សេដ្ឋកិច្ច
កម្ពុជា ផលិតឱសថបានជាង ២០០មុខ នាំចេញទៅកាន់ ១៥ប្រទេស
កម្ពុជា បានផលិតឱសថតាមរយៈសហគ្រាសប៉េប៉េអឹមបានចំនួនជាង ២០០មុខ និងបាននាំចេញទៅកាន់ប្រទេសចំនួន ១៥ នៅអាហ្វ្រិច ដែលនិយាយភាសាបារាំង។ នេះបើតាមការបញ្ជាក់របស់លោកឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាសផលិតឱសថប៉េប៉េអឹម និងក្រុមហ៊ុន Confirel ផ្តល់បទសម្ភាសនៅក្នុងកម្មវិធី Grow under peace កម្ពុជាថ្មី។
លោកឧកញ៉ា បានឱ្យដឹងដូច្នេះថា« សព្វថ្ងៃនេះ យើងមានប្រហែល ២០០មុខ ប៉ុន្តែមិនទាន់ចប់ទេ យើងនៅតែពង្រីកថែមទៀត ហើយធំបំផុតនោះ យើងផលិតឱសថដែលចេញពីរុក្ខជាតិខ្មែរយើង ដូចជា ចេញពីញ និងប្រទាលថ្លើមឆ្កែខ្មៅជាដើម»។
លើសពីនេះទៀត សហគ្រាសប៉េប៉េអឹម នឹងពង្រីកសង្វាក់ផលិតកម្មឱសថច្រើនទៀត ដូចជា ថ្នាំដាក់ភ្នែក តេផ្កាម្រេចជួយបញ្ចេញជាតិពុលក្នុងខ្លួន និងយកទឹកញមកបន្ទំបង្កើតជីវចម្រុះជាដើម។
លោកឧកញ៉ា ហៃ លីអ៊ាង បានគូសបញ្ជាក់ថា ឱសថខ្មែរមានប្រសិទ្ធភាពមិនចាញ់ឱសថបរទេសនោះទេ ពោលគឺលោកបានរំលឹកថា ដើមឡើយខ្មែរបានប្រើប្រាស់ផលិតផលឱសថក្នុងស្រុករហូតដល់ ៧០ភាគរយ។
បើតាមលោកឧកញ៉ា ហៃ លីអ៊ាង មកដល់ពេលនេះ ប៉េប៉េអឹម បានជោគជ័យក្នុងការផលិតឱសថបំពេញតម្រូវការក្នុងស្រុកដល់គោលដៅ ដោយបានឆ្លើយតបតម្រូវការផ្នែកសុខភាពនៅក្នុងប្រទេសកម្ពុជា រហូតដល់មានលទ្ធភាពនាំចេញទៅប្រទេសក្រៅ ធ្វើឱ្យបរទេសស្គាល់ផលិតផលឱសថខ្មែរ។
លោកបន្តថា«យើងបានបង្កើតនូវការចេះដឹងក្នុងផ្នែកឱសថសាស្រ្តនេះ ដោយកន្លងមក យើងធ្លាប់តែទិញថ្នាំពីបារាំង តែឥឡូវនេះយើងមិនត្រឹមតែផលិតបានថ្នាំបារាំងសម្រាប់ប្រទេសយើង យើងថែមទាំងនាំទៅលក់នៅបារាំងថែមទៀតផង»។
ជាមួយនឹងការនាំចេញនេះ បើគិតជាទំហំទឹកប្រាក់ប្រមាណ ១០ លានដុល្លារអាមេរិក ក្នុងមួយឆ្នាំ ដែលបានចូលរួមលើកស្ទួយកំណើនសេដ្ឋកិច្ចជាតិ។ នេះជាការបន្ថែមរបស់លោកឧកញ៉ា ហៃ លីអ៊ាង៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ