សេដ្ឋកិច្ច
លោកឧកញ៉ា ហៃ លីអ៊ាង៖ CONFIREL លើកកម្ពស់ផលិតផលខ្មែរ នាំចេញទំនិញច្រើនមុខទៅទីផ្សារអន្តរជាតិ
ក្រុមហ៊ុន CONFIREL បានកែច្នៃផលិតផលស្ករត្នោត ស្ករសេរ៉ូ ស្វាយ ស្វាយសម្ងួត ស្វាយរមូរ ស្វាយក្រៀប ម្រេចគ្រាប់ ម្រេចខ្មៅ ក្រហម ស ទឹកម្រេច តែម្រេច ម្រេចជ្រក់ និងផលិតផលសុខភាពជាច្រើនទៀត ទៅកាន់ទីផ្សារអន្តរជាតិ ដូចជា ទីផ្សារប្រទេសបារាំង អាល្លឺម៉ង់ អាមេរិក ជប៉ុន កូរ៉េ ចិន វៀតណាម កាហ្សាក់ស្តង់ និងទៅប្រទេសអាហ្វ្រិកជាង ១០ប្រទេសទៀត។ លើសពីនេះទៀត ផលិតផលស្រាជយយ៉ា ស្រាជយយាក ដែលផលិតតាមបែបប្រវត្តិសាស្រ្តខ្មែរសម័យអង្គរ ក៏ទទួលបានការគាំទ្រជាច្រើនផងដែរនៅលើទីផ្សារអន្តរជាតិ។ នេះបើតាមការបញ្ជាក់របស់លោកឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាសផលិតឱសថប៉េប៉េ អឹម និងជាប្រធានក្រុមហ៊ុន CONFIREL។
លោកឧកញ៉ា ហៃ លីអ៊ាង បានបន្តថា «ផលិតផលយើងឆ្លើយតបតម្រូវការ និងការចង់បានរបស់អន្តរជាតិ ដោយក្នុងនោះ ផលិតផលអត្តសញ្ញាណរបស់យើង ដូចជា ផលិតផលស្ករត្នោត ស្វាយក្រៀបជាដើម ដោយយើងគោរពនូវលក្ខណៈបរិស្ថាន អនុវត្តវិលជុំ និងយូរអង្វែង ហើយផលិតផលយើងមានគុណភាពល្អ និងរស់ជាតិឆ្ងាញ់»។
បើលោកឧកញ៉ា ហៃ លីអ៊ាង ផលិតផលដែលផលិតចេញពីក្រុមហ៊ុន Confirel គឺបានជួយលើវិស័យកសិកម្មក្នុងស្រុក ពោលគឺវត្ថុធាតុដើមផលិតចេញពីស្នាដៃកសិករខ្មែរសុទ្ធសាធ។ «យើងមិនបានវាយតម្លៃអំពីសង្វាក់ផលិតកម្មដែលយើងធ្វើថា បានជួយផ្តល់ចំណូល និងការងារដល់ពលរដ្ឋ និងកសិករប៉ុន្មាននោះទេ តែយើងដឹងថា មានច្រើន ពិសេសគឺយើងបាននាំយកអត្តសញ្ញាណផលិតផលខ្មែរ ដូចជា ស្ករត្នោតឱ្យអន្តរជាតិស្គាល់។ បើក្រឡេកទៅមើលកាលពីឆ្នាំ ២០០១ តម្លៃស្ករត្នោត ១គីឡូ ៥០០រៀល តែឥឡូវនេះ យើងបានឡើង ១ម៉ឺនរៀល ក្នុងមួយគីឡូ ហើយមិនមានស្ករត្នោតផ្គត់ផ្គង់គ្រប់គ្រាន់ទៀត»។
តាមរយៈផលិតផលដែលផលិតចេញពីក្រុមហ៊ុន CONFIREL នេះ ធ្វើឱ្យគេគាំទ្រ និងស្គាល់ វប្បធម៌ គុណភាពផលិតផលយើង លើទីផ្សារអន្តរជាតិ។ លើសពីនេះទៀត សង្វាក់នៃការផលិតកាន់តែកើនឡើងសម្រាប់នាំចេញទៅក្រៅប្រទេស គឺជាផ្នែកមួយជួយកំណើនសេដ្ឋកិច្ចប្រទេសយើង ពិសេសជួយចរាចរណ៍ពីថ្នាក់លើរហូតដល់ក្រោម ពោលគឺជួយអភិវឌ្ឍសេដ្ឋកិច្ចប្រជាជននៅតាមជនបទផងដែរ។
លោកឧកញ៉ា បានគូសបញ្ជាក់ថា តាមរយៈដំណើរការអភិវឌ្ឍរបស់ក្រុមហ៊ុន Confirel រយៈពេលជាង ២០ឆ្នាំមកនេះ វិស័យផលិតកម្មក្នុងស្រុកប្រកបដោយស្តង់ដារ មានក្តីសង្ឃឹមកាន់តែធំឡើងសម្រាប់ប្រទេសជាតិ និងពលរដ្ឋកម្ពុជានាថ្ងៃអនាគត។ មានន័យថា ការកែច្នៃផលិតផលវត្ថុធាតុដើមចេញពីកសិករខ្មែរ មានការឆ្លើយតបទៅនឹងតម្រូវការរបស់ទីផ្សារអន្តរជាតិ ធ្វើឱ្យដំណើរការ និងការទទួលស្គាល់ផលិតផលខ្មែរ កាន់តែរីកធំឡើងៗ។ លោកឧកញ៉ា មើលឃើញទៀតថា «សព្វថ្ងៃទីផ្សារយើងមានហើយ យើងនឹងពង្រឹង និងពង្រីកទីផ្សារបន្ថែម ដើម្បីឱ្យចរន្តសេដ្ឋកិច្ចដំណើរការល្អ ពីលើរហូតដល់ក្រោម»។
បើតាមលោកឧកញ៉ាឱសថបណ្ឌិត ហៃ លីអ៊ាង សព្វថ្ងៃនេះ សេដ្ឋកិច្ចកម្ពុជា ចាប់ផ្តើមរីកលូតលាស់ហើយ។ ដើម្បីឱ្យការលូតលាស់នេះប្រព្រឹត្តិទៅបានយូរអង្វែង គឺត្រូវផ្តល់តម្លៃក្នុងការកែច្នៃផលិតផលចេញពីប្រជាកសិករ ដោយធ្វើឱ្យគុណភាព និងស្តង់ដារ បំពេញតាមតម្រូវការទីផ្សារអន្តរជាតិ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ