Connect with us

ព័ត៌មានជាតិ

ឧកញ៉ា ហៃ លីអ៊ាង ប្រាប់មូលហេតុដែលនាំឱ្យពលរដ្ឋខ្មែរ​កើតជំងឺ​ទឹកនោមផ្អែមច្រើន

បានផុស

នៅ

ចំណីអាហារកែច្នៃដាក់លក់នៅលើទីផ្សារបង្កផលប៉ះពាល់ខ្លាំងដល់សុខភាពអ្នកបរិភោគ និងងាយបង្កឱ្យកើត​មានជំងឺទឹកនោមផ្អែម ចំពោះអ្នកដែលចូលចិត្តពិសាទឹកភេសជ្ជៈ និងផលិតផលប៉ូវកម្លាំងនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាសប៉េប៉េអឹម បានលើកឡើងថា ​មូលហេតុ​ដែលពលរដ្ឋ​ខ្មែរមានជំងឺ ពិសេសជំងឺទឹកនោមផ្អែមច្រើន ដោយសារការផ្សព្វផ្សាយទូលំទួលាយអំពីផលិតផលភេសជ្ជៈ ឬថ្នាំប៉ូវកម្លាំងផ្សេងៗ។ លោកបញ្ជាក់ថា«ការផ្សព្វផ្សាយតែងពន្យល់ថា ថ្នាំទាំងអស់នោះ ញ៉ាំទៅជួយឱ្យមានថាមពល ប៉ុន្តែតាមពិតទៅ ថាមពលទាំងអស់នេះ បានមកពីជាតិស្ករ ហើយស្ករទាំងអស់នេះ គឺមានច្រើនហូសហេតុ»។

លោកឧកញ៉ា បានឱ្យដឹងទៀតថា ផលិតផលប៉ូវកម្លាំងមួយដប(១កំប៉ុង) ស្មើនឹងកាហ្វេអ៊ិចប្រេសូ ៧កែវ ដែលបង្កឱ្យអ្នក​ពិសារទៅជាញ័របេះដូង ដោយសារជាតិស្ករមានកម្រិតហូសនៃការទទួល និងបញ្ចេញសារជាតិអង់សូលីន។

លើសពីនេះទៀត ការបរិភោគបាយច្រើន ក៏ងាយបង្កឱ្យកើតមានជំងឺទឹកនោមផ្អែមផងដែរ។ ត្រង់ចំណុចនេះ លោកឧកញ៉ាឱសថបណ្ឌិត ហៃ លីអ៊ាង បានពន្យល់ថា ជាតិស្ករនៅក្នុងបាយដែលយើងញ៉ាំរាល់ថ្ងៃ មានច្រើន​ជាងស្ករដែលនៅក្នុងស្ករត្នោតទៅទៀត។ លោកប្រៀបធៀប ស្ករដូចជាថ្នាំញៀនមួយប្រភេទ ពេលដែលអ្នកបរិភោគ​ធ្វើឱ្យឆ្ងាញ់ ប៉ុន្តែវាក៏ធ្វើឱ្យខូចសុខភាពផងដែរ។

ដើម្បីបង្ការ និងកាត់បន្ថយជំងឺទឹកនោមផ្អែម លោកឧកញ៉ា ហៃ លីអ៊ាង ជំរុញឱ្យមានការហាត់ប្រាណឱ្យបានច្រើន និងការផ្សព្វផ្សាយពាណិជ្ជកម្មអំពីផលិតរបស់ខ្លួនឱ្យមានភាពពិត ដោយពន្យល់ពលរដ្ឋដែលមានចំណេះ​ដឹងទាបឱ្យបាន​ច្បាស់ពីផលប៉ះពាល់ក្នុងការប្រើប្រាស់។

បើតាមលោកឧកញ៉ា ហៃ លីអ៊ាង នៅពេលដែលកើតជំងឺទឹកនោមផ្អែម អ្នកជំងឺអាចប្រឈមនឹងជំងឺឱកាសនិយម​ដទៃទៀត មានដូចជា ជំងឺលើសជាតិខ្លាញ់ ខ្លាញ់រុំបេះដូង ថ្លើម​ និងជំងឺផ្សេងៗទៀត។

នៅក្នុង​ទិវា​ទឹកនោមផ្អែម​ពិភពលោក​ ១៤ វិច្ឆិកា ២០២២ អភិបាលខេត្ត​បាត់ដំបង លោក សុខ លូ បានលើកឡើងថា «​ជំងឺ​ទឹកនោមផ្អែម គឺជា​ជំងឺ​រ៉ាំរ៉ៃ​មួយ ដែល​ជា​បន្ទុក​ដ៏ធ្ងន់​ដល់​ប្រទេស​កម្ពុជា​យើង និង​ពិភពលោក​ទាំងមូល ដែលមាន​អត្រា​មរណភាព​ ២%​ នៃ​ការស្លាប់​ដោយ​ជំងឺ​មិនឆ្លង​»​។ លោកបានបន្តថា នៅ​ឆ្នាំ​ ២០១៧ ពិភពលោក​មាន​អ្នកជំងឺ​ទឹកនោម​ផ្អែម​​ចំនួន​ ៤២៥ ​លាន​នាក់ និង​ឆ្នាំ​ ២០៤០​ អាច​កើនឡើង​ដល់​ ៦៤២ ​លាន​នាក់ ហើយ​រៀងរាល់​ ៨ ​វិនាទី មាន​អ្នកជំងឺ​ទឹកនោមផ្អែម​ស្លាប់​ម្នាក់​»។

ប្រជាពលរដ្ឋកម្ពុជា អាយុចាប់ពី ២០ឆ្នាំ ដល់ ៧៩ឆ្នាំ មានជាង ៤៣ម៉ឺននាក់ កំពុងរស់នៅជាមួយជំងឺទឹកនោមផ្អែម ខណៈចំនួនអ្នកស្លាប់ដោយជំងឺនេះ កើនដល់ ៣,៣៦២នាក់ ឬប្រហែល ៣.៧៥ភាគរយ នៃចំនួនអ្នកស្លាប់ប្រចាំឆ្នាំ។ នេះបើតាមទិន្នន័យចេញផ្សាយដោយអង្គការសុខភាពពិភពលោក (WHO) កាលពីឆ្នាំ ២០២០៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ២ ម៉ោង មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម