វប្បធម៌ ជំនឿ
សន្និសីទវប្បធម៌អន្តរជាតិ ទស្សនៈអាស៊ាន ពិភាក្សាប្រធានបទសំខាន់ចំនួន ៤ បន្ថែម
កម្ពុជា ជាម្ចាស់ផ្ទះនៃសន្និសីទអន្តរជាតិស្ដីពី “ការការពារ និងទប់ស្កាត់ការចរាចរជួញដូរសម្បត្តិវប្បធម៌ខុសច្បាប់៖ ទស្សនៈពីអាស៊ាន” មានកិច្ចប្រជុំដោយផ្ទាល់ និងតាមរយៈអនឡាញ នៅថ្ងៃទី២ ត្រូវនឹងថ្ងៃទី៦ ខែកញ្ញា ឆ្នាំ២០២២ និងបានធ្វើការពិភាក្សាលើប្រធានបទសំខាន់ចំនួន ៤ មានដូចជា៖
១. ការកសាងទំនាក់ទំនងតាមរយៈការបញ្ជូនត្រឡប់មកវិញនូវសម្បត្តិវប្បធម៌ (Building Bridge through Repatriation)៖ ប្រធានបទនេះពិភាក្សាលើករណីការបញ្ជូនត្រឡប់មកវិញនូវសម្បត្តិវប្បធម៌ ដែលអាចបង្កើនទំនាក់ទំនងវប្បធម៌ និងឱកាសកែតម្រូវកំហុសពីអតីតកាល។ ផ្នែកនេះមានអ្នកជំនាញផ្នែកគ្រប់គ្រង, ផ្នែកសារមន្ទីរ និងអ្នកស្រាវជ្រាវចំនួន ៤ រូបពិភាក្សាគ្នាពីបទពិសោធន៍រៀងៗខ្លួនក្នុងកិច្ចខិតខំប្រឹងប្រែងនាំយកសម្បត្តិវប្បធម៌ត្រឡប់មកវិញ ក្នុងតំបន់អាស៊ីអាគ្នេយ៍។
២. ការការពារសម្បត្តិវប្បធម៌ និងតំបន់រមណីយដ្ឋាន (Safeguarding Collections and Sites)៖ ប្រធានបទនេះមានវាគ្មិនចំនួន ៤ រូបចូលរួម ពិភាក្សាផ្តោតសំខាន់ទៅលើតំបន់អាស៊ីអាគ្នេយ៍ ដ្បិតជាកន្លែងប្រមូលផ្តុំសារមន្ទីរនានាដែលមិនអាចកាត់ថ្លៃបាន។ ជារួមក្នុងគោលបំណងឆ្លើយតបនឹងសំណួរ “តើយើងអាចការពារវត្ថុសិល្បៈពីជនទុច្ចរិត ឱ្យបានកាន់តែល្អដោយរបៀបណា?”
៣. ឱកាសសេដ្ឋកិច្ច និងផលប៉ះពាល់ទេសចរណ៍ (Economic Opportunities and the Impact of Heritage Tourism)៖ ក្នុងផ្នែកនេះ កិច្ចពិភាក្សា ផ្តោតលើការស្វែងរកដំណោះស្រាយវិបត្តិសេដ្ឋកិច្ចដែលបណ្តាលមកពីការរីករាលដាលនៃជំងឺកូវីដ-១៩ ដោយបង្កើតឱកាសសេដ្ឋកិច្ចសម្រាប់ទេសចរណ៍? បេតិកភណ្ឌ?។ ក្នុងផ្នែកនេះមានការចូលរួមពីអ្នកជំនាញផ្សេងៗគ្នាចំនួន៤រូប។
៤. ការទូតវប្បធម៌ និងកិច្ចសហការអន្តរជាតិ (Cultural Diplomacy and International Cooperation)៖ ក្នុងផ្នែកនេះមានវាគ្មិនចំនួន ៦ រូបចូលរួម ដើម្បីពិភាក្សាគ្នាស្វែងរកវិធានការ ធ្វើយ៉ាងណាប្រយុទ្ធប្រឆាំងការជួញ ដូរសម្បត្តិវប្បធម៌ខុសច្បាប់ តាមរយៈការពង្រឹងចំណងការទូត និងកិច្ចសហប្រតិបត្តិការអន្តរជាតិ។
គួរបញ្ជាក់ថា សន្និសីទអន្តរជាតិនេះរៀបចំដោយក្រសួងវប្បធម៌ និងវិចិត្រសិល្បៈ រួមសហការដោយ Antiquities Coalition នៅសហរដ្ឋអាមេរិក ចាប់ពីថ្ងៃទី៥ ដល់ថ្ងៃទី៨ ខែកញ្ញា ឆ្នាំ២០២២ ដើម្បីពិភាក្សា លើការការពារ និងការទប់ស្កាត់ការជួញដូរសម្បត្តិវប្បធម៌ខុសច្បាប់ ដែលកំពុងរងការគម្រាមកំហែងដល់បេតិកភណ្ឌដ៏សម្បូរបែបក្នុងតំបន់អាស៊ីអាគ្នេយ៍, សហគមន៍ក្នុងតំបន់ និងសេដ្ឋកិច្ចជាតិ ដែលជាកត្តាចាំបាច់របស់ប្រជាជននៃតំបន់អាស៊ីអាគ្នេយ៍៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ