សាលាវិចិត្រសិល្បៈ ភូមិភាគសៀមរាប ផ្តល់ការបង្រៀនជំនាញសិល្បៈ ៣ផ្នែក ដោយឥតបង់ថ្លៃ

សាលាវិចិត្រសិល្បៈ ភូមិភាគសៀមរាប ជូនដំណឹងដល់សាធារណជន សិស្សានុសិស្ស ដែលកំពុងសិក្សានៅតាមសាលាចំណេះទូទៅក្នុងខេត្តសៀមរាប ថា សាលាចាប់ផ្តើមផ្តល់ និងទទួលពាក្យចូលរៀនសម្រាប់បវេសនកាលឆ្នាំសិក្សាថ្មី២០២៥-២០២៦ ដោយឥតបង់ថ្លៃ លើជំនាញសិល្បៈ ៣ផ្នែក គឺផ្នែករបាំ ផ្នែកសិល្បៈសូនរូប និងផ្នែកតន្ត្រីបុរាណ។

ចំពោះការបង្រៀនជំនាញសិល្បៈឥតគិតថ្លៃមានដូចជា ១.ផ្នែរបាំ៖ របាំបុរាណ របាំប្រពៃណី និងល្ខោនខោល។ ទី២.ផ្នែកសិល្បៈសូនរូប៖ គំនូរវិចិត្រកម្ម គំនូរពណ៌ទឹក និងគំនូរខ្មៅដៃ។ ទី៣.ផ្នែកតន្ត្រីបុរាណ៖ ខ្លុយ ស្រឡៃ រនាតឯក ទ្រអ៊ូ ទ្រសោ ឃឹម តាខេ រនាតធុង រនាតដែក គងតូច គងធំ និងចាប៉ីដងវែង។ សម្រាប់ម៉ោងសិក្សាត្រូវចែកជា ២វេន គឺវេនព្រឹកចាប់ពីម៉ោង ៧ ដល់ម៉ោង ១១ព្រឹក ចំណែក វេនរសៀល ចាប់ពីម៉ោង១ ដល់ម៉ោង៥ល្ងាច។

រយៈពេលសិក្សាមាន ១ឆ្នាំ, ២ឆ្នាំ, ៣ឆ្នាំ, ៦ឆ្នាំ, ៩ឆ្នាំ បន្ទាប់បីរៀនចប់ អ្នកសិក្សាទទួលបានសញ្ញាបត្រដូចជា វិញ្ញាបនបត្រសិល្បៈ សញ្ញាបត្រសិល្បៈ ស្នាតកបត្រសិល្បៈ។

ជាមួយគ្នានេះ សាលា អំពាវនាវលើកទឹកចិត្តដល់មាតាបិតា អាណាព្យាបាលសិស្សានុសិស្ស ដែលមានបំណងចង់ចុះឈ្មោះចូលរៀន នៅសាលាវិចិត្រសិល្ប: ភូមភាគសៀមរាប អាចទាក់ទងព័ត៌មានតាមលេខទូរស័ព្ទ 092 26 69 25 (Telegram) 088 82 20 170 , 010 47 64 94 ៕