GDP របស់ វៀតណាម កើនឡើង ១៣.៦៧ ភាគរយក្នុងត្រីមាសទី ៣

យោងតាមការិយាល័យស្ថិតិជាតិវៀតណាម (GSO) បានឲ្យដឹងថា ផលិតផលជាតិសរុបរបស់វៀតណាម (GDP) កើនឡើងដល់ ១៣.៦៧ ភាគរយនៅក្នុងត្រីមាសទី ៣ ក្នុងឆ្នាំ ២០២២ នេះ ។

ក្នុងនោះ វិស័យឧស្សាហកម្ម និងសំណង់របស់វៀតណាមមានកំណើន ៩.៤៤ ភាគរយក្នុងរយៈពេល ៩ ខែ ស្របពេលដែលវិស័យសេវាកម្មកើនចំនួន ១០.៥៧ ភាគរយចាប់ពីខែមករាដល់ខែកញ្ញា ។

ទោះយ៉ាងណា ការកើនឡើងបែបនេះគឺស្ថិតនៅក្នុងកម្រិតទាបនៅឡើយ បើប្រៀបទៅនឹងឆ្នាំចាស់ក្នុងរយៈពេលដូចគ្នា ដោយសារតែបញ្ហាកូវីដ ១៩ បានប៉ះពាល់លើផលិតកម្ម និងអាជីវកម្ម ។

ពាក់ព័ន្ធនឹងបញ្ហានេះដែរ ប្រធាននៃ GSO លោក Nguyen Thi Huong បាននិយាយថា ម៉ាក្រូសេដ្ឋកិច្ចរបស់វៀតណាមគឺរក្សាបានលំនឹង  ហើយអតិផរណាក្នុងប្រទេសក៏ត្រូវបានគ្រប់គ្រងទាំងស្រុងផងដែរ ដែលជាអំណោយផលមួយសម្រាប់ការអនុវត្តគោលនយោបាយរបស់រដ្ឋាភិបាលក្នុងការស្តារសេដ្ឋកិច្ចសង្គមឡើងវិញ ក្រោយជំងឺកូវីដ ១៩៕

ប្រែសម្រួលដោយ ៖ នាង រតនៈ

ប្រភព ៖ Xinhua

ចុចអាន ៖ លុយយ័ន ចិន ធ្លាក់ថ្លៃដល់កម្រិតទាបបំផុតមិនធ្លាប់មាន ចាប់តាំងពីឆ្នាំ​ ២០០៨