សេដ្ឋកិច្ច

តម្លៃប្រេងម៉ាស៊ូតកើនឡើងវិញ ខណៈប្រេងសាំងធ្លាក់ចុះបន្តិច

បានផុស

១៨ វិនាទី មុន

នៅ

ថ្ងៃអង្គារ ១៤ កក្កដា ២០២៦

ដោយ

តម្លៃប្រេងម៉ាស៊ូតលក់រាយក្នុងស្រុកបានកើនឡើងវិញដោយលក់ចេញក្នុងតម្លៃ ៤៣០០ រៀល ក្នុងមួយលីត្រ នៅថ្ងៃអង្គារទី ១៤ កក្កដា ២០២៦ កើនពី ៤១០០ រៀល ក្នុងមួយលីត្រ ធៀបនឹងសប្ដាហ៍មុន ខណៈប្រេងសាំងធ្លាក់ចុះបន្តិច នៅ ៣៩០០ រៀល ក្នុងមួយលីត្រ ចុះពី ៣៩៥០ ក្នុងមួយលីត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងពាណិជ្ជកម្មបានប្រកាសថា តម្លៃប្រេងឥន្ធនៈនេះ នឹងអនុវត្តចាប់ពីថ្ងៃទី ១៤ កក្កដា ២០២៦ រហូតដល់ពេលជូនដំណឹងថ្មី។

រាជរដ្ឋាភិបាលបានបន្តបញ្ចុះតម្លៃប្រេងចំនួន ៦,៥ សេនដុល្លារ ក្នុងមួយលីត្រ ក្នុងគោលបំណងជួយសម្រួលជីវភាពរបស់ប្រជាពលរដ្ឋ, បញ្ចុះតម្លៃ១សេនដុល្លារ បន្ថែមទៀតក្នុងមួយលីត្រ នៅពេលដែលប្រេងសាំងអន្តរជាតិកើនលើសពី៩០ដុល្លារ ក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល, បញ្ចុះពន្ធនាំចូលដល់សូន្យ និងបញ្ចុះអាករលើតម្លៃបន្ថែមលើប្រេងសាំង និងប្រេងម៉ាស៊ូត ដល់សូន្យ។

បញ្ចុះអាករពិសេសលើប្រេងសាំងពី ៣០% មក ១៥% និងប្រេងម៉ាស៊ូតពី ៤% មក ០ និងបញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូតពី ១០% មកសូន្យ៕

អត្ថបទ៖ ឡេង ដេត