សេដ្ឋកិច្ច
មកដឹងពីចំនួនប្រាក់ខែ ដែលត្រូវជាប់ពន្ធ នៅកម្ពុជា
ពន្ធលើប្រាក់បៀវត្ស (Tax on salary) គឺជាពន្ធប្រចាំខែកំណត់លើប្រាក់បៀវត្ស ដែលរូបវន្តបុគ្គលបានទទួលក្នុងក្របខណ្ឌនៃការ បំពេញសកម្មភាពបម្រើការងារ។ សហគ្រាសដែលជានិយោជក ត្រូវមានកាតព្វកិច្ចកាត់ទុកពន្ធលើប្រាក់បៀវត្សនៅមុនពេល បើកប្រាក់បៀវត្សឱ្យដល់និយោជិត និងបង់ប្រាក់ពន្ធនេះជូនរដ្ឋបាលសារពើពន្ធ។
ពាក់ព័ន្ធនឹងពន្ធលើប្រាក់បៀវត្សនេះ លោក គង់ វិបុល អគ្គនាយកនៃអគ្គនាយកដ្ឋានពន្ធដារ បានឱ្យដឹងថា បច្ចុប្បន្ននេះ ប្រាក់ខែបុគ្គលិកចាប់ពី ១លាន ៣សែនរៀល ឡើងទៅគឺមានកតព្វកិច្ចបង់ពន្ធជូនរដ្ឋ។ មានន័យថា នយោជិត បុគ្គលិក កម្មករទាំងអស់ ដែលមានប្រាក់ខែក្រោម ១លាន៣សែនរៀល ពន្ធស្មើនឹងសូន្យ។
លោក គង់ វិបុល បានពន្យល់ថា ចំពោះប្រាក់ខែដែលលើសពីតួលេខខាងលើ ត្រូវគុណតាមកាំដែលបានកំណត់ក្នុងរូបមន្ត។ លោកលើកជាឧទាហរណ៍ថា ប្រាក់ខែចាប់ពី ១លាន៣សែនរៀល ទៅ ២លានរៀល គឺត្រូវជាប់ពន្ធ ពោលគឺយក ២លាន ដក១លាន ៣សែនរៀល នៅសល់ ៧សែនរៀល ត្រូវគុណនឹង ៥ភាគរយ។ លោកថ្លែងបន្តថា «បើប្រាក់ខែ ២លានរៀលឡើងដល់ ៨លាន៥សែនរៀល គណនារួចហើយ គឺត្រូវជាប់ពន្ធ ១០ភាគរយ»។
ចាប់ពី ៨លាន ៥សែនរៀល ទៅ ១២លាន ៥សែន ជាប់ពន្ធ ១៥ភាគរយ និងចាប់ពី ១២លាន ៥សែនរៀល ឡើងទៅ ត្រូវជាប់ពន្ធ ២០ភាគរយ។ លោក គង់ វិបុល បញ្ជាក់បែបនេះ នៅក្នុងកម្មវិធី «ពន្ធដារកម្ពុជា» ប្រធានបទស្តីពី «ការយល់ដឹងអំពីពន្ធដារ» កាលពីថ្ងៃទី២១ ខែកញ្ញា។
អគ្គនាយកដ្ឋានពន្ធដារ បានបញ្ជាក់ថា ប្រសិនបើសាធារណជនចង់ដឹងកាន់តែច្បាស់ថែមទៀត អាចដោនឡូដ App ឈ្មោះថា Cambodia Salary Tax តាមរយៈស្មាតហ្វូន ដើម្បីគណនាអំពីអត្រាកាត់ពន្ធប្រាក់ខែរបស់លោកអ្នកកាន់តែច្បាស់៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង