្មាជាពិសេស ឬពិភាក្សាជាមួយគ្រូពេទ្យជំនាញក្នុងការជ្រើសរើសចំណីបានត្រឹមត្រូវ ៕

ប្រែសម្រួល ៖ វារី

ចុចអាន ៖ កូឡុំប៊ី ត្រូវចំណាយប្រាក់រាប់លានដុល្លារ ដឹកជញ្ជូនដំរីទឹករបស់ស្ដេចគ្រឿងញៀនទៅបរទេស