សេដ្ឋកិច្ច
អ្នកវិភាគយល់ឃើញថា ទណ្ឌកម្មប្រេងធ្វើឲ្យរុស្ស៊ីឈឺចាប់ជាងអឺរ៉ុប
បន្ទាប់ពីស្ទាក់ស្ទើរមួយរយៈពេល សហភាពអឺរ៉ុបបានសម្រេចដាក់ទណ្ឌកម្មក្នុងការហាមឃាតនាំចូលប្រេងរុស្ស៊ីហើយ។ ជំនួសវិញដោយប្រេងឆៅ Urals ជាមួយប្រេងឆៅ Brent ដែលមានតម្លៃខ្ពស់នឹងប៉ះពាល់ដល់ការចំណាយរបស់ពលរដ្ឋអឺរ៉ុប។
ទោះជាយ៉ាងណាក៏ដោយ ចំណាត់ការនេះនឹងកាត់បន្ថយប្រភពចំណូលនៃការនាំចេញច្រើនបំផុតរបស់រដ្ឋាភិបាលក្រុងមូស្គូ និងជួយបង្អាក់ក្បាលម៉ាស៊ីសង្គ្រាមរបស់លោកប្រធានាធិបតី វ្លាឌីមៀរ ពូទីន។
កញ្ចប់ទណ្ឌកម្មថ្មីរបស់ប្លុកអឺរ៉ុបដែលត្រូវបានសម្រេចដោយមេដឹកនាំអឺរ៉ុបកាលពីល្ងាចថ្ងៃអង្គារ៍ នឹងហាមឃាតជាបន្ទាន់នូវចំនួន៧៥%នៃការនាំចេញប្រេងឆៅរុស្ស៊ីទៅកាន់អឺរ៉ុបតាមរយៈនាវា។ ចំនួននេះនឹងកើនឡើងដល់៩០%នៅបំណាច់ឆ្នាំ។ ទណ្ឌកម្មផ្នែកខ្លះត្រូវបានលើកលែងដល់ប្រទេសហុងគ្រី និងប្រទេសមួយចំនួនទៀតដែលនៅត្រូវការប្រេងរុស្ស៊ីតាមរយៈបំពងបញ្ជូន។
ការអនុវត្តមិនស្មើគ្នានៃទណ្ឌកម្មដ៏មានឥទ្ធិពលបំផុតរបស់អឺរ៉ុបគឺមិនល្អមើលនោះទេ។ ជាលទ្ធផលនឹងជំរុញឲ្យតម្លៃប្រេងនៅអឺរ៉ុបឡើងថ្លៃកាន់តែខ្ពស់សម្រាប់អ្នកប្រើប្រាស់ដែលកំពុងវេទនាស្រាប់ផង។
ក្រុមហ៊ុន Rystad Energy បាននិយាយថា សហភាពអឺរ៉ុបបានកំពុងនាំចូលប្រេងរុស្ស៊ីចន្លោះពី៣ ទៅ ៣.៧លានបារ៉ែលក្នុងមួយៗថ្ងៃ។ ជំនួសវិញនូវចំនួន៧៥%នៃប្រេង Brent ដែលមួយបារ៉ែលតម្លៃ១២០ដុល្លារ ដូច្នេះមានន័យថា អឺរ៉ុបត្រូវការចំណាយតម្លៃបន្ថែមហោចណាស់២ប៊ីលានដុល្លារក្នុងមួយខែ។
ប៉ុន្តែការដាក់ទណ្ឌកម្មនៅតែមានសារសំខាន់។ ការនាំចេញប្រេងឆៅ និងឧស្ម័នធម្មជាតិរបស់រុស្ស៊ីមានចំនួនដល់១១០ប៊ីលានដុល្លារ ច្រើនជា១ភាគ៥នៃការនាំចេញទំនិញទាំងមូលរបស់រដ្ឋាភិបាលទីក្រុងមូស្គូកាលពីឆ្នាំ២០២១។
អ្នកវិភាគ RBC បានលើកឡើងថា បើទោះបីជាប្រេងអាចត្រូវបានដឹកជញ្ជូនស្រួលជាងឧស្ម័នទៅកន្លែងផ្សេង ក៏រុស្ស៊ីនឹងជួបការលំបាកក្នុងការជំនួសពេញលេញវិញចំពោះការនាំចេញទៅកាន់អឺរ៉ុបដែលបាត់បង់ទាំងនោះ។ ប្រទេសឥណ្ឌាបានកំពុងទិញប្រេងឆៅរុស្ស៊ីដែលបញ្ចុះតម្លៃនូវចំនួនជាប់កំណត់ត្រាថ្មី ប៉ុន្តែកំពុងដំណើរការរោងចក្រចម្រាញ់ប្រេងរបស់ខ្លួនលើសពីសមត្ថភាពផ្លូវការរបស់ពួកគេថែមទៀត។
ចំពោះប្រទេសចិនមិនទាន់បានបង្កើនការនាំចូលនៅឡើយទេ ប៉ុន្តែសេដ្ឋកិច្ចរបស់ប្រទេសនេះមិនសូវមានសន្ទុះឡើយ បន្ទាប់ពីដាក់បំរាមបិទខ្ទប់កូវីដ-១៩។ ហើយទណ្ឌកម្មអឺរ៉ុបនឹងរារាំងដល់នាវាដឹកជញ្ជូនមិនមែនរបស់រុស្ស៊ីពីការដឹកជញ្ជូនប្រេងឆៅរបស់រុស្ស៊ី។
រុស្ស៊ីអាចរកចំណូលបានយ៉ាងហោចណាស់៨.១ប៊ីលានដុល្លារក្នុងមួយៗខែពីការនាំចេញប្រេងចំនួន៣លានបារ៉ែលក្នុងមួយថ្ងៃទៅអឺរ៉ុបក្នុងតម្លៃប្រេងឆៅ Urals បច្ចុប្បន្ន។
អ្នកវិភាគ Rystad បាននិយាយថា ទីក្រុងមូស្គូប្រហែលជាអាចប្តូរទិសដៅល្អបំផុត១លានបារ៉ែលដែលបានកំណត់ពីមុនសម្រាប់អឺរ៉ុប ដោយបញ្ជាក់ថា ការនាំចេញ២លានបារ៉ែលនឹងធ្លាក់ចុះយ៉ាងរហ័សដល់១.៧៥លានបារ៉ែល។
នោះមានន័យថា រុស្ស៊ីនឹងបាត់បង់ចំណូលហោចណាស់ ៣.៤ប៊ីលានដុល្លារក្នុងមួយខែក្នុងដំណាក់កាលដំបូងនៃទណ្ឌកម្ម ឬជាង៤០%នៃលទ្ធផលប្រចាំខែតាមការប៉ាន់ស្មានរបស់ទីក្រុងមូស្គូចំពោះការនាំចេញទៅអឺរ៉ុប។
ការបាត់បង់នោះអាចឡើងហោចណាស់ដល់៤.៥ប៊ីលានដុល្លារក្នុងមួយខែនៅពេលទណ្ឌកម្មរបស់អឺរ៉ុបចាប់ផ្តើមពេញលេញ។ ដូច្នេះមានន័យថា ទណ្ឌកម្មប្រេងធ្វើឲ្យប្រទេសរុស្ស៊ីឈឺចាប់ជាងអឺរ៉ុប៕
ប្រែសម្រួល៖ វីរបុត្រ
ប្រភព៖ Reuters
អេឡុន ម៉ាសក៍ ប្រកាសធ្វើការ ៧ ថ្ងៃ/សប្ដាហ៍ ក្រោយការលក់ Tesla ធ្លាក់ចុះគំហុក
អាជ្ញាធរខណ្ឌដូនពេញផ្លាស់ប្តូរប្រព័ន្ធលូថ្មី ប្រវែងជាង ២០០ម៉ែត្រ ក្នុងមូលដ្ឋានសង្កាត់ផ្សារកណ្តាលទី២
កម្ពុជា-វៀតណាម រួមគ្នាជំរុញកំណើនពាណិជ្ជកម្មទ្វេភាគីក្នុងអាស៊ានឱ្យឈានដល់ ២០ ប៊ីលានដុល្លារ
លោក ឈាង រ៉ា៖ អ្នកមានវិជ្ជាជីវៈសុខាភិបាល មិនត្រឹមតែមានចំណេះ ជំនាញប៉ុណ្ណោះទេ ប៉ុន្តែត្រូវមានគុណធម៌
ស្តង់ពិព័រណ៍ម្ហូបអាហារត្រូពិចអន្តរជាតិហៃណានលើកទី៣ នឹងបញ្ចុះតម្លៃ ៥០% ដល់ពាណិជ្ជករកម្ពុជា
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៩ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ២០ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន