វប្បធម៌ ជំនឿ
តើអ្នកដឹងទេ របាំខ្មែរមានប៉ុន្មានប្រភេទ?
របាំខ្មែរ គឺជាសិល្បៈមួយដែលបុព្វបុរសខ្មែរបានបន្សល់ទុកមកសម្រាប់សម្គាល់ពីអត្តសញ្ញាណជាតិតាមរយៈការរាំរបាំក្នុងពិធីផ្សេងៗ។ របាំខ្មែរ ត្រូវបានចែកចេញជា ៣ប្រភេទ គឺរបាំបុរាណ របាំប្រពៃណី និងរបាំប្រជាប្រិយ។
១.របាំបុរាណ
របាំបុរាណ គឺជារបាំដែលមានវ័យចំណាស់មួយ ត្រូវបានបង្កើតឡើងតាំងពីសម័យនគរភ្នំមកម្ល៉េះ។ របាំនេះរាំសម្រាប់ថ្វាយដល់ព្រះមហាក្សត្រ ឬ សម្រាប់ថ្វាយព្រះសេវៈក្នុងជំនាន់មុន ដើម្បីសុំសេចក្តីសុខ ចៀសឆ្ងាយពីគ្រោះធម្មជាតិផ្សេងៗ។ របាំបុរាណខ្មែរ ក៏ជារបាំដែលសម្តែងក្នុងគោលបំណងផ្សេងៗ និងការប្រារព្ធពិធីនានានៅក្នុងសង្គមខ្មែរផងដែរ។ របាំបុរាណខ្មែរនេះ មានដូចជា របាំព្រះរាជទ្រព្យ របាំជូនពរ របាំទេពអប្សរា របាំព្រះថោងនាងនាគ របាំរាមកេរ្តិ៍ របាំយីកេ និងរបាំអាយ៉ៃឆ្លងឆ្លើយ។ល។
២.របាំប្រពៃណី
របាំប្រពៃណី គឺជាប្រភេទរបាំដែលរាំបង្ហាញអំពីអត្តសញ្ញាណនៃប្រពៃណី វប្បធម៌របស់ភូមិស្រុកនីមួយៗដែលប្រជាជនបានរស់នៅ។ របាំនេះ ក៏បានបង្ហាញពីបុព្វហេតុផ្សេងៗដែលពួកគេគិតថា ជាការរំលឹកគុណ និងដឹងគុណចំពោះអ្វីដែលពួកគេបានធ្វើកន្លងមក។ នៅក្នុងរបាំប្រពៃណី មានរបាំប្រហែលច្រើនជាង ៣០របាំបន្ថែមទៀតនៅក្នុងនោះ។ របាំទាំងនោះ មានដូចជា របាំត្រុដិ របាំគោះអង្រែ របាំគោះត្រឡោក របាំកន្តែរ៉ែ របាំច្រូតស្រូវ របាំក្ងោកប៉ៃលិន របាំក្អម របាំព័ទ្ធរ៉ុង របាំកណ្តូបសេះ ។ល។
៣.របាំប្រជាប្រិយ
របាំប្រជាប្រិយ គឺជារបាំដែលត្រូវបានបង្កើតឡើងដោយភាពច្នៃប្រឌិតរបស់ប្រជាជនជាមួយនឹងសំឡេងងតូរ្យតន្ត្រីទំនើប ហើយក៏មានការពេញនិយមខ្លាំងពីគ្រប់ស្រទាប់វណ្ណៈ យកមករាំលេងកម្សាន្តក្នុងកម្មវិធីផ្សេងៗ។ របាំប្រជាប្រិយ ភាគច្រើនគែតែងនិយមលេងនៅតាមផ្ទះនីមួយៗក្នុងកំឡុងពេលឈប់សម្រាក ឬ ជួបជុំបងប្អូនក្នុងឱកាសផ្សេងៗ ដើម្បីបង្កើតបរិយាកាសសប្បាយរីករាយ ជាពិសេស គេសង្កេតឃើញប្រជាជននិយមរាំរបាំប្រជាប្រិយក្នុងឱកាសបុណ្យចូលឆ្នាំខ្មែរ។ របាំប្រជាប្រិយមានច្រើនប្រភេទ ក្នុងនោះ មានដូចជារាំវង់ រាំក្បាច់ លាំលាវ រាំសារ៉ាវ៉ាន់ និងកន្ទ្រឹមជាដើម។
របាំប្រជាប្រិយ គឺងាយស្រួលក្នុងការរាំជាងរបាំផ្សេងៗទៀត ព្រោះមិនចាំបាច់ត្រូវការហាត់សមច្រើន មនុស្សគ្រប់វ័យទាំងក្មេង ទាំងចាស់ អាចចូលរួមលេងជាមួយគ្នាបាន មិនប្រកាន់សម្លៀកបំពាក់ច្រើន អាចស្លៀកសម្លៀកបំពាក់តាមចំណង់ចំណូលចិត្តបាន៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ