សេដ្ឋកិច្ច
រាជរដ្ឋាភិបាល កាត់បន្ថយភាពក្រីក្របាន៣,៤% តាមរយៈកម្មវិធីឧបត្ថម្ភប្រាក់ដល់គ្រួសារងាយរងគ្រោះពីវិបត្តិកូវីដ
កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ ១៩ បានកាត់បន្ថយអត្រាភាពក្រីក្របានប្រមាណ ២,៧ ភាគរយ ក្នុងឆ្នាំ ២០២០ និង ៣,៤ ភាគរយ ក្នុងឆ្នាំ ២០២១។ នេះបើតាមរបាយការណ៍វាយតម្លៃរបស់រាជរដ្ឋាភិបាល។
ក្រុមប្រឹក្សាជាតិគាំពារសង្គម បានឱ្យដឹងថា លទ្ធផលនៃការវាយតម្លៃនេះបង្ហាញថា កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ ១៩ បានផ្តល់ផលវិជ្ជមានជាច្រើន។ កម្មវិធីនេះបានចូលរួមចំណែកសម្រួលជីវភាពរបស់គ្រួសារក្រីក្រឱ្យរួចផុតពីការធ្លាក់ចូលទៅក្នុងបញ្ហាអសន្តិសុខស្បៀង បំណុល ការលក់ទ្រព្យសកម្មរបស់គ្រួសារ និងបានសម្រួលបន្ទុកចំណាយរបស់គ្រួសារ ពិសេសចំណាយលើម្ហូបអាហារ ថ្នាំសង្កូវ និងការអប់រំកូនចៅ។
កម្មវិធីនេះក៏បានរួមចំណែកក្នុងការកាត់បន្ថយអត្រានិកម្មភាពចំនួន ០,៥៧ ភាគរយក្នុងឆ្នាំ ២០២០ និង ០,៦២ ភាគរយ ក្នុងឆ្នាំ ២០២១ និងកាត់បន្ថយអត្រាភាពក្រីក្របានប្រមាណ ២.៧ ភាគរយ ក្នុងឆ្នាំ ២០២០ និង ៣,៤ ភាគរយក្នុងឆ្នាំ ២០២១។
បើតាមសេចប្រកាសព័ត៌មានរបស់ក្រុមប្រឹក្សាជាតិគាំពារសង្គម បានឱ្យដឹងថា កម្មវិធីនេះត្រូវបានដាក់ឱ្យដំណើរការកាលពីឆ្នាំ ២០២០ ដែលមានគោលបំណងផ្តល់ការគាំទ្រ និងសម្រួលជីវភាពគ្រួសារក្រីក្រ និងងាយរងគ្រោះដែលមានបណ្ណសមធម៌ប្រមាណជាង ៦៨ ម៉ឺនគ្រួសារ។
ក្រោយពីបានអនុវត្តរយៈពេលប្រមាណ ២ ឆ្នាំ កម្មវិធីនេះបានចំណាយថវិកាសរុបប្រមាណជាង ៧០០ លានដុល្លារ ដោយទទួលបានការសាទរពីអ្នកទទួលផល ដៃគូអភិវឌ្ឍន៍ អង្គការសង្គមស៊ីវិលជាតិ-អន្តរជាតិ និងប្រជាពលរដ្ឋទូទៅ។
កាលពីថ្ងៃទី ២៧ ខែកក្កដា លោក ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានសម្ពោធផ្សព្វផ្សាយរបាយការណ៍វាយតម្លៃការអនុវត្តកម្មវិធីឧបត្ថម្ភសាច់ប្រាក់នេះនៅសណ្ឋាគារសូហ្វីតែលភូគីត្រាភ្នំពេញ៕
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ