សេដ្ឋកិច្ច
កសិករចិញ្ចឹមកង្កែប អាចរកប្រាក់ចំណូលដោះស្រាយជីវភាពគ្រួសារបានល្អប្រសើរ
កសិករនៅ ក្នុងខេត្តស្ទឹងត្រែងចិញ្ចឹមកង្កែបលក់សម្រាប់បង្កើនប្រាក់ចំណូលបន្ថែមដល់ជីវភាពគ្រួសារ ប្រចាំថ្ងៃបានយ៉ាងល្អប្រសើរ។
អ្នកចិញ្ចឹមកង្កែបនៅក្នុងខេត្តស្ទឹងត្រែងមានចំនួនមិនច្រើនប៉ុន្មានទេ ក៏ប៉ុន្តែកសិករចិញ្ចឹមកង្កែបលក់លើកឡើងថា មុខរបរមួយនេះងាយស្រួលឆាប់ទទួលបានផល និងបង្កើនប្រាក់ចំណូលដល់ជីវភាពគ្រួសារឱ្យកាន់តែធូរធារ។
ម្យ៉ាងទៀត ទីផ្សារលក់សាច់កង្កែបក្នុងខេត្តស្ទឹងត្រែងមានអ្នកបញ្ជាទិញមិនខ្វះឡើយ។
លោក សុខ ធី កសិករចិញ្ចឹមកង្កែបនៅ ភូមិបានម៉ៃឃុំកំភុន ស្រុកសេសានខេត្តស្ទឹងត្រែងបានរៀបរាប់ថា មុខរបរចិញ្ចឹមកង្កែបឆាប់ទទួលបានផលត្រឹមតែមួយខែកន្លះទៅ ២ខែ និងអាចលក់បានហើយវាងាយស្រួលជាងចិញ្ចឹមជ្រូក និងចិញ្ចឹមគោ នេះជាការយល់ឃើញរបស់លោក។
លោកបន្តថាការចិញ្ចឹមកង្កែបរបស់លោកគឺចេះបន្តពីគ្នាមិនទាន់ត្រូវតាមស្តង់ដារ បច្ចេកទេសនៅឡើយ លោកសុំឲ្យខាងជំនាញពាក់ព័ន្ធផ្ដល់មធ្យោបាយ ឬបច្ចេកទេសដល់អ្នកចិញ្ចឹមកង្កែបដើម្បីឈានទៅរកភាពជោគជ័យ។
លោកស្រីសមវិចិត្រនាយខណ្ឌជលផលស្ដីទីខេត្តស្ទឹងត្រែងបានជំរុញដល់អ្នកចិញ្ចឹមត្រីនិងកង្កែបក្នុងខេត្តស្ទឹងត្រែងឱ្យដាក់គោលដៅច្បាស់លាស់ពង្រីកកាន់តែធំ។
ករណីអ្នកចិញ្ចឹមកង្កែបនៅមិនទាន់យល់ច្បាស់ពីបច្ចេកទេសអាចទំនាក់ទំនងមកខាងមន្ត្រីជំនាញខណ្ឌជលផលខេត្តបាន។
លោកនាយខណ្ឌបានពន្យល់ថា ការចិញ្ចឹមកង្កែបមានវិធីច្រើនយ៉ាងអាចធ្វើទៅបានដោយយោងតាមទំហំដីតូចធំនឹងរៀបជាអាងឬតង់ជាដើម។
លោកបន្តថាកង្កែបដែលកសិករចិញ្ចឹមភាគច្រើនអាចជាកង្កែបផលិតក្នុងស្រុក កង្កែបដែលយកមកចិញ្ចឹម ឬបង្កាត់ គេដាក់ឈ្មោះថា កង្កែបមាឌធំ ឬកង្កែបកូប ឬកង្កែបអូប ដែលមានឈ្មោះជាភាសារអង់គ្លេសថា Rana tigrina។
បច្ចុប្បន្ននៅក្នុងខេត្តស្ទឹងត្រែងពុំទាន់មានការចិញ្ចឹមកង្កែបដែលមានលក្ខណៈទ្រង់ទ្រាយធំដូចតាមបណ្ដាខេត្តដទៃទៀតនៅឡើយ។ខេត្តស្ទឹងត្រែងមានអ្នកចិញ្ចឹមកង្កែបមិនដល់ ១០ គ្រួសារផង។
លោកនាយខណ្ឌថានៅចំពោះមុខពេលដែលមជ្ឈមណ្ឌលស្រាវជ្រាវនិងផលិតពូជវ៉ារីសាស្រ្តមេគង្គលើនឹងដាក់សម្ពោធឲ្យប្រើប្រាស់ជាផ្លូវការហើយនោះ ខណ្ឌរដ្ឋបាលជលផលខេត្តស្ទឹងត្រែង នឹងជំរុញដល់កសិករដែលចិញ្ចឹមកង្កែបឱ្យកាន់តែច្រើនឡើងដើម្បីតម្រូវការទីផ្សារ។
លោក ស្រី សមវិចិត្ រនាយខណ្ឌជលផលបាននិយាយថា សព្វថ្ងៃកង្កែបលក់នៅលើទីផ្សារក្នុងមួយគីឡូក្រាមមានតម្លៃចាប់ពី ១០០០០ ទៅ ១៥០០០ រៀល ពេលដែលកន្លែងបង្កាត់ពូជត្រី សម្ភោធឱ្យប្រើប្រាស់ជាផ្លូវការហើយនោះ កសិករអាចមកសិក្សាជាក់ស្ដែងនឹងទទួលទិញកូន ដែលមានតម្លៃទាបជាងទីផ្សារយកទៅអនុវត្តជាក់ស្តែងនិងងាយជោគជ័យ៕
អត្ថបទ៖ ងិនលីម
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ