សេដ្ឋកិច្ច
អ្នកសេដ្ឋកិច្ច ឯកភាពការព្យាករសេដ្ឋកិច្ចកម្ពុជា ៤,៨% ឆ្នាំនេះ របស់ធនាគារពិភពលោក
ធនាគារពិភពលោក (World Bank) បានព្យាករជាថ្មីម្តងទៀត ដោយបានដំឡើងអត្រាកំណើន សេដ្ឋកិច្ចកម្ពុជា ពី ៤,៥ ភាគរយ ទៅ ៤,៨ ភាគរយ នៅក្នុងឆ្នាំ២០២២ និងបានព្យាករថា ឆ្នាំ២០២៣ មានកំណើន ៥,២ ភាគរយ។
លោក បណ្ឌិត ហុង វណ្ណៈ បានឯកភាពចំពោះការព្យាកររបស់ធនាគារពិភពលោកនេះ។ លោកយល់ស្របនឹងការព្យាករនេះ ដោយសារពិនិត្យលើលទ្ធភាពកម្រិតនៃការនាំចេញរបស់កម្ពុជា មានកំណើនខ្ពស់ ជាពិសេសការនាំចេញទៅប្រទេសសហរដ្ឋអាមេរិក និងទៅអឺរ៉ុប ដូចជា សម្លៀកបំពាក់ សម្ភារៈធ្វើដំណើរ និងកង់ជាដើម មានសម្ទុះកើនឡើងច្រើនរហូតដល់ជាង ២០ភាគរយ។ ដោយឡែក វិស័យសារពើពន្ធ ក៏ប្រមូលចំណូលបានលើសផែនការកំណត់ នៅឆ្នាំ ២០២២នេះ ។ ចំណែកដំណើរការអាជីវកម្ម និងសកម្មភាពសេដ្ឋកិច្ចសង្គមរបស់ប្រជាពលរដ្ឋខ្មែរ មានស្ថានភាពល្អប្រសើរច្រើន។ ជាក់ស្តែងដូចជាកំណើនក្នុងវិស័យទេសចរណ៍ មានពលរដ្ឋធ្វើដំណើរកម្សាន្តច្រើន រួមទាំងការហូរចូលនូវវត្តមានទេសចរអន្តរជាតិ ដែលបង្ហាញពីចរន្តសេដ្ឋកិច្ចតាមរយៈការចាយវាយរបស់ភ្ញៀវទេសចរ។
ជាមួយគ្នានេះ វិស័យសំណង់បច្ចុប្បន្ន ក៏មានការរីកដុះដាលគួរកត់សម្គាល់ ដោយមានការសាងសង់ជាបន្តបន្ទាប់។ ទន្ទឹមនេះវិស័យអចលទ្រព្យ ក៏មានចរន្តទិញលក់ ដោយរក្សាបានលំនឹងសេដ្ឋកិច្ចសង្គម។ នេះជាការបន្ថែមរបស់លោកបណ្ឌិត ហុង វណ្ណៈ។
លើសពីនេះទៀត លោកបណ្ឌិត បានលើកឡើងថា វិស័យឧស្សាហកម្មនៅកម្ពុជា ក៏ដំណើរការល្អ ដោយមានការផលិតសម្ភារៈប្រើប្រាស់ផ្សេងៗ និងវិស័យ SME បានរួមចំណែកសំខាន់ ផលិតនំចំណី ជាដើម។ ចំណែកឧស្សាហកម្មរ៉ែមាស ជាប្រភពនៃចំណូលសួយសារពិសេស ដែលអាចរកប្រាក់ចំណូលចាក់ចូលក្នុងសេដ្ឋកិច្ចជាតិផងដែរ។
យោងតាមរបាយការណ៍របស់ ធនាគារពិភពលោក ចេញផ្សាយនាថ្ងៃទី២៧ ខែកញ្ញា បាន ព្យាករជាថ្មីម្តងទៀតថា នៅឆ្នាំ ២០២២ កំណើនសេដ្ឋកិច្ចកម្ពុជា នឹងកើនដល់ ៤,៨ភាគរយ និងឆ្នាំ២០២៣ មានកំណើន ៥,២ ភាគរយ។ កាលពីខែមិថុនា ឆ្នាំ២០២២ កន្លងទៅ ធនាគារពិភពលោក បានព្យាករសេដ្ឋកិច្ចកម្ពុជា នៅឆ្នាំនេះ មានកំណើនត្រឹម ៤,៥ ភាគរយ ប៉ុន្ដែនៅពេលនេះ បានដំឡើងអត្រាកំណើននេះ រហូតដល់ ៤,៨%។
ដោយឡែក នាពេលថ្មីៗនេះ ធនាគារអភិវឌ្ឍន៍អាស៊ី (ADB) ក៏បានចេញការព្យាករនូវកំណើន សេដ្ឋកិច្ចកម្ពុជា នៅក្នុងឆ្នាំ២០២២ មានកំណើន ៥,៣% ប៉ុន្តែបានបន្ទាប ការព្យាករ អត្រាកំណើន នៅឆ្នាំ២០២៣ ពី ៦,៥% មកនៅត្រឹម ៦,២% ដោយសារការចុះខ្សោយ នៃកំណើនសេដ្ឋកិច្ចពិភពលោក។
ចំពោះរាជរដ្ឋាភិបាលកម្ពុជាវិញ សម្រាប់ឆ្នាំ២០២២ ត្រូវបានព្យាករថា កំណើនសេដ្ឋកិច្ច នឹងអាចសម្រចបានក្នុងរង្វង់ ៥,៤% ដោយផ្អែកលើកំណើន នៃតម្រូវការក្រៅប្រទេស និងការកើនឡើងវិញ នៃការវិនិយោគទាំងក្នុងប្រទេស និងក្រៅប្រទេស៕
-
ព័ត៌មានអន្ដរជាតិ១ សប្តាហ៍ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៧ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានអន្ដរជាតិ៦ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ជីវិតកម្សាន្ដ៣ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៦ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ៣ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ